Son of a Gun (2014)

19 ára strákur sem er í fangelsi vegna minniháttar afbrots kynnist þar alræmdum glæpamanni og samþykkir að ganga til liðs við hann og glæpagengi hans. Það er sannarlega óhætt að mæla sterklega með þessari hörkumynd við þá sem vilja sjá hraðar, spennandi og dálítið brútal glæpamyndir þar sem allt getur gerst. Ewan McGregor leikur hér af snilld alræmdan og harðsvíraðan glæpamann, Brendan Lynch, sem kemur 19 ára pilti, JR, til aðstoðar í fangelsi og heldur yfir honum verndarhendi gegn því að strákurinn aðstoði hann við að flýja. Flóttinn heppnast og í framhaldinu tekur Brendan að skipuleggja bíræfið gullrán sem JR samþykkir að taka þátt í. En hlutirnir eiga sannarlega ekki eftir að fara eins og ráð var fyrir gert ...