Geimtryllirinn Alien: Romulus gerði sér lítið fyrir og laumaði sér á topp íslenska bíóaðsóknarlistans á sinni annarri viku í sýningum, en myndin var í öðru sæti listans í síðustu viku.
It Ends With Us þarf því að sætta sig við annað sætið á vinsældarlistanum, eftir að hafa vermt það efsta í tvær vikur.
Í þriðja sæti eins og í síðustu viku eru ofurhetjurnar Deadpool og Wolverine, en heildartekjur myndarinnar á Íslandi frá frumsýningu eru nú orðnar nálægt 90 milljónum króna.
Blink Twice beint í fimmta
Blink Twice, sem kom ný í bíó um síðustu helgi, fór beint í fimmta sæti listans.
Sjáðu topplistann í heild sinni hér fyrir neðan:
