As Good as It Gets (1997)

Snilld! Frábær mynd með meistara Nicholson. Lýsir vel sálarástandi hins veika manns, og er í leiðinni fyndin en dramatísk. Helen Hunt kannski ekki alveg nógu sterk alltaf, en Nicholson á myndina. Skylduáhorf.

Góð mynd með uppáhalds leikara mínum Jack Nicholson. Jack leikur sýklafælinn gaur sem hittir konu sem vinnur á kaffihúsui (Helen Hunt). Jack Nicholson leikur þetta ótrúlega vel þessi útsmogni djöfull.

As good as it gets er mynd sem byggist á góðum leik, góðu handriti, góðum og sprenghlægilegum samtölum, og frábærum persónum. í þessari mynd fáum við að fylgjast með rithöfundinum Melvin Udall sem leikinn er af snillinginum Jack Nichholson. Melvin er sérvitur og hjátrúarfullur maður sem allir hata. Hann er leggur nágranna sinn sem er hommi í einelti og gerir ekki annað en að stríða honum. Helen Hunt sínir frábæran leik og fékk nú óskarinn fyrir vikið rétt eins og Jack Nicholson.Þetta er nú ein af skemmtilegri myndm se ég hef séð og mæli ég því með henni fyrir alla.

Þessi mynd er allveg frábær, dæmi um hvað fólk er ólíkt og hvað það getur lifað í mismunandi heimum. Jack Nicholson er furðulegur nágungi sem stígur ekki á gangstéttastrik og læsir alltaf hurðinni sinni fimm sinnum. Þessi mynd er um hann og þá sem verða á vegi hans í lífinu. Frábær mynd.

Stórkostleg og eftirminnileg kvikmynd sem er við hæfi allra mannlegra sem unna háklassamyndum. Þeir eru ófáir kvikmyndaáhugamennirnir sem halda því hiklaust fram að kvikmyndin "As Good As It Gets" sé ein af bestu kvikmyndum ársins 1997, og er það sannarlega rétt. Það var endanlega staðfest er kvikmyndin hlaut 7 tilnefningar til Óskarsverðlaunanna 1997 og hlutu aðalleikarar myndarinnar, þau Jack Nicholson og Helen Hunt, óskarinn fyrir besta leik í aðalhlutverki karla og kvenna. Hér segir af rithöfundinum Melvin Udall (Nicholson) en hann er maður sem allir elska að hata. Hann er nefnilega sérlega óforskammaður í háttum, með eindæmum ókurteis í tilsvörum og hefur yfirleitt allt á hornum sér. Eina manneskjan sem honum virðist líka sæmilega við er Carol Connelly (Hunt), gengilbeinan á veitingahúsinu þar sem Melvin snæðir hádegisverðinn sinn, enda hefur hann margoft neyðst til að sitja á sér til að verða ekki vísað endanlega út af staðnum fyrir ókurteisi og frekju. Hann vill nefnilega ekki að neinn annar en Carol þjóni sér til borðs. Í húsinu sem hann býr, búa m.a. samkynhneigður nágranni hans, Simon, og hundurinn hans Verdell, Melvin til stöðugs ama, enda hikar hann ekki við að láta þá báða fá það óþvegið hvenær sem hann telur þörf á - sem er reyndar alltaf þegar færi gefst. Þegar Simon lendir óvart á sjúkrahúsi eftir líkamsárás, neyðist Melvin, fyrir kaldhæðni örlaganna, til að taka rakkann í fóstur og fyrr en varir taka hlutirnir óvænta stefnu, enda hefur Carol sitthvað til málanna að leggja. Sonur hennar, Spencer þarf á læknishjálp að halda vegna ofnæmissýkingar, og til að Carol geti unnið sem fyrr á veitingastaðnum við hornið, borgar Melvin allan lækniskostnað stráksins, og þá fyrst fara hlutirnir að snúast vini okkar, Melvin Udall, í vil á hagvænlegan hátt. Já, Melvin Udall er í upphafi ekki mjög viðkunnanlegur maður. Hann er satt að segja alveg óþolandi mannfýla sem á ekkert gott skilið. En hlutirnir taka óvænta og góða stefnu, bæði fyrir hann og alla í kringum hann... Hér er allt til að skapa hinu ógleymanlegu stórmynd. Handritið er afbragð, leikstjórn James L. Brooks fagmannleg (hissa var ég á að hann skyldi hafa hlotið óskarstilnefningu), myndatakan ennfremur og tónlistin er hreinasta afbragð. En aðall þessarar óviðjafnanlegu myndar er stórleikur þeirra Jack Nicholson og Helen Hunt (þau hlutu eins og fyrr sagði aðalleikaraóskarana 1997 og var það afar verðskuldað), samleikur þeirra er sterkur og sífellt heillandi og skapa þau heilsteyptar og að mörgu leyti ógleymanlegar persónur sem vinna hug og hjarta áhorfandans. Þetta er þriðja óskarsverðlaunahlutverk Jack Nicholson; hann vann áður fyrir besta leik í aðalhlutverki í "One Flew Over The Cuckoo´s Nest" 1975 og fyrir besta leik í aukahlutverki í "Terms of Endearment" 1983. Hann hefur sýnt það og sannað undanfarin 30 ár að hann er einn af allra bestu leikurum samtímans og hefur hann unnið marga ógleymanlega og afar verðskuldaða leiksigra á hvíta tjaldinu. Helen Hunt er einnig þekkt og fjölhæf leikkona, bæði úr sjónvarpi og kvikmyndum; þekktust er hún líklegast fyrir aðalhlutverkið í framhaldsmyndaflokknum "Mad About You" þar sem hún lék Jamie Buchman, ekki síður er hún þekkt úr úrvalsmyndinni Twister, hún leikur nú í kvikmyndinni "Pay it Forward" þar sem hún leikur á móti óskarsverðlaunaleikaranum Kevin Spacey og ungstirninu Haley Joel Osment. Meðal annarra leikara myndarinnar má nefna Greg Kinnear (sem hlaut fyrir stórleik sinn tilnefningu til óskarsverðlaunanna) og óskarsverðlaunaleikarinn Cuba Gooding Jr. Þetta er semsagt; gæðamynd, fyndin og skemmtileg fyrir alla aldurshópa og sérlega vel leikin. Ég mæli eindregið með þessari úrvalsmynd og gef henni hiklaust fjórar stjörnur. Þetta er kvikmynd sem allir ættu að geta hrifist að og elskað út af lífinu. Án nokkurs vafa ein af bestu kvikmyndum tíunda áratugarins, enda er hún óviðjafnanleg á allan hátt. Þær gerast sko ekki BETRI!!!

Frábær mynd um ólíka einstaklinga og samskipti þeirra. Sum samtölin í þessari mynd er ekkert minna en sprenghlægileg og það eru mörg óborganleg augnablik. Það er engin tilviljun að flestir leikaranna unnu Óskarsverðlaun fyrir frammistöðu sína hérna.