2 Fast 2 Furious (2003)

Hreinasta hörmung frá upphafi til enda. Fast and the furious(fyrri myndin með Vin Diesel) kom nokkuð á óvart í endann en nær samt ekki með tærnar þar sem kvikmyndagerð hefur hælana og þessi er enn verri. Paul Walker kemur hér aftur í hlutverki Brians O'Connor, fyrrverandi löggu sem núna er krimmi sem stundar glanna akstur á götum Miami (karakter sem tók rétta stefnu í lífinu). Löggan loksins nær honum og í staðinn fyrir að stinga honum inn láta þeir hann hjálpa sér að finna og handtaka eiturlyfja baróninn Carter Verone (Cole Hauser) og þá skuli þeir eyða sakaskránni hans, hann samþykir með því skilyrði að hann fái að velja sér félaga sem er auðvitað Roman Pearce (Tyrese). Myndirnar báðar sýna einhvern afskræmdan raunveruleika þar sem smákrimmar og aðrir fyrirmyndaborgarar koma saman á kvöldin í stórborgunum, loka götum, og breyta heilu hverfunum í Rallybraut þar sem rándýrir bílar (hvernig sem þessir einstaklingar fá peninga fyrir þeim) eru notaðir. Myndin er ömurlega leikin og stútfull af klisju- töffara skap, einhverju tilbúnu bílaslangri sem a sér enga stoð í raunveruleikaranum, tölvugerðum kappakstri, leiðinlegri tónlist, nöktum kvennmönnum og flottum bílum. Þessi mynd er einsog langt og hrillilega leiðinlegt hipphopp, R&B myndband. Þvílík sóun á filmu og peningum.

Ég fór á myndina með þá von eina að bílarnir stæðu fyrir sínu.

Það sem ég fékk var flottir bílar og sorglegur leikur.

Brian O'Connor er svo hræðilega leikinn að það hreint út sagt sorglegt. Roman Pearce er skondinn og fær mann til að flissa smá en ekki nóg til að bæta upp fyrir 800 karlinn minn. Fyrri myndin var ekkert spes, en þegar maður ber þær saman þá er hún óskarsmynd.


kv.

2Fast2Furius er er þokkalega besta bíla hasarmynd ársins fullt af nýum bílum,stelpum,bissum og öllu sem því sem strákur vill þar sem að þessi mynd fjallar um götukepnir og margt annað sem á ekki við í návist lögreglunar. Maður heldur spennu allamyndina og ekkert lítið af henni eins og ég segi þá er alltaf eithvað að gerstast sem heldur spennuni löggur að elta bófa bófar að elta löggur á hraðskreiðum bílum með sætum stelpum og byssum klassa mynd fyrir allt karlkynið og hörku konur.

Ég get eiginlega ekki ímyndað mér meira tilgangslausa framhaldsmynd en þessa, a.m.k. sem hefur komið út síðustu misseri því hún hefur ekkert með fyrri myndina að gera og er mjög augljóslega framleidd bara vegna þess að forverinn græddi slatta í miðasölunni. En aftur á móti skilar hún sínu vel, þrátt fyrir að vera algert rusl. 2 Fast 2 Furious er, satt að segja, ruslmynd eins og þær gerast skemmtilegastar. Hér er nefnilega algjörlega ekkert lagt í leik, söguþráð eða handrit, heldur bara bíla, hasar og læti, og ENN fleiri bíla. Leikstjórinn John Singleton (Boyz N the Hood, Baby Boy) gerir allt sem Rob Cohen gerði ekki með fyrstu. Singleton sér um að halda skemmtanagildinu á floti meðan Cohen reyndi að koma einhverri asnalegri sögu fyrir. Leikarar eru líka bara eins og áður, og það á við að hér er alls enginn gæðaleikur á ferðinni - bara skraut. Paul Walker er eins og ofvaxin Ken-dúkka og getur ekki leikið fyrir fimmaur, en Tyrese Gibson (sem stóð sig með miklu prýði í hinni þrælgóðu Baby Boy) fer hreinlega á kostum og tekur við töffarahlutverkinu af Vin Diesel, og kemur einnig með góðan húmor inn í atburðarásina. Og varla væri hægt að gagnrýna þessa mynd án þess að minnast á kappakstursatriðin, sem eru jú, mun flottari en í fyrstu og ásamt dúndur hljóðrás verða þeir einir og sér aðgangseyrisins virði. Ég veit ekki hvort ég gæti mælt með 2 Fast 2 Furious sem hefðbundin kvikmynd, en sem heilalaus sumarskemmtun þá mundi ég alveg ráðleggja sem flestum til að skella sér á hana, og þá á Powersýningar. Ekki spurning.6/10

Þegar ég gekk inní salinn bjóst ég við svona einskonar tveggja stjörnu hasar/bílamynd,með gellum og peningum. Þetta er akkúrat það sem að ég fékk. Get því ekki sagt að ég hafi verið ósáttur með myndina. Þó eru hlutir sem að eru þreytandi við þessa mynd. T.d. slappur leikur hjá mörgum leikurunum og fansnt mér Devon Aoki vera þar fremst í flokki. Einnig fannst mér myndatakan í myndinni þegar allir kappakstarnir voru ekki nógu góð. Það var alltaf verið að sýna þegar fólkið skipti um gír og svipinn á þeim. Ekki nógu mikið utan á bílina eða svoleiðis. Tyrese kom vel á óvart og fyllti myndina af svona hressleika. Paul Walker ætti náttúrulega að fara í leiklistarskóla þar sem að hann getur ekkert leikið.

Ég bjóst við lélegri mynd og það er það sem ég fékk.

Myndin er meira að segja of ýkt fyrir mig, söguþráðurinn gæti verið þónokkuð betri en mér fannst hann lagast þegar það leið á myndina,leikurinn var freka stirður hjá sumum.

Þessi mynd er alltof lík fyrri myndinni að of mörfu leit en

ef maður hefur ekkert að gera er allt í lagi að sjá hana, en hún er að mínu mati ekki 750kr virði.

Keppninni um lélegasta bíómyndatitil ársins er opinberlega lokið, og 2 Fast 2 Furious er ótvíræður sigurvegari. Það verður eiginlega að hrósa Universal fyrir að hafa ekki skipt um nafn fyrir langa löngu. Myndin sjálf er eins og titillinn: Asnaleg og tilgangslaus. 2 Fast 2 Furious er eins og lélegt ljósrit af fyrri myndinni, því það er ekki vottur af frumleika út í gegn. Meira að segja Vin Diesel hafði vit á því að sleppa henni þessari. Það þýðir að við fáum einungis Paul Walker úr fyrri myndinni, og þó drengurinn sé snoppufríður mjög verður seint hægt að kalla hann leikara. Hann er eins og búðargína sem hefur vaknað til lífsins; hann talar m.a.s. eins og hann sé illa gefinn. En jæja, hann er í hlutverki Brian O'Connor sem hefur nú flutt til Miami og er ekki lengur í löggunni. Svo koma vondir kallar og flottar píur, og eina lausnin á öllu saman virðist vera að keyra glæsilega bíla mjög hratt um götur sem eru merkilega lausar við alla umferð. Fyrri myndin var ágætis sumarskemmtun, og ég var alveg til í að gefa þessari séns. Því miður var ekki reynt að betrumbæta eða fá nýjar hugmyndir, og því er boðið upp á meira af því sama. Svoleiðis gengur ekki; framhaldsmyndir verða að bjóða upp á eitthvað nýtt. Það er sárast til þess að hugsa að það er John Singleton, sem leikstýrði Boyz N the Hood og er yngsti leikstjórinn til að hljóta Óskarsverðlaunatilnefningu, sem er við stjórnvölinn. Vesalings maðurinn. Það eru Tyrese, Eva Mendes, Cole Hauser og rapparinn Ludacris sem fylla upp í leikarahópinn og það er tvennt merkilegt við þetta fólk: Þau gátu lesið, munað og flutt handritið, og einungis eitt þeirra fer úr að ofan. Vonandi er hægt að afskrifa 3 Fast 3 Furious eða eitthvað þvíumlíkt, því ég held að aðstandendur kunni ekki telja upp að hærra en 2. En bílarnir eru flottir, tónlistin traust, og fyrirsætan Devon Aoki fyllir ágætlega í skarð Michelle Rodriguez.