Pay It Forward (2000)

Loksins lét ég verða að því að taka þessa mynd á leigu og ég sé ekki eftir þeim peningum því að Play it Forward er virkilega hugljúf og einfaldlega mögnuð mynd um 11 ára gamlan strák leikin Haley Joel Osment sem fær þá flugu í höfuðið að hugsanlega sé hægt að breyta heiminum með einni einfaldri hugmynd sem byggist á því að gera einhverjum stóran greiða sem síðan endurgreiðir það með því að gera einhverjum 3 öðrum persónum stóran greiða og hann reynir einmitt að gera móður sinni, leikin af Helen Hunt, greiða með því að koma henni saman við kennarann sinn sem leikinn er af Kevin Spacey og þau Spacey og Hunt fara alveg á kostum og það er líka gaman að sjá gömlu kynbombuna Angie Dickinson í litlu hlutverki sem amma stráksins og ég get líka stoltur sagt frá því að ég fékk kökk í hálsinn og táraðist á tveimur stöðum í seinni hluta myndarinnar, svo magnþrungin er hún.

Pay it forward. Mynd sem engin ætti að láta frámhjá sér fara þetta er frábær mynd með Helen Hunt (What Women Want, As Good as it Gets, Cast Away), Kevin Spacey (American Beauty) og Haley Joel Osment (The Sixth Sense) Þessir leikara voru æðisleg eins og Haley Joel Osment ungur leikari sem á sér framtíð í Hollywood hann á Óskarinn skilið alveg eins og Helen Hunt og Kevin Space. Myndin er um að Það er strákur sem á erfitt með því að treysta mömmu sinni því að hún á við drykkjuvandamál að stríða. Hann á erfiðum tíma og kennarinn í féglagsfræðinni sagði þeim að fara og finna eitthvað upp til að gera heiminn betri. Ekki láta þessa mmynd fara frámhjá ykkur. Hún kom mér alveg á óvart.

Heillandi og hugljúf kvikmynd sem hittir beint í hjartastað. Hún er í senn mjög manneskjuleg og einstaklega vel leikin af sönnum leiksnillingum. Hér segir af Trevor McKinney (Haley Joel Osment), 11 ára gömlum strák sem á í erfiðleikum heima fyrir. Mamma hans, Arlene (Helen Hunt) er áfengissjúklingur sem vinnur myrkranna á milli til að framfleyta sjálfri sér og honum, en faðir hans yfirgaf þau mæðgin fyrir mörgum árum. Líf Trevors tekur miklum stakkaskiptum þegar félagsfræðikennarinn Eugene Simonet (Kevin Spacey) hefur kennslu í skólanum hans. Simonet setur nemendum sínum það verkefni að koma með hugmyndir sem gætu gert heiminn betri - og biður þá jafnframt um að framkvæma þær. Trevor telur sig hafa hina gullnu lausn á verkefninu, en hún gengur út á að aðstoða þrjár mismundandi persónur og biðja þær síðan að aðstoða einhverjar aðrar þrjár. Þannig ætti bróðurlegur kærleikur að fara eins og eldur í sinu út um allan heim og gera jörðina að mun betri stað til að búa á. Trevor byrjar á því að bjóða útigangsmanni að búa heima hjá sér, aðstoðar vin sinn í neyð og reynir að síðustu allt hvað hann getur til að koma mömmu sinni og Simonet saman. Spurningin er bara, mun þessi hugmynd Trevors ganga upp? Óskarsverðlaunaleikararnir Kevin Spacey (American Beauty, The Usual Suspects) og Helen Hunt (As Good As It Gets) ásamt ungstirninu Haley Joel Osment (The Sixth Sense) fara hér alveg á kostum og sanna með mögnuðum frammistöðum sínum í þessari mynd í eitt skipti fyrir öll að þau eru með bestu leikurum samtímans. Spacey og Hunt hafa náttúrulega fyrir löngu sannað magnaða snilli sína sem leikara á heimsmælikvarða og vinna enn einn leiksigurinn. Haley Joel Osment sýnir það og sannar hér að hann er magnaður leikari sem á framtíðina fyrir sér, hann fylgir hinni mögnuðu frammistöðu sinni í The Sixth Sense eftir með glæsibrag. Þessi strákur er alveg frábær og ég spái því hiklaust að hann verði ein af björtustu vonum kvikmyndaheimsins á næstu árum. Það verður gaman að sjá hann í A. I. (kvikmynd meistara Spielberg) eftir nokkra mánuði. Það er ekki oft sem gerðar eru kvikmyndir sem hafa áhrif á líf fólks geta breytt lífsskoðunum manna. Þessi mynd er hiklaust ein þeirra og það ættu allir að sjá hana og jafnvel að fara eftir boðskap hennar. Þessi mynd kom mér á óvart og ég mæli alveg hiklaust með henni við alla sanna kvikmyndaunnendur! Semsagt; mögnuð mynd sem enginn má missa af!

Pay It Forward er byggð á mjög frumlegri hugmynd: Kennari nokkur setur 11 ára nemendum sínum fyrir það verkefni að láta sér detta eitthvað í hug sem getur breytt heiminum til hins betra og hrinda því síðan í framkvæmd. Einn nemenda hans, Trevor (Haley Joel Osment), fær þá hugmynd að gera góðverk fyrir einhverja þrjá einstaklinga gegn því einu að hver þessara einstaklinga geri svipuð góðverk fyrir þrjá aðra einstaklinga. Atburðarásin gengur að miklu leyti út á hvernig honum gengur að koma hugmynd sinni í framkvæmd en hér er um að ræða mjög persónudrifna mynd sem varpar fram ýmsum spurningum um heiminn sem við búum í. Mér finnst eitthvað gífurlega öflugt við þema myndarinnar og hvernig það er meðhöndlað, það er hvort við sem einstaklingar getum gert eitthvað til þess að virkilega bæta heiminn og hvað þarf til þess. Persónusköpun er jafnramt með besta móti, aðalpersónurnar eru allar kvaldar sálir með beinagrindir í skápum sínum. Kevin Spacey, Helent Hunt og Haley Joel Osmond sýna öll stórleik og maður hefur á tilfinningunni að þessi mynd hafi verið rænd á Óskarsverðlaunum í mars. Ég á ekki gott með að finna neina raunverulega galla af viti við þessa mynd, en ef eitthvað er þá verður hún kannski örlítið væmin í lokin. Niðurstaðan sem ég kemst að er því að þetta er einstök kvikmynd sem enginn er verri maður fyrir að hafa séð.