Black Knight (2001)

Ég hefði aldrei farið á þessa mynd hefði ég ekki unnið miða á hana.Martin Lawrence leikur mann sem ferðast aftur í tímann í gegnum einhverja gullfesti sem hann sér á botni tjarnar þegar hann er að sópa í skemmtigarði.Margnotaður söguþráður og lélegur leikur.Akkurat efnið í lélega mynd.

Black knight er alveg ágætis ræma góðir brandarar og heimskulegur söguþráður sem er þú ekkert voðalega heimskulegur í endann.

Myndin er náttúrulega bara þessi típíska Martin Lawrence mynd með fullt af heimskulegum og aulalegum uppákomum og hann er náttúrulega alltaf eins þó svo að hann sé í öðru hlutverki þá er persónan jafn vitlaus fyrir það

Engu að síður þá fíla ég hann og get alltaf hlegið af honum, ég er kanski bara svona einfaldur : )

Alltaf þegar ég sest niður og ætla mér að skrifa um mynd reyni ég að finna eitthvað gott til að segja um hana. Það er oftast eitthvað sem hægt er að tína til, eitthver frumleiki, góður leikur, sagan, hugmyndin, ja bara eitthvað! En nú þegar ég er að reyna að skrifa um Black Knight get ég bara ekki fundið neitt. Það er ekkert gott að segja um þessa ‘grínmynd’, ég á reyndar svolítið erfitt með að kalla hana grínmynd því ég hef hlegið meira af hádramatískum kvikmyndum heldur en þessu rusli!


Sagan segir frá Jamal Walker (Martin Lawrence). Jamal vinnur á skemmtigarði sem hefur miðalda þemu, einn daginn er hann að þrífa kastaladíkið og sér eitthvað glóandi í vatninu. Hann beygir sig og reynir að ná því en er sogaður niður í vatnið. Þegar hann kemur upp úr vatninu aftur er hann staddur í Englandi á fjórtánduöld(hver hefur ekki lent í þessu?), þar sem hinn illi kóngur Leo (Kevin Conway) ræður ríkjum með hjálp frá Percival (Vincent Regan). Eftir að hafa bjargað lífi sauðdrukkins riddara, Knolte (Tom Wilkinson) fer Jamal í höllina sem er þar nálægt. Hann þykist vera sendiboði frá Frakklandi að nafni ‘Jamal Skywalker’ og auðvitað leiðir það til margra skemmtilegra atvika t.d. þegar hann er beðinn um að dansa fyrir konunginn(svartir frakkar eru víst svo góðir dansarar) og hann kennir hljómsveitinni að spila popplög. En hann er svo beðinn að hjálpa uppreisnarseggjunum af Victoria (Marsha Thomason), til að koma Leo af stóli og fá hina réttu drottningu aftur.


Sagan ‘Connecticut Yankee in King Arthur's Court’ eftir Mark Twain, sem þessi mynd er byggð á. Hefur verið gerð of oft að kvikmynd, það er svo stutt síðan ég sá eina slíka kvikmynd, A Knigh Camelot en þá var Whoppy Goldberg í aðahlutverki, það var líka A Kid in King Arthur's Court og The Spaceman and King Arthur, nokkrar sem báru sama nafn og bókin og svo eina útgáfan sem er góð A Connecticut Rabbit in King Arthur's Court þar sem Bugs Bunny lék á alls oddi.


Martin Lawrence fékk 16,5 milljónir dala sem er (samkvæmt www.bi.is) 1.435.500.000 krónur! Fyrir allan þennan pening hefði hann alla veganna getað reynt að leika. Ég er ekki að biðja um neinn Laurence Olivier en hann er bara lélegur, öll framkoma hans í myndinni er hrein skömm og fíflaleg. Mér brá svolítið þegar ég sá Marsha Thomason en seinast þegar ég sá hana í kvikmynd var það í Long Time Dead (2002) sem var hryllilega léleg kvikmynd, ekki virðist heppnin fylgja greyinu. Það var reyndar bara leiðinlegt að sjá Tom Wilkinson í myndinni, hann hefur leikið í myndum á borð við In the Bedroom (2001) og The Full Monty (1997), afhverju þurfti hann að gera sér þetta?


Black Knight er léleg kvikmyndagerð uppmáluð. Gil Junger hefur aðeins leikstýrt sjónvarpsþáttum fyrir utan þessari mynd og ég vona að hann haldi sig við þættina. Michael R. Miller klippti myndina og hefur augljóslega gert það í miklu flýti því að atriðin eru sett saman mjög illa, sum atriði byrja áður en það sem kom áður nær að enda. En það allra versta við myndina er tónlistin sem er gerð af Randy Edelman, ég mundi segja að þetta sé lélegasta útfærsla sem ég hef nokkurn tíman heyrt í kvikmynd!


Að mínu mati ættu allir þeir sem komu að gerð þessara myndar að hugsa sinn gang vel og vandlega. Martin ætti að taka sér hvíld frá leiknum og snúa sér að einhverju öðru, nei bíddu hann getur það ekki, hann fær 20 milljónir dala fyrir næst tvær myndir sem hann leikur í svo í byrjun árs 2003 er hann 40 milljón dölum ríkari(mínus skattur)! Hver segir að maður þurfi að geta leikið til að verða ríkur sem leikari?

- www.sbs.is

Black Night er ágæt grínmynd með Martin Lawrence en samt á köflum er hún ömuleg og í sjálfum sér ófyndinn en samt geta komið fínir brandara á milli. Í þessari mynd sér maður kannski að Martin Lawrence er ekkert svakalega góður en hann er heldur ekkert svakalega lélegur og getur leikið vel en í þessari mynd misheppnast það nú alveg. Mydninn er í sjálfusér ófyndinn. Söguþráðurinn er alveg út í Hróa Hött en en ekki svo galið handrit og það er alveg hægt að gera eitthvað gott út úr því. Hún fjallar nokkurn vegin um það að hann fer aftur í tíman út af slysi og hagar þar sér eins og hálviti. Martin Lawrence lék í Big Mommas House sem mér fannst nokkuð fyndinn og Blue Strike sem var sæmileg o.fl. það er mikið að sömu bröndurum og það skemmir myndinna líka töluvert. En samt þeim sem finnast gaman sérstaklega af bröndurum í Martin Lawrence gætu fundist þessi mynd skemmtileg en loka orðin eru Martin Lawrence óskarsverðlauna leikari meðal við Chris Rock. ‘eg gef hanni 1 og hálfa stjörnu helst hvað handritið var flott.

Ef þú (lesandinn) ert með svokallaðann aulahúmor, sem er ekkert til að skammast sín að, þá mæli ég umsvifalaust með þessari mynd því hún er þá mjög fyndin en á hinn boginn ef þú ert alvalegur í fyndni og ert með svokallaðann fullorðins húmor er þetta hræðileg mynd en ég mundi samt mæla með henni fyrir þig því þeir sem eru með svona fullorðins húmor finnst í mörgum tilfellum flottar ævintýramyndir mjóg góðar. Sjálfur gef ég henni 3 stjörnur því að ég er með þvílíkan aulahúmor.


P.S. Ég var á Hart's war í gær og ég mæli mjög með henni

Hefði ég ekki fengið frítt í bíó, þá hefði ég líklegast aldrei litið augum á hana þessa (eða a.m.k. ekki fyrr en í sjónvarpi á RÚV þegar ekkert annað af viti er í spilun). Í fyrsta lagi þá er ég alveg hættur að fíla húmorinn í Martin Lawrence (enda er það ekki óskiljanlegt, nýlega hefur hann ekki látið sjá sig í öðru en sorpi, þ.á.m. Big Momma's House og Blue Streak), og í öðru lagi þá vissi ég að hér væri bara enn eitt ófyndna og formúlukennda sorpið á ferðinni. Black Knight er, satt að segja, eins glötuð og ómerkileg og hún lítur út fyrir að vera.Söguþráðurinn vakti engan áhuga hjá mér og húmorinn er voðalega misjafn. Lawrence kemur stöku sinnum fram með ágætis one-linera inn á milli sena en að flestu leyti er myndin ófyndin. Lawrence endurtekur t.d. sömu brandarana alltof oft, og þar að auki er mun meiri áhersla lögð á (mis)fyndnu augnablikin hjá honum heldur en að fara aðeins nánar út í þennan ofurþunna söguþráð. Söguþráðurinn er ALLTOF þunnur (myndin er í raun bara eins og 90 mínútna stand-up grín hjá Lawrence... og þau eru sjaldnast góð), og það er eiginlega meginástæðan fyrir því að maður missir allan áhugann á myndinni. Tom Wilkinson (sá gæðaleikari) gerir sig líka að hálfgerðu fífli í hlutverki sínu sem riddarafyllibytta, og hann sem var svo yndislega trúverðugur í In The Bedroom áður fyrr. Hvílík skömm!Því verður samt ekki neitað að margir eiga eftir að skemmta sér vel yfir þessari mynd (þá helst þeir sem hafa mjög lágan standard á myndum), en allavega gerði ég það ekki, ástæðan er sú að ég gat bara ekki litið fram hjá stóru götunum í handritinu. Annars finnst mér Lawrence bara orðinn svo verulega þreytandi.4/10

Mjög fyndin mynd í alla staði. Ekta Martin Lawrence mynd, ekki of flókin og aðalatriðið að hafa svona stutta og skemmtilega sketsa. Í stuttu máli er aðalpersónan svona nobody sem fer aftur í tímann fyrir slysni og er töluvert lengi að átta sig á því að hann er á 13.öld, og hagar sér eftir því. Fín mynd og mæli með henni fyrir alla sem hafa gaman af Martin Lawrence