Dracula (1992)

Þrusugóð vampíru mynd með FULLT af frægum leikurum og leikstjórinn er enginn annar en Francis Coppola (Godfather 1,2,3).Ég bjóst við miklu af myndinni en ég fékk miklu meira

þetta er skyldumynd fyrir alla kvikmynda aðdáendur.

Ein albesta Drakúlamynd sem undirritaður hefur séð, og einhverjum ljósárum framar en Dracula 2001 og Christopher Lee-myndirnar. Fer allvel eftir bókinni, sem er vel, og er valinn leikari í hverju rúmi, skemmtilega tekin, leikstýrt og sviðsett. Brilljant mynd og skyldueign á hverju siðmenntuðu heimili.

Bram Stoker's Dracula eftir Francis Ford Coppola er algjört meistaraverk sem átti mikið betra skilið en gagnrýnina sem hún fékk þegar hún kom út. Að vísu er hún rosalega over-the-top, en þegar allir leikararnir reyna að stela senunni af hvort öðru verður útkoman alltaf ýkt. Gary Oldman sýnir hér ótrúlegan leik sem greifinn með beittu tennurnar og ekki eru síðri þau Winona Ryder, Anthony Hopkins og Sadie Frost. Eini lösturinn við myndina er Keanu Reeves sem, með litlum tilþrifum, staulast stirðbusalega gegnum myndina með versta enska hreim sem heyrst hefur í langan tíma. Allar sviðsmyndir eru til fyrirmyndar, búningar í hágæðaflokki og falleg tónlist Wojciech Kilar skilar svo sannarlega sínu. Ótrúlega frábær mynd!