Dr. T & the Women (2000)

Ég verð nú að segja að ég hélt hún væri aðeins betri en samt er hún ágæt. Dr T. er kvensjúkdómalæknir og á konu sem er geðveik og mikið veik. Hann á tvær dætur og ein er að fara að giftast en ég verð að segja að það er doldið langt síðan ég sá þessa mynd þannig þið verðið að afsaka ef ég get ekki sagt það sem þið viljið að ég bæti við. En þarna eru allir að laga til fyrir þetta brúðkaup. En svo kynnist Dr T. einni konu sem Helen Hunt leikur en í þessari mynd gerist svo margt, margt fleira sem ég man eftir en ég vil ekki segja meira en ef þið hafið áhuga á brúðkaupum og því tilstandi sjáið hana en samt er hún fyrir alla þótt hún sé ekki beint grínmynd.

Ég varð fyrir miklum vonbrigðum þegar að ég leigði myndina Dr. T and the woman. Hún er ömurleg, söguþráðurinn er leiðinlegur (annars er hann frekar lítill), mér finnst myndin vera leiðinlega tekin og þó svo að leikararnir séu frábærir (þeir fá þessa hálfu stjörnu) að þá ná þeir samt ekki að bjarga henni. Endirinn eyðilagði síðan allt, ég beið alltaf eftir að eitthvað myndi gerast en svo eftir langar 120 mínútur var hún búin. Söguþráðurinn er auðveldur, Dr. Sullivan Travis (Richard Gere) er kvensjúdómalæknir í Dallas. Hann á tvær dætur sem eru leiknar af Kate Hudson og Laura Dern. Hann er giftur konu sem er geðveik og síðan lendir hann í einhverjum óhöppum. Það er algjör synd að sjá hvernig þessari mynd var klúðrað því með þessum leikurum væri hægt að gera mikið betri hluti. Ég ráðlegg ENGUM að taka hana! Þetta er meira að segja ekki konumynd... :)