Bein útsending frá TED Women - Seinni hluti (22:15-02:00) (2013)

TEDxReykjavík býður þér á beina útsendingu frá TEDWomen ráðstefnunni sem haldin er í San Francisco 5. desember nk. Viðburðurinn verður haldinn í Bíó Paradís. Þetta er þriðja árið í röð sem TEDWomen ráðstefnan er haldin og er áhersla í ár á uppfinningar: allt frá nýjustu tækniframförum yfir í hvernig finna má nýjar leiðir til að uppræta fátækt. Meðal fyrirlesara verða Sheryl Sandberg, COO hjá Facebook og höfundur bókarinnar Lean In. TEDWomen er hluti af TED, samtökum sem hafa það að markmiði að færa saman helstu hugsuði okkar tíma og breiða út nýjar hugmyndir sem geta breytt heiminum, enda er slagorð samtakanna "Ideas Worth Spreading". TEDx-ráðstefnur (x-ið stendur fyrir sjálfstætt skipulagðar ráðstefnur) eru haldnar út um allan heim og verður hin íslenska TEDxReykjavík haldin í fjórða sinn á næsta ári. Dagskrá: 18:30-20:30 To Be Is To Do 22:15-00:00 Wisdom Begins With Wonder (Kynnir: Unnur Ösp Stefánsdóttir, leikkona og verndari UN Women) 00:15-02:00 To Move The World First Move Yourself (Kynnir: Ólöf Hugrún Valdimarsdóttir, leikkona og frumkvöðull) Dagskráin er í þremur liðum og veður hlé á milli dagskrárliða þar sem hægt verður að kaupa sér veitingar. Ekki missa af þessu tækifæri til að heyra hvað konur um allan heim eru að gera til að móta framtíðina. Aðgangur er ókeypis og eru allir velkomnir.