Pasolini (2014)

Pier Paolo Pasolini er einhver umdeildasti Ítali allra tíma, en hann var myrtur 2. nóvember árið 1975. Hér er ljósi varpað á síðustu klukkustundirnar í lífi hans. Pasolini var rithöfundur, ljóðskáld, kvikmyndagerðarmaður, málari, heimspekingur og stjórnmálamaður sem varð gríðarlega umdeildur fyrir skoðanir sínar og hispurslaus verk, en segja má að þau hafi nær undantekningalaust hneykslað fólk. Pasolini var myrtur á hrottalegan hátt og þótt ungur maður, Giuseppe Pelosi, hafi játað á sig morðið var ljóst frá upphafi að hann gat a.m.k. ekki hafa verið einn að verki. Hér reynir leikstjórinn Abel Ferrara að geta sér til um hvað gerðist þennan örlagaríka dag ...