A Thousand Words (2012)

Jack McCall er sölumaður sem reiðir sig á hæfileika sína við að koma fyrir sig orði. En hvað gerist þegar hann á aðeins þúsund orð eftir ósögð? Jacks McCall starfar hjá bókaútgáfu við að afla henni höfunda sem líklegir eru til að selja eitthvað. Jack er snillingur í að semja og selja með orðunum einum saman enda einstaklega orðheppinn maður. Dag einn fær hann tækifæri til að gera samning við gúrú einn að nafni Sinja, en sá hefur safnað um sig milljónum aðdáenda sem bíða nánast í röðum eftir að fá að lesa speki hans. Jack lætur ekki bjóða sér svona tækifæri tvisvar og veit auðvitað ekki fyrr en það er orðið of seint að þessum samningi fylgir sú sérkennilega kvöð að við þúsundasta orð sem hann mælir þaðan í frá mun hann detta niður dauður ...