Land of the Dead (2005)

Þessi mynd George A. Romero er mjög frábrugðin hinum myndunum í Dead seríunni (Night of the living dead, Dawn of the dead og Day of the dead). Í öllum hinum myndunum voru afturgöngurnar labbandi lík sem hugsuðu ekki um neitt en að éta, en í þessari hugsa þær og læra nýja og nýja hluti. Mér finnst Land of the dead vera næstbesta myndin í dead seríunni rétt á eftir Day of the dead.

Þar sem að George A. Romero er að flestu leyti faðir zombie-myndanna þá þykir heldur leiðinlegt að viðurkenna að nýjasta afkvæmi hans, Land of the Dead, skuli hafa ollið svona miklum vonbrigðum. Það er náttúrlega ekki spurning um það að myndin sé sæmilega blóðug. Subbuskapurinn er í hámarki og líkamshlutar finnast lausir við hvert horn, en það þarf meira til að móta verðuga afþreyingu, jafnvel fyrir zombie-mynd. Ég játa það hins vegar að ég fylltist miklu bjartsýni fyrstu mínúturnar þar sem að hún sýndi það að formúlan er tiltölulega öðruvísi en sú standard uppbygging sem maður er vanur. Að öðru leyti þá er nákvæmlega engin spenna í myndinni, hvorki hryllingur né góður camp-fílingur. Persónurnar eru þunnar og óathyglisverðar og söguþráður ennþá verri. Mér líkar við grunnhugmyndina, en Romero hefði getað gert svo margt miklu, miklu betra við þetta. Hefði hann lagt meiri áherslu á persónusköpun, spennuuppbyggingu og gert myndina yfirhöfuð aðeins epískari væri úr þessu smellin uppvakningaklassík. Í staðin fáum við auðgleymdan, blóðugan subbuskap sem skilur sama og ekkert eftir sig. Leigið ykkur fremur gömlu seríuna. Zack Snyder endurgerðin á Dawn of the Dead er heldur ekkert svo slæm. Bara sleppið þessari!

Þú ert að borga þig inná Zombie mynd og það er nákvæmlega það sem þú fær, ef þér langar að láta þér bregða þá er þetta fínasta mynd og ef þér langar að sjá daut fólk éta annað fólk þá er þessi mynd snilld. Ég var ekki fyrir vonbrigðum og gef ég henni því 3 kvikvindi.Þessi mynd mun nú ekki vinna óskarsverlaun en mér finnst hún standa vel undir væntingum.