Fun with Dick and Jane (2005)

Fun with Dick and Jane er áberandi tilraun hjá Jim Carrey til þess að sýna að hann geti enn verið sami sprelligosinn og hann var fyrir áratugi síðan. Ég held samt að fíflagangurinn sé farinn að dofna með aldrinum, eða a.m.k. hæfileikinn fyrir honum, og það er vel augljóst að maðurinn geti svo margt betur í alvarlegri hlutverkum núorðið. Það segir annars engan veginn að þessi mynd sé eitthvað léleg. Hún hefur sína spretti, og mörg atriðin eru ákaflega fyndin. Gallinn liggur þó ekki í því sem eftir stendur í raun þegar á heildina er litið, heldur meira er þetta spurning um það sem hefði getað orðið. Handritið er bæði innihaldssnautt og kemst seint almennilega á flug. Atburðarásin sjálf er skrautleg og skondin, en manni finnst óneitanlega eins og þetta gat orðið mun betra. Téa Leoni er annars komin með kómíska hlið sem maður fær sjaldan að líta á, og virkar hún vel samhliða Carrey. Saman virka þau en eiginlega er það ekki nóg til þess að bera uppi heila kvikmynd. Það er pæling hvort að myndin höfði eitthvað vel til þeirra sem telja sig vera gallharðir aðdáendur Carreys, annars veit ég ekki. Í mínu tilfelli varð ég fyrir miklum vonbrigðum, og skelli miðjumoðseinkunn á myndina, þótt sú einkunn reynist vera nokkuð tæp. Nokkrir góðir punktar og ágætis hamagangur, en skilur sama og ekkert eftir sig. 5/10

Eins og alltaf þegar Jim Carrey á í hlut býst maður við flugeldasýningu. Maðurinn á svakalegan feril að baki, myndir á borð við Dumb and Dumber og Ace Ventura segja allt sem segja þarf. Þegar ég hélt inn í bíósalinn gerði ég mér ekkert rosalega miklar væntingar, hafði heyrt að myndin væri frekar slöpp en ákvað að gafa henni séns. Söguþráðurinn er í stuttu máli þannig að Jim leikur Dick mann sem er í fínni vinnu og á konu sem leikin er af Theu Leoni. Þau eiga saman einn son sem talar bara spænsku, veit ekki einu sinni af hverju!. Fyrirtækið sem Dick vinnur hjá fer á hausinn og leiðast hann og kona hans Jane inn á glæpabrautina vegna atvinnuleysis. Okey...fínn söguþráður en það er bara einn galli, hann er sá að myndin er alls ekkert fyndin og ekkert góð, frekar vond ef svo má segja. Brandararnir eru þreyttir og gamaldags og finnst mér algert andleysi ríkja alla myndina. Kannski er ég vaxinn upp úr svona gamanmyndum, hver veit? En ég my ndi aldrei mæla með þessari mynd. Það er ekki hægt að segja að myndin sé alslæm (þokkalegir kaflar inn á milli) en klárlega versta mynd Jim Carreys til þessa. Sanngjarnt nafn á þessa mynd væri Not so fun with Dick and Jane.

Það er alltaf gaman að sjá myndir með snillingnum Jim Carrey enn mér fannst sammt vanta hans aðals merki í myndina sem eru gretturnar hans það kom varla fyir í myndinni að hann gretti sig eins og honum einum er lagið. Sammt sem áður lék hann vel í þessari mynd og var frábær enn ég get ekki sagt það sama um Téa Leoni (held hún heiti það) enn hún leikur konu Dick (Jim Carrey) mér finnst hún engann veginn passa inní myndina. Enn nóg um leikarana. Dick vinnur í stóru fyirtæki og einn daginn heldur hann að hann sé að fara fá stöðuhækkun og segjir konunni sinni Jane að hún geti hætt að vinna því að hann muni fá svo há laun að það sé óþarfi að hún vinni fyrir heimilinu svo hún segjir upp og næsta dag kemur í ljós að Dick var ekki á leiðinni að fá neina stöðuhækkun heldur var hann rekinn. Svo fjölskildan var í vondum málum því þau voru á hausnum svo Dick byrjar að leita sér að vinnu enn fær enga. Dick gefst upp á atvinnuleitinni og byrjar að ræna búðir og banka með misjöfnum árangir. Svo taka Dick og Jane uppá mörgu skemmtilegu. Þetta er fín mynd enn sammt ekki í sama klassa og flestar af myndunum sem Carrey hefur leikið í. Ég gef myndinni tvær og hálfa stjörnu af fjórum mögulegum.