Amelia (2009)

Sem ung stúlka varð Amelia Earhart algerlega heilluð af flugvélum eftir að hún sá eina slíka fljúga yfir sléttuna í Kansas, þar sem hún var alin upp. Eftir það stýrir ást hennar á flugi og flugvélum öllu hennar lífi, sem leiðir til þess að einn daginn kemur fjölmiðlakóngurinn George Putnam (Richard Gere) að máli við hana og býður henni að verða fyrsta konan til að fljúga yfir Atlantshafið, en sem farþegi þó. Ákveðni og áræðni hennar veldur því að á endanum verður hún flugstjórinn í þessu tímamótaflugi og verður heimsfræg fyrir. Putnam hjálpar henni að skrifa bók um flugið og verða þau smám saman ástfangin hvort af öðru og giftast. Hins vegar hefur Earhart ekki fengið fylli sína af flugi ennþá og stefnir á mörg stærri og merkilegri met, en það á eftir að hafa miklar afleiðingar...