Brokeback Mountain (2005)

Tónlistin, myndatakan, leikurinn er það sem er snilld við þessa mynd. Það er ekki mikið að gerast í þessarri mynd, en hún á einhvern hátt nær til manns hvað varðar tilfinngalega vitund. Þú lifir þig inn í myndina og það skiptir engu máli hvort þú sért samkynhneigður eða ekki. Allar senur eru langar en það gerir myndin enn betri, hún smýgur inn í mann og verður maður ein hugsun eftir allar senur. Skiptir engu máli hverjar væntingarnar eru fyrir myndina eða skapið hjá manni. Hún nær til manns pottþétt. Þessi mynd fjallar ekkert um kynlíf, eins og svo mikið er dregið fram þegar samkynhneigð er annars vegar. Þessi mynd fjallar um ást tveggja manneskja og hvernig þeir reyna að lifa sínu hefðbundna lífi í sundur en er jafnframt að eyðileggja þá að innan. Þessi mynd fær 5 stjörnur.

Brokeback Mountain er byggð á smásögu eftir rithöfundinn E. Annie Proulx sem einnig skrifaði Skipafréttir eða Shipping News.

Brokeback Mountain fjallar um tvo kúreka sem byrja í sumarvinnu á Brokeback fjalli en þar verða þeir ástfangnir af hvor öðrum. Myndinn gerist yfir 20 ár og er um þessa tvo menn og samband þeirra. Tveir kúrekar sem geta ekki komið út úr skápnum, Jack sem er opnari um það en er enn mjög niðurbældur sem einstaklingur. Svo er Það Ennis sem er innilokaður í sínum eigin tilfiningum og getur ekki hægt að hugsa um það sem faðir hans sýndi honum þegar hann var yngri.

Þessi mynd er stórkostleg, myndatakan er frábær sérstaklega þegar það kemur að landslögum. Einnig er myndin mjög trú bókinni enda er þetta smásaga sem er aðeins eitthvað um 50 bls. og því ekki mikið sem hægt er að sleppa. En hún var allavega mjög vel skrifuð að mínu mati.

Heath Ledger stóð sig mjög vel sem Ennsi Del Mar, maður innilokaður í sínum eigin tilfiningum, og verð ég að segja að með þessu hlutverki var Heath Ledger að sanna sig sem góðan leikara. Jake Gyllenhal verður líka að fá sitt hrós þar sem hann stóð sig einnig mjög vel en hann var löngu búin að sanna sig sem góðan leikara (Donnie Darko). Michelle Williams og Anna Hathaway stóðu sig einnig mjög vel í hlutverkum sínum sem eiginkonur þessara samkynhneigðu kúreka og verð ég að segja hér að mér hafi fundist Michelle aðeins betri þótt að Anna hafi alls ekki verið að standa sig illa.

Ang Lee kemur hér með mjög sterka mynd sem maður hugsar um eftir að hafa gengið út úr kvikmynda húsinu. Hann á skilið allt það hrós sem þessi mynd er að fá.

Ég verð að skjóta hér inn að lokum að þessar nokkru mínútur sem Anna Faris (Scary Movie, The hot chick) var á skjánum voru nokkuð magnaðar og verð ég að hrósa henni fyrir þessar fáu mínútur.

Þetta er án efa ein af betri myndum sem ég hef séð.

Brokeback Mountain er vafalaust góð mynd! Hún er róleg en sömuleiðis manneskjuleg og sorgleg í senn. Þetta er afar sérstök saga sem kemst nokkuð vel til skila. Hvort að þetta sé eitthvað meistaraverk er ég ekki alveg svo viss um.Ég fór á myndina með væntingar byggðar á hversu góðir dómarnir voru. Eftir áhorfið get ég ekki sagt að myndin hafi snert við mér eitthvað sérstaklega. Ég var reyndar mjög ánægður með frammistöðurnar, og þær einar og sér gera áhorfið þess virði. Heath Ledger er alveg hreint með ólíkindum og Jake Gyllenhaal varla síðri. Kvikmyndatakan fær einnig sérstakan plús hjá mér, en hún er ótrúlega flott og fangar gullfallega landslagið afar vel.Innihaldslega er myndin voða skipt. Persónulega þótti mér hún endurtaka sig út í gegn án mikillar þróunnar. Svo þegar að kom að niðurstöðunni í endann leið mér ekkert eins og mér væri mikið annt um persónurnar, en kannski vegna þess að gallarnir voru sýndir í meira magni heldur en kostirnir. Sem ástarsaga gengur myndin vel upp, en í tveggja klukkutíma lengd fannst mér vanta meira upp á. Ég hefði gjarnan viljað sjá meiri áherslu lagða á aukapersónurnar. T.d. Alma – sem leikin var af Michelle Williams með afbragði – þótti mér vera einna áhugaverðasta persónan í allri myndinni og var hún líklega sú eina sem fékk almennilega samúð mína. En þegar litið er á efniviðinn sem er til staðar þá get ég ekki betur fullyrt en að Ang Lee hafi staðið sig vel. Kannski ég sjálfur kjósi fremur The Ice Storm eftir hann fram yfir þessa hvað góða dramatík varðar, en Brokeback Mountain er engu að síður nokkuð traust drama sem vel á skilið gott orð. En gullstyttuna veit ég hins vegar ekki um... 7/10

Þetta er mynd sem ég er búinn að bíða lengi eftir og ég varð ekki fyrir vonbrigðum. Heath Ledger og Jake Gyllenhaal far á kostum í þessari mynd. Þeim tekst að leika á mjög sannfærandi og mannlegan hátt ást á milli tveggja karlmanna. Mikil líkamleg tjáning gerir myndina mjög tilfinningaþrungna. Þetta er falleg ástarsaga sem færa mann til að hugsa um það hvað það er ósangjarnt að tveir einstaklingar sem eru ástfangnir megi ekki búa samann án þess að heillt þjóðfélag snúist gegn því. þessi mynd sýnir það hvernig það er að þurfa að lifa í lýgi og hvaða áhrif það hefur á allt fólkið í kringum mann. Allir leikara skila sínu hlutverki vel.

Ég mæli með því að allir fari á þessa mynd og sjái hvaða hörmung það var að vera samkynhneigður á þessum tíma.

Ég verð nú að segja að þetta er ein besta mynd sem ég hef séð:) hún er rosalega flott, falleg fyrir augað og svo er sagan svo æðisleg:) Leikararnir eru snilld og tónlistin er æðisleg, það er bara ekkert sem ég get sett út á hana.

Ég mæli eindregið með henni.

Ang Lee er náttúrulega snillingur:) ég gef myndinni 4 stjörnur.

Það verður að segjast að persónulega finnst mér mjög erfitt að dæma Brokeback Mountain, ekki því að myndin er slæm, heldur því hún er svo sérstök. Árið er 1963 og Ennis Del Mar (Heath Ledger) kynnist Jack Twist (Jake Gyllenhaal) og saman fara þeir í smölunarleiðangur gegnum heilt sumar við Brokeback fjallið. Ennis er mjög þögull og gífurlega sveitalegur í málfari og hegðun en Jack er mun nútímalegri og smám saman verða þeir góðir vinir. Því lengri tími sem líður þá fer þessi vinátta að breytast í eitthvað meira og að lokum eftir að hafa drukkið nógu mikið viskí á kaldri nóttu þá geta þeir ekki haldið sjálfum sér undir stjórn, þannig sagt. Svona byrjar sagan og hún heldur áfram með þeim báðum sem eiga gífurlega erfitt að kljást með það að þeir séu alveg yfir sig ástfangnir af hvorum öðrum, þá aðallega Ennis sem fékk rosalega hart uppeldi frá föður sínum. Eftir þetta sumarferðalag þá fara þeir í sitthvora áttina, Ennis fer til kærustu sinnar Alma (Michelle Williams) og giftist henni meðan Jack hittir Lureen (Anne Hathaway) og að lokum giftast þau líka. Spurningin er aðeins hvernig samband þeirra tveggja heldur áfram eftir margra ára aðskilnað og hverskonar áhrif það hefur á fjölskyldur þeirra og þá sjálfa. Það sem Brokeback Mountain hefur yfir allt annað er algeran leiksigur hjá sérstaklega honum Heath Ledger sem Ennis Del Mar, gefið þessum manni óskarinn eins og skot, eins og er þá er hann með besta leikinn allt árið. Svipað er hægt að segja um hann Jake Gyllenhaal og alla aðra sem komu nálægt þeim, Michelle Williams og Anne Hathaway voru alls ekkert verri. Það er einkennilegt hve vel Ang Lee stendur sig vel að endurskapa svona prím-Amerískt umhverfi þar sem það er ekki alveg hans heimavöllur, ég stórefa að neinn bandarískur leikstjóri hefði nokkurn tíman geta gert myndina betri þrátt fyrir það. Fyrir utan það að myndin hafi verið aðeins of löng og mögulega alltof róleg þá er þetta líklega einhver besta ´drama´ sem ég hef séð lengi, ef þú ert karlkyns og hefur vandamál með að sjá ástarsamband milli tveggja manna þá þarftu að sjá Brokeback Mountain, þessi mynd er tilvalið dæmi um hvernig kynhneigð getur verið fjölbreytileg og einstaklingsbundin og að lokum þá skiptir hún engu máli. Að lokum þá strika ég undir það að Brokeback Mountain sé ein af bestu myndum 2005.