Judge Dredd (1995)

Stallone gamli leikur hér titilpersónuna, löggæslumann í niðurníddu bandaríkjunum árið 2139. Kauði er ranglega ásakaður um morð og reynir að sanna sakleysi sitt. Sly er ágætis leikari og er fínn hér eins og oftast. Aldrei þessu vant er Rob Schneider í hasarmynd en hann er einna þekktastur fyrir gamanmyndaleik. Reyndar leikur hann hér hálfgerðan trúð og virðist ekki geta slitið sig frá því. Það er mikill annars flokks keimur af myndinni en þeir sem eru fyrir svona myndir láta það ekki á sig fá. En þeir sem eru ekki fyrir svona myndir ættu að láta þessa framhjá sér fara. Undirrituðum finnst Judge dredd svona ágætis skemmtun en ekki mikið meira.

Það má með sanni segja að Stallone stígi aldrei feilspor í vali sínu á kvikmyndum. Þetta meistarastykki er enn ein sönnunin á þessari þumalputtareglu kvikmyndafræðinnar. Þetta er háklassa spennumynd um Judge Dredd (Stallone) sem er allt í senn lögregluþjónn, dómari og framkvæmdarvald. Dredd er í myndinni leikin grátt af illum aðilum sem fá svo síðar í myndinni ærlega fyrir ferðina, í endi sem kemur svo sannarlega öllum á óvart. Það er algjör óþarfi að nefna hverslags hágæðaleik Sly sýnir í myndinni eins og hann er vanur. Myndin er í öruggri leikstjórn af hinum lítt reynda Danny Cannon, sem síðar sendi frá sér I still know what you did last summer og Phoenix, báðar árið 1998 og er ekki ástæða til annars en að vona að hann drífi sig í að senda eitthvað fleira frá sér á næstunni. Það er full ástæða að stökkva á þessa á næstu leigu, sem um lottovinning væri um að ræða.

Ég held að titill myndarinnar og aðalleikarinn segji allt sem segja þarf um þessa hörmung. Gjörsamlega misheppnum mynd um teiknimyndahetjuna Judge Dredd sem er ótrúlega illa leikin af Stallone. Forðist þessa nema þú fílir lélegar myndir