Blow Dry (2001)

Mér finnst sorglegt að sjá þann góða leikara Josh Hartnett leika í svona þýðingarlitlu og innihaldslausu handriti af ömurlegri kvikmynd. Hverjum dettur í hug að búa til mynd um hárgreiðslu...??? Myndin var hörmung!!! en ég skemmti mér við að horfa á hann sæta Josh allan tímann... Leiðinlegustu partarnir voru þegar hann var ekki á tjaldinu!!! Ef að þið viljið sjá hann þá endilega skellið ykkur á hana.

Ef allar góðu myndirnar eru í útleigu og nákvæmlega ekkert gott í sjónvarpinu, þá er kannski (ath. KANNSKI) góð ástæða til að horfa á Blow Dry. Ekki nema þú sért hárgreiðslumaður/kona, þá gæti þetta hugsanlega höfðað eitthvað til þín.Myndin er alls ekki slæm heldur bara svo guðdómlega ómerkileg, svo ómerkileg að hún væri hreinlega komin á ruslahausinn ef hún væri ekki borin uppi af fagmönnum á borð við Alan Rickman og Bill Nighy. Þeir halda uppi smá lífi, og reyndar er Josh Hartnett ekki svo slæmur heldur. Hann er auðvitað bara sætt andlit handa stelpum og er pínu kjánalegt að hlusta á hreiminn hans, en annars fór hann lítið í taugarnar á mér.Þar sem myndin er bresk er sanngjarnt að búast við ágætis húmor frá liðinu, en þar skjátlaðist mér greinilega eitthvað. Hún er ekkert fyndin, en reyndar ekkert svo leiðinleg heldur, sem er ennþá fyndnara. Hún skríður bara áfram alla lengdina og manni er frekar sama um allt sem er í gangi en maður hugsar líka að þetta gæti verið mun verra. Tónlistin er líka nokkuð fín og stendur gjarnan upp úr. Annars á ég ferlega erfitt með að trúa því að nokkur maður eigi eftir að muna eftir þessari mynd daginn eftir að hann sér hana. Held að leikararnir sjálfir eigi eftir að útskúfa hana og sjá hana sem bara launaseðil.5/10