Exorcist II: The Heretic (1977)

Dr. Gene Tuskin vinnur með börnum sem eiga í erfiðleikum, en líklega á ekkert barn í meiri erfiðleikum en Regen MacNeil sem þjáist af martröðum og bældum minningum. Minningarnar sem hún bælir eru frá þeim tíma sem hún var andsetin af djöfli. Uppfinning Dr. Tuskin, tæki sem dáleiðir tvær manneskjur og tengir huga þeirra saman, leiðir í ljós að djöfullinn, sem heitir Pazuzu, leynist enn innra með henni. Hann bíður færi á að brjótast fram á nýjan leik og valda usla. Á sama tíma er séra Phlip Lamont skipað af kardínála sínum að rannsaka dauða sér Merrin, prestsins sem dó þegar hann var að reyna að særa djöfulinn út úr Regan. Séra Lamont tekur hikandi við verkefninu. Honum finnst hann ekki þess verðugur að taka það að sér. Hann telur einnig að hið illa sé ákveðið fyrirbæri og þetta fyrirbæri sé að vinna í baráttunni við Guð. Rannsóknir hans leiða til þess að hann fer til Afríku þar sem hann finnur aðra manneskju sem Merrin reyndi að særa djöful út úr og kemst að nokkru merkilegu og hræðilegu varðandi engisprettur.