Labyrinth (1986)

Unglingsstúlkunni Söru er falið að gæta litla bróðurs síns meðan foreldrarnir skreppa að heiman. Barnið vælir og Sara byrjar að segja honum sögu til að sefa hann. Óvart tekst henni að galdra fram sjálfan Púkakónginn beint uppúr sögunni og sá armi þrjótur gerir sér lítið fyrir, rænir barnunganum og fer með hann í kastala sinn sem situr í miðju völundarhúss. Sara verður að bjarga bróður sínum og það helst fyrir miðnætti eða strákpjakkurinn verður að púka.