Searching (2018)

Þegar David Kim vaknar einn morguninn sér hann að 16 ára dóttir hans Margot hefur þrisvar reynt að hringja í hann um nóttina. Þegar hún skilar sér svo ekki heim um kvöldið og svarar ekki símanum kallar hann á lögregluna og hefst síðan sjálfur handa við að rannsaka hvað um hana varð. Þar sem enginn af félögum Margotar veit neitt um ferðir hennar ákveður Kim að brjótast inn í fartölvu hennar og skoða þau gögn sem þar eru, m.a. samskipti hennar á samfélagsmiðlum, í von um að grafa upp vísbendingar um hvað hún hafi verið að gera þegar hún hvarf. Með aðstoð lögreglukonunnar Rosemary Vick tekur hann smám saman að raða saman brotunum og kemst að því um leið að hann vissi í raun ekki neitt um dóttur sína, lífið sem hún lifði og gjörðir hennar ...