Mother of Tears: The Third Mother (2007)

Sarah Mandy (Asia Argento) er bandarískur stúdent sem er að læra um varðveitingu listaverka í Fornlistasafninu í Róm. Einn daginn fær hún það verkefni að skoða ævafornt ílát sem fannst í niðurníddum og hálfyfirgefnum kirkjugarði nálægt bænum Viterbo á Ítalíu. Það sem hún veit hins vegar ekki er að í ílátinu er aska nornar sem er þekkt undir nafninu Móðir táranna (Moran Atias). Þegar Sarah rýfur innsiglið leysast kraftar nornarinnar að nýju úr læðingi og upphefst röð hræðilegra slysa, dauðdaga, glæpa og sjálfsmorða sem flæðir um alla Ítalíu. Sarah virðist vera sú eina sem getur stöðvað Móður táranna og fyrir tilstilli yfirnáttúrulegra afla fær hún óvænta leiðsögn frá látinni móður sinni (Daria Nicolodi) sem upplýsir hana um risastórt leyndarmál sem Sarah býr óafvitandi yfir og getur reynst dýrmætt í baráttunni við hin illu öfl sem gætu svo auðveldlega tortímt heilli þjóð...