Ruthless People (1986)

Sam Stone er fataframleiðandi, og kvæntist Barböru, til að komast yfir peninga sem hún átti að erfa eftir dauðvona föður sinn, en faðir hennar dó hinsvegar ekki fyrr en 15 árum eftir hjónabandið. Stone undirbýr nú morð á eiginkonunni og segir kærustunni Carol hverjar fyrirætlanir hans eru. Á leiðinni heim þar sem hann ætlar að koma konunni fyrir kattarnef, þá er hún ekki heima. Hann fær símtal frá einhverjum sem segist hafa rænt henni og hótar að drepa hana ef Stone dirfist að hringja í lögregluna. Stone hringir að sjálfsögðu beint í lögregluna, í þeirri von að mannræningjarnir geri honum þann greiða að kála konunni. Það sem Stone veit ekki er að mannræningjarnir, Ken og Sandy, eru ekki mjög harðsvíruð, og í raun er Barbara mun illskeyttari en mannræningjarnir, sem eru að gera þetta af því að Stone stal hönnun þeirra og mokgræddi á öllu saman.