My Left Foot (1989)

Jæja, nú veit ég loksins hvað gerði Daniel-Day Lewis endanlega frægan þrátt fyrir það að hann er frekar óþekktur þá er hann alveg stórkostlegur leikari. Flestir þekkja hann líklegast úr Scorsese myndinni Gangs of New York sem Bill the Butcher sem var líklega hans besta frammistaða hingað til. My Left Foot fjallar um Christy Brown sem fæðist með taugasjúkdóm sem bæklar allar hreyfingarnar hans nema í vinstri fætinum hans. Myndin sýnir allt líf hans og hve erfitt var að aðlagast svona lífi frá 1930-1980 og þegar fólk uppgötvar marga hæfileika hans, hann verður málari og rithöfundur og öll hans verk eru útfærð með þessum vinstra fótlegg. My Left Foot fær þessar þrjár stjörnur nánast eingöngu út af Daniel-Day Lewis sem gersamlega toppar alla aðra í myndinni sem Christy Brown þar sem hann fékk líka óskarsverðlaun fyrir hlutverkið sitt. Annars er ekkert merkilegt sem hægt er að segja um myndina því framleiðslugæðin eru gífurlega lág. Tónlistin var alveg hræðileg, myndatakan frekar slöpp og klippingin mjög óvönduð. Ég verð samt að dást af leikstjóranum Jim Sheridan að þora að gera mynd sem einbeitir sér svo mikið af manneskju sem er svo auðveldlega hægt að hlægja af óviljandi því Christy Brown er mjög sorgleg umingjaleg persóna. My Left Foot er mjög fín mynd en alls ekki mynd sem þú vilt leigja á föstudagskveldi með vinum þínum.