AVP: Alien vs. Predator (2004)

Eins og Tómas Valgeirsson segir, þá er þessi mynd (og svipaðar) ekki gagnrýnendavæn. Þar er ég nokkuð sammála, en ætla þó að gera mitt besta í að segja mitt álit. Í fyrsta lagi þá fer of langur tími í að ná saman öllu fólkinu og í persónusköpun og kynningu á atburðum, sérstaklega þar sem að myndin er ekki lengri en þetta og búið var að skera aðeins af henni aflmestu bitana. En það tekst ágætlega hjá Anderson. Hvernig hefði farið fyrir útkomu myndarinnar og áliti fólks á henni, hefði verið dempt sér mikli fyrr í öll helstu slagsmála,- og hasaratriðin: myndin hefði verið hökkuð í ræmur og aðsókn minnkað. Mér finnst sagan á bakvið komu Pretadorana hingað á kringluna ansi forvitnileg, og takast nokkuð vel. Það var einhver að tala um (á niðrandi og slakkandi hátt) að -það væri einum of ''hentugt'' að Pretadorarnir kæmu einmitt til jarðarinnar þegar 100 ár væru liðin frá því síðast-. Hefði sá aðili ómakað sig að horfa á myndina, þar sem að hann var hvort er að kaupa sig inn á hana, Þá væri honum ljóst að ástæðan fyrir því að fólkið var þarna var einmitt sú að þau voru lokkuð þangað. Einhvern megin þurftu eggin úr face-huggerunum að komast í góðan líkama. Hvað umhverfi og tæknibrellur varðar þá var allt með hinu besta móti, en maður fékk eiginlega ekki tíma til að átta sig almennilega á öllu, þar sem að myndatakan var stundum einum of hröð. Eins og til dæmis í tveim fyrstu slagsmálunum milli Alien og Pretadora. Búningar (þá meina ég fígúrurnar) eru alveg ágætlega vel gerðar. Pretadorarnir eru að koma nokkuð vel út. Það er gaman þegar maður áttar sig á því að Lance Henriksen er að leika ''sama'' karakter hér og í Alien 3. Það vekur mann til umhugsunnar, þar sem að Weyland var það ríkur að hann hefur látið geyma úr sér eitthvað til að hægt væri að endurgera hann í framtíðinni. Og svo endar hann sem -anatomicly correct- vélmenni í Alien3. Þetta gefur mér vonir um sjálfstætt framhald Alien'Pretador myndanna eins og þessi hérna er.

Áður en við fórum á þessa mynd, ákváðum við að horfa á allar 6 myndirnar, alien 1-4 og predator 1 og 2. Hvort það hafi reynst eitthvað nauðsynlegt er óvíst, en það var skemmtilegt áhorf engu að síður. Mér fannst Alien vs Predator bara nokkuð góð mynd og kemur líklega í sætið á eftir Alien 2. Eins og búast má við voru báðar persónur nokkuð betur gerðar en áður, en allar tæknibrellur í myndinni fannst mér mjööög vandaðar. Það er ekki hægt að segja að söguþræðir og staðreyndir Alien og Predator myndanna hafi verið tvinnað saman hér, heldur mikið frekar voru þessar tvær verur og eiginleikum þeirra moðað saman. Þegar litið er til þess að Predator hét öðru nafni 'Ailen Hunter' er ekkert annað en sniðugt að gera það. Hinsvegar held ég að mjög margir gleymi því að fyrirmynd myndarinnar sé tölvuleikurinn sem ber sama nafn, en ekki báðar myndaseríurnar. Leikurinn tekur bæði kvikindin og lætur þau vera í striði við hvort annað, og frá því sem ég hef heyrt er hann einn af mest scary leikjum sem til eru. Jah, myndin gerir reyndar ekkert voða mikið af þessu. Hún er svo sannarlega ekkert scary, ég meina mest hræðandi atriðið var þegar mörgæsin lét einn gaurinn gera í buxurnar. Stríðið milli þeirra var þar að auki ekkert svo mikið í sviðsljósinu. Eins mikið og manni var tjáð út frá trailerum og þannig háttar að myndin væri um stríð milli þessara vera, þá var hún það hreinlega ekkert svo mikið. Frasinn: no matter who wins...we lose á eiginlega ekkert við! Þrátt fyrir þetta var söguþráðurinn þrælskemmtilegur og sniðugur! Mér fannst myndin hinsvegar of stutt, ótrúlegt en satt. En þegar litið er til þess að bæði náðist ekki að klára allar tæknibrellur og leikstjóranum var skipað að klippa nokkur 'bestu' atriðin út er það alveg eðlilegt. Því held ég að 'Director's cut' útgáfan verði mun betri, og hlakkar mér mikið til að sjá hana í góðu hljóðkerfi og á stórum skjá. Ef ég væri spurður um fleiri galla, kæmi lítið upp. Það kemur reyndar svolítið skrítið fyrir sjónir að sjá predator bæði svona góðan og lélegan, en að mínu mati útskýrir myndin það...enda þó predator í AvP sé fenginn úr myndinni um predator er ekki þar með sagt að predatorin þurfi að vera nákvæmlega eins í báðum myndum. Fyrir suma er örugglega nauðsynlegt að hafa ekki séð Alien eða Predator myndirnar til að geta notið AvP, en ég er mjög sáttur með að vera ekki einn af þeim. Ég naut þessarar myndar, sem mér fannst meira en bara ágætis afþreying. Reyndar vona ég innilega að það verði gerðar fleiri AvP myndir, sem þurfa alls ekki að vera beint framhald, heldur t.d. um eitt gott stríð milli þeirra eða AvP: the Beginning, eins og er búið að vera í tísku. En m.v. lélega dóma og að AvP halaði inn undir 100m$ í Bandaríkjunum þarf tæpast að búast við því, því miður.

AVP. Eins og sumir kjósa að kalla hana. Ég veit ekki hvað skal segja. En ég et þó ekki hrósað grafíkinni á köflum, hún var ömurleg. Þetta var nokkurn vegin eins og 5 ára gamall krakki að leika sér að ofurtölvu, því að þeir réðu ekki við neitt. Söguþráðurinn sjáæfur byrjaði frekar þunnt. Mér fannst vanta alla dýpt og svona tengsl við karakterana. Þetta var eins og ef að við líkjum þessu við ritgerð. Það vantaði innganginn. Þó að ekki sé minnst á hvað þetta var allt frekar fyrirsjánlegt. Ég verð að viðurkenna það að ég hef ekki séð fyrri myndirnar um Alien eða predator. En þrátt fyrir vanþekkingu mína þá hefði ég alveg getað átt góða stund í bíó. En ég var svona frekar hrifinn af sumum atriðunum. Og þar sem að ég var í góðu skapi þá skemmti ég mér ágætlega. Þetta er góð mynd til að skemmta sér í 2 tíma, en ekki til að sjá góðar tæknibrellur :D

Alien myndirnar hafa allar slegið í gegn og geimverurnar löngu orðnar klassískar. Predator átti sína spretti, sérstaklega í fyrstu predator myndinni en seinni myndin var mjög slæm. Báðar þessar geimverur eiga það sameiginlegt að vera mjög vinsælar en jafnframt mjög ólíkar. Því var gefin út tölvuleikur sem byggði á baráttu milli þessara tveggja geimvera. Um leið og það var gert var hægt að segja sér að það hlýtur að vera gerð bíómynd þar sem þessar tvær geimverur eru saman. Paul W.S. Anderson var fenginn til að stýra þessu verkefni. Paul er ansi mistækur leikstjóri og hefur gert stórgróðar myndir eins og Event Horizon og Resident Evil en líka skelfilegar myndir eins og Soldier og Mortal Kombat. Alien vs. Predator fellur því miður í flokk hans verstu mynda. Kannski má færa rök fyrir því að það ætti ekki að vera setja út á söguþráð svona myndar þar sem hann er hvort eð er með ólíkindum. En málið er bara að Alien myndirnar og fyrsta Predator myndin voru byggð á traustri og trúverðugri sögu en það vantar algjörlega í þessari mynd. Milljarðarmæringurinn Charles Bishop Weyland sendir hóp manna til Suðurskautslandsins til að grafa niður á hlut sem virðist vera pýramídi. En þegar hópurinn kemur niður að pýramídanum komast þau að því að þau eru aðeins peð í tafli á milli tveggja óvætta og reyna hvað þau geta til að koma sér út. En óvættarnir hafa ætlað þeim annað hlutverk. Í raun er myndin svo fáránleg að það þýðir varla að tíunda það hér í þessari stuttu gagnrýni. Það eru eitt og eitt flott atriði sem ná að halda athygli manns í smá stund en í heild var maður afskaplega svekktur út í Paul W.S. Anderson að hafa farið svona illa með tvær goðsagnir úr kvikmyndasögunni. Það er vonandi að einhver geri Alien 5 og Predator 3 til að bjarga því sem bjargað verður. Alien vs. Predator er hallærisleg tilraun til að koma þessum óvættum aftur á hvíta tjaldið, tilraun sem misheppnaðist algjörlega. Forðist þessa.

Þar kom að því. Alien vs. Pretador! AVP er skrítin mynd að miklu leiti vegna hve allt lítur mun raunverulega út. Maður býst við svona nútímamynd léleg og ömurlegur söguþræði. En þessi mynd kemur manni á óvart á margan hátt. Vísindamen komast að því að það sé píramidi 2000 fet undir jörðinni hjá Andartíku. Sendiför er hafin en þegar á staðinn er komið þá finnur hópurinn út að líf sé að finna í píramydanum og þá byrjar uppgjörið milli Aliens og Pretadora Allt er frábærlega vel gert, búningarnir, Píramýdinn og yfirgefna hvalaveiðistöðin eru heilt sett. Leikendurnir eru frábærir og hvernig bardagi Pretadoranna og Alienanna er útfærður er snilld. Grínið í myndinni er ágætt og verð ég að segja að fyndnasti karakterinn í myndinni er síðasti Pretadorinn. :d. Myndin er mun betri en Pretadormyndirnar og kemst upp til Alienmyndanna.

Mikið hefur breyst í Hollywood síðan Predator 2 var framleidd fyrir litlum 14 árum, endirinn á henni gaf augljóslega möguleika á framhaldsmynd og hafði ég hlakkað til þess dags sem ég gæti horft á Predator í þriðja sinn, enda mikill aðdáandi. Slatti hefur verið um svokallaðar Versus myndir undanfarið þar sem tveir erkifjandar mannkynsins slást uppá líf og dauða og má þar nefna til dæmis Freddy Vs Jason. Sú mynd var ágætis afþreying vegna þess að hún var hröð og haldið á léttu nótunum. AVP rembist hinsvegar eins og rjúpan við staurinn við að vera gáfuleg og svöl þessar 88 mínútur. Söguþráðurinn er auðvitað frekar einfaldur og settur bara til þess að skapa flott umhverfi sem bakgrunn fyrir allar tæknibrellurnar. Billjónamæringurinn Charles Bishop Weyland (Lance Henriksen) Hefur uppgötvað pýramída grafinn 600 metra undir ísnum á suðurskautslandinu sem gæti verið lykillinn af upphafi menningar á Jörðinni. Hann ræður hóp vísindamanna til að fara niður að pýramídanum og komast að því hver byggði hann og til hvers, óaðvitandi að bardagi milli tveggja erkióvina er að hefjast með slæmar afleiðingar fyrir mennina. Alien Vs Predator er forheimskandi mynd. Hver með fulla greind vill sjá handritshöfundin og leikstjórann taka ekki eina heldur tvær kvikmyndaseríur og gera lítið úr þeim á tæpum 90 mínútum. Kannski einhverjir 12 ára kanar sem þessi mynd er greinilega gerð fyrir. Aðrir ættu að spara peninginn og vera heima. Anderson stígur upp að pallborðinu með hræðilegan feril sem inniheldur slæmar myndir eins og Soldier, Mortal Kombat og Event Horizon. Greinilega þá hefur AVP ekki haft jafn hátt budget og Resident Evil því að myndin er stútfull af hlægilega lélegum hasar atriðum þar sem illa gerðir Predator búningarnir eru faldir með myrkri og þoku. Andlit Predatorana hefur líka verið endurhannað og lítur það enn verr út en í upprunalegu myndinni sem var gerð 1987. Kallast þetta þróun? Niðurstaða ekki sjá þessa mynd ef þú er aðdáandi seríanna tveggja. >>>>>>>>>>>>>SPOILERS Hér eru nokkur atriði sem útskýra af hverju þessi mynd er haugur af klaufdýrahlessingi 1. Það er ekki nauðsynlegt að koma fram við Sci-Fi aðdáendur eins og hálfvita. Það er engin ástæða til þess að útskýra hvert einasta smáatriði á 5 mínútna fresti (miklum tíma var eytt í myndinni í svoleiðis kjaftæði) Snemma í myndinni er útskýrt að árið 1904 hafi allir á hvalveiðistöðinni horfið sporlaust við mjög undarlegar aðstæður. Núna er árið 2004... aaahh það eru akkúrat hundrað ár síðan. Leikstjórinn er semsagt að segja að Predatorar og Aliens drápu allt fólkið. Ég þurfti enga frekari útskýringu á því eins og með þetta tímahjólsrugl... 2. Hver í fjandanum hannar sleða sem þarf aðgangs kóða til þess að hægt sé að nota hann sem er svo hægt að komast framhjá með því að lemja á neyðarhnapp. 3. Hvers vegna í fjáranum þarf fólk alltaf að vera snerta slímið sem Alienin skilja eftir sig á jörðinni? ahh kúkur, best að káfa aðeins á honum til þess að vera viss um hvað þetta sé Þessi umfjöllun var einnig sett inná WWW.HUGI.IS undir notendanafni mínu MrWhite

Þessi mynd er með mjög góðum söguþræði og er mjög vel gerð.

Hún byrjar á að gervitungl finnur mann virki neðanjarðar(undir ís) og þau komast af því að þetta er píravídi en það er strax slegið upp í leiðangur en þegar það er of seint að snúa við fatta þau að það leynist líf þarna en það er ekkert of vinalegt. Þá komast þau af því að þau eru í miðju stríði á milli Alien og Predadora. Þá hefst baráta á milli lífs og dauða. Ég vill ekki vera að kjafta(meira)frá myndini svo farið þið bara á hana í bíó. Þið eruð alveg að fá fulla skemtun fyrir peninginn ykkar. Þótt að það sé búið að klippa heling úr myndini þá er þetta full skemtunn. Mér finnst svona spennu myndir svo skemtilegar en það versta við þessa er að aumingja fólkið er fast þarna niðri meðan þetta stríð er og þið verðið bara að sjá í bíó hvort einhvað kemst lífs af. Og ég gef þessari mynd 4 stjörnur af fjórum.

Bíómyndir eins og Alien Vs. Predator eru ekki mjög gagnrýnendavænar. Það er kannski ekkert skrítið, því í þessu tilfelli er fátt sem getur flokkast undir fagmannalegt, sérstaklega hvað varðar persónusköpun, samtöl eða söguþráð. Þessir þrír þættir eru almennt mikilvægir í kvikmyndagerð, en hér þarf vart á þeim að halda. Það eina sem maður vill sjá er fullnægjandi skammtur af ofbeldi milli skepnanna tveggja. Kannski ekki beint smekklegt viðhorf, en þegar myndin ber titilinn ‘Alien Vs. Predator’ er manni skítsama um annað. Samt skil ég ekki hvers vegna aðstandendur reyndu að gera eitthvað mikið úr þeirri örlitlu persónusköpun sem hér er um að ræða, því það eina sem hún gerir er að tefja atburðarrásina (Freddy vs. Jason gerði það sama). Og dæmið batnar ekki mikið þegar leikararnir sýna ósköp daprar frammistöður, svo ég tala nú ekki um þegar nánast allar persónurnar eru litlausar klisjur. Svo líður að uppgjörum skrímslanna, en því miður þurfum við að bíða meira en helming myndarinnar til að komast þar að. En eftir að allt fer af stað þá er hvergi stansað og myndin stendur fullkomlega undir nafni. Svo velta margir sér upp úr hvernig myndin eigi möguleika á að tryggja góða skemmtun þegar hinn umtalaði PG-13 aldursstimpill er til staðar. Jaa... Ég verð bara að viðurkenna að myndin er frekar subbuleg og hörð þegar það kemur að skepnudrápum. Aftur á móti, þegar mannfólk er um að ræða er það verulega auðséð að myndin hafi verið klippt niður. Heildarmyndin þjáist auðvitað fyrir þessi ósköp, en þó ekki eins mikið og margir vilja halda. Tæknibrellur og sviðshönnun er virkilega flott, og jafnvel er smá vottur af húmor undir þessu öllu saman (Ewen Bremner - meistarinn í stereótýpum - sér um fyndustu línu myndarinnar). Leikararnir eru samt almennt ekki það sem skiptir máli, en ég hafði samt mjög gaman af tilvitnum leikstjórans í gömlu Alien eða Predator ræmurnar (eins og m.a. með karakterinn Bishop (endurtekinn af Lance Henriksen) og klassísku ''You are one ugly motherf....'' línuna - sem því miður, varð einnig stytt vegna aldursstimpilsins). Eitt er allavega víst, og það er að Sanaa Lathan er alls engin Sigourney Weaver. Paul W.S. Anderson er misgóður leikstjóri sem hefur átt bæði góða og vonda daga. Hann hefur gert allt frá gæða hrollvekju eins og Event Horizon upp í hina fráleitu Resident Evil. AvP liggur einhvers staðar þarna á milli. Hún virðist ná flestum markmiðum sínum, meðan henni mistekt með sum önnur. Seinni helmingur myndarinnar er sá sem fær þessa einkunn og ég neyðist til að hækka hana aðeins fyrir töff endi (nice touch frá leikstjóranum verð ég nú að segja...). Það besta sem ég get sagt er að hún er talsvert betri heldur en seinustu tvær Alien-myndirnar og jafnvel Predator framhaldið, en skemmtilegast verður að sjá Director's Cut útgáfuna.6/10

Hef ekki spilað leikinn að ráði, en ákvað að kíkja aðeins á myndina og hún kom mér bara nokkuð á óvart.

Hún er drulluspennandi, flott og svo kom mér virkilega á óvart að það er ágætlega pottþéttur söguþráður í henni. Ég ætla að rembast við það að spoila ekki.

En allavega... myndin byrjar þegar vísindamenn fyrirtækisins Waylen industries hafa uppgötvað dularfullt mannvirki lengst undir suðurskautslandinu sem þeir telja vera merki um forna menningu, og í framhaldinu af því kallar milljarðamæringurinn og vísindamaðurinn Waylen saman sérfræðinga af ýmsum sviðum og skipuleggur leiðangur til að rannsaka það sem er undir ísnum áður en aðrir aðilar uppgötva það. Leiðangurinn fer í mikilli leynd á staðinn og býr sig undir rannsóknir. En... eitthvað er þarna niðri, og það er ekki vingjarnlegt. Upphefst barátta upp á líf og dauða þar sem vesalings mannfólkið virðist vera í miðju stríði milli geimverukynþáttanna tveggja og eru fáar undankomuleiðir.

Hörkugóð mynd og fínar tæknibrellur, ágætis leikur og eins og áður sagði kemur sagan manni á óvart. Eini gallinn á útgáfunni sem ég sá er að það er búið að klippa svo mikið af atriðum úr henni að hún er bara 88 mínútur að lengd. Vona innilega að hún komi í upprunalegri útgáfu á DVD.


Ps. takið eftir nafni milljarðamæringsins og hver leikur hann. Klingir nafnið Wayland BISHOP einhverjum bjöllum hjá Alien fönum?


Kv. Seppi

Ég ætla að byrja á því að segja að ég bjóst við jafn lélegri mynd og predator 2 var svo ég bjóst ekki við neinu merkilegu.

Hugmyndin er nokkuð skemmtileg og er umhverfið mjög flott og sömuleiðis tæknibrellur,leikurinn er ekkert merkilegur en hann er heldur ekkert slæmur.

Stærsti galli myndarinnar er eins og maður bjóst við handritið,það er svo sem ekki alslæmt en það sem fór mest í taugarnar á mér við það var að það hefði getað verið helvíti gott ef þeir hefðu bar eitt meiri tíma í að lagfæra það og gera betur, því að grunnhugmyndin er mjög skemmtileg.

Þó svo að handritið mætti vera mikið betra er þetta ágætis afþreying ef maður er ekki með of milar vonir.