Náðu í appið
Gagnrýni eftir:



House of 1000 Corpses
0 af 0 fannst gagnrýnin hjálpleg

Ég verð að segja að ég vissi í raun ekkert um þessa mynd áður en ég ákvað að renna í gegnum hana. Í byrjun myndarinnar sá ég svo nafn Rob Zombie sem ég hélt hingað til að væri tengdur tónlist frekar en kvikmyndum. Það kom svo í ljós við áhorf þessarar myndar að hann ætti að halda sig við tónlistina. Mig virkilega langaði að slökkva á myndinni en ákvað að sjá hana alla til að ég gæti nú myndað mér skoðun á henni sem heild. Og eftir að hafa séð hana alla verð ég að segja að annan eins skrípaleik hef ég ekki séð. Ég vona að Rob komi ekki nálægt kvikmyndum í framtíðinni ef þetta hugarfóstur hans er eitthvað sem maður getur átt á hættu að sjá frá honum í framtíðinni, þar sem hann er ekki bara leikstjóri heldur handritshöfundur einnig. Ég eyði ekki orðum í söguþráð myndarinnar sem er ekki af ástæðulausu, hvet fólk eindregið að láta þessa mynd framhjá sér fara.......
Fannst þér gagnrýnin hjálpleg? Nei
The Recruit
0 af 0 fannst gagnrýnin hjálpleg

Ég verð að segja að eftivæntingin var mikil áður en ég sá þessa mynd. En svona til að gera langa sögu stutta verður að segjast að þessi mynd fer beint í ruslahrúguna með öllum hinum auðgleymanlegu myndunum. Maður hefur kannski haft of miklar væntingar til myndarinnar þar sem hún státar af tveimur úrvals leikurum af sitthvorri kynslóðinni. Al Pacino sem sem flestir ef ekki allir kvikmyndaunnendur þekkja og svo Colin Farrel sem virðist vera einhver sá heitasti leikari í Hollywood þessa stundina. En eins og svo oft vill verða er ekki nóg að státa af góðum leikurum þegar allt annað er 3. flokks.
Fannst þér gagnrýnin hjálpleg? Nei
Signs
0 af 0 fannst gagnrýnin hjálpleg

Það er oft að þegar miklar væntingar eru í sambandi við einhverja mynd að þá stendur hún ekki undir þeim. Það er kannski ekki skrítið að maður búist við einhverju meiru þegar Mel Gibson og Joaquin Phoenix eru annars vegar. Myndin er nú samt ekk alvond en hún nær aldrei virkilega upp úr meðalmennskunni því miður. Í heildina slefar hún yfir meðallag en ekkert meira en það.
Fannst þér gagnrýnin hjálpleg? Nei
Ali G Indahouse
0 af 0 fannst gagnrýnin hjálpleg

Þessi mynd fjallar um eins og heiti hennar gefur til kynna um karakterinn Ali G sem flestir ættu að kannast við. Ali er vandi á höndum þar sem félagsmiðstöðin þar sem hann vinnur fær ekki lengur það fjármagn til að halda henni gangandi og á að leggja hana niður. Ali ákveður að gera eitthvað í málunum sem æxlast svo þannig að hann er kominn í framboð til að komast á þing. Ali hefur þó enga hugmynd um að framboð hans er í raun plott til að minnka fylgi flokksins til að bola frá formanni hans.... Fyrir mig þá er þetta hin ágætasta ræma, en þar sem ég hef gaman af ruglinu sem vellur út úr fyrirbærinu Ali G var kannski ekki við öðru að búast. Ekki það að þessi mynd sé eingöngu fyrir þá sem fíla Ali G heldur mun hún höfða betur til þeirra en þeirra sem gera það ekki. Svo að lokum er hérna linkurinn að Ali G síðunni http://www.alig.com/
Fannst þér gagnrýnin hjálpleg? Nei
John Q
0 af 0 fannst gagnrýnin hjálpleg

John Q Segir sögu John Archibald (Denzel Washington), sem á í erfiðleikum að láta enda ná saman. Svo til að bæta gráu ofan á svart fær svo sonur hans Mike (Daniel E. Smith) hjartáfall í miðjum hafnarboltaleik og í ljós kemur að hann þarf nýtt hjarta til að lifa. John er viss um að tryggingarnar komi til með að dekka þann kostnað sem ígræðslunni fylgir. En þegar tryggingarnar segjast aðeins dekka hluta af þeirri upphæð er útlitið ekki gott þar sem hann verður að leggja fram einn þriðja af þeim 250 þús. $ sem aðgerðin kostar til að koma syni sínum á biðlista. Þar sem hann getur ekki aflað þeirra peninga neitar spítalinn að setja hann á biðlistann, Þetta setur John í þrot þar sem hann sér fram á að þurfa að horfa upp á son sinn deyja, þar sem spítalinn ætlar að útskrifa Mike vegna þess að ekkert er hægt að gera fyrir hann. Þar sem John getur ekki með nokkru móti sætt sig við þessi málalok tekur hann til sinna ráða. Leikstjóri myndarinnar er Nick (sonur John) Cassavetes hefur væntanlega átt auðvelt með að setja sig í spor aðalpersónu myndarinnar þar sem hans eigin dóttir Sasha er á biðlista eftir ígræðslu. Hann notar myndina af vissu leiti sem ádeilu á kerfið en við það að einblína á galla kerfisins og handrit sem mætti vera betra verður þetta aldrei annað en rúmlega miðlungs mynd þrátt fyrir hóp úrvalsleikara.
Fannst þér gagnrýnin hjálpleg? Nei
Blade II
0 af 0 fannst gagnrýnin hjálpleg

Þvílík vonbrigði. Blade 2 er ein af þeim myndum sem maður hefur verið að bíða eftir til að sjá hvort hún væri jafn mikil snilld og sú fyrri. Ég fer ekki að fara í gegnum söguþráðin enda er hann hér fyrir ofan. Myndin er full af ódýrum illa gerðum brellum en ekki nóg með það heldur eru bardagaatriðin verulega slöpp. Ef þú ætlar að sjá þessa mynd skaltu vera viðbúin að verða fyrir miklum vonbrigðum. En ef þú átt 1000 kall sem þú ætlaðir hvort eð er að kveikja í gætir þú svo sem farið á þessa mynd og fengið þér popp og kók með........
Fannst þér gagnrýnin hjálpleg? Nei
Resident Evil
0 af 0 fannst gagnrýnin hjálpleg

Myndin er byggð á hinni vinsælu leikja seríu Resident Evil. Ég var nú búinn að bíða eftir þessari og kom hún mér á óvart að því leiti að mér fannst hún betri en ég bjóst við. Í myndinni bregður fyrir gömlum klisjum en kemst samt sem áður upp með það. Söguþræðinum mætti lýsa á þessa leið leynilegar rannsóknir, bráðdrepandi vírus og eitthvað sem fer úrskeiðis svo ekki sé fleiri orðum eytt í það. Meðal leikara má nefna Millu Jovovich (The Fifth Element), Michelle Rodriguez (The Fast and the Furious)og Eric Mabius (Cruel Intentions). Það getur verið ansi erfitt að koma myndum sem þessari á hvíta tjaldið svo vel sé en ég get ekki annað en sagt að leikstjóri myndarinnar Paul Anderson (Event Horizon) hafi verið rétti maðurinn í verkið. Myndin sjálf höfðar líklega meira til þeirra sem hafa prófað leikina frekar en hins almenna bíógests, en engu að síður ágætis skemmtun.
Fannst þér gagnrýnin hjálpleg? Nei
Rollerball
0 af 0 fannst gagnrýnin hjálpleg

Það að menn skulu leggja út í að gera mynd eins og þessa vellu er mér ráðgáta. Eins og komið hefur fram byggist myndin að hluta á samnefndri mynd sem gerð var árið 1975, er það með ólíkindum að menn eins og John McTiernan sem leikstýrði til að mynda The hunt for Red October geti ekki gert betur en raun ber vitni. Leikararnir eru allir eins og fastir í einhverju sem er fyrir neðan meðalmennsku en en á meðal leikara má nefna Chris Klein, LL Cool J og svo Rebeccu Romijn-Stamos. Í heildina er myndin afar vond og ótrúlegt að menn í Hollywood haldi að þetta gangi í almenning og ég ætla rétt að vona að þeir hafi rangt fyrir sér, annars verður ekki farandi í bíó næstu árin meðan svona myndir ganga yfir. Það væri kannski gott að eiga þessa inni eftir svona 20 ár þegar hún verður orðin svona hallærislega vond að maður geti hlegið að henni. En þangað til verður hún BARA VOND.


Fannst þér gagnrýnin hjálpleg? Nei
Gemsar
0 af 0 fannst gagnrýnin hjálpleg

Myndin á að segja frá raunveruleika þeim sem unglingar lifa í í dag. Gott ef hún gerir það ekki, ekki að ég geti sagt til um það. Leikararnir eru eins og sést í myndinni ungir og óreyndir og myndin geldur fyrir það. Handritið hefði án efa hentað betur á sviði í hinu húsinu frekar en að enda eins og of löng stuttmynd. þetta documentary look virkaði í kids en er bara ekki að virka hérna. Það má kannski ímynda sér að Mikael Torfason hafi vitað hvernig mynd hann hafði í höndunum þegar hann sagði að sér væri alveg sama þó hann verði ekki tolleraður fyrir utan bíóið eftir frumsýninguna. Mér finnst þessi setning hans vera dæmi um það metnaðarleysi sem einkennir þessa mynd. Myndin fær þó 2 stjörnur og er það vegna þess að menn eru að reyna að gera eitthvað og vonandi leggja menn meira á sig við gerð næstu myndar.
Fannst þér gagnrýnin hjálpleg? Nei
Orange County
0 af 0 fannst gagnrýnin hjálpleg

Colin Hanks leikur Shaun Brumder, nemanda sem er að fara að útskrifast úr Vista Del Mar High School. Dag einn þegar hann er á ströndinni ásamt vinum sínum finnur hann bók eftir rithöfundinn Marcus Skinner. Bókina les hann svo yfir 50 skipti og breytir hún lífi hans og hann ákveður að gerast rithöfundur. Og til þess að nálgast þetta markmið sitt ákveður hann að sækja um skólavist í Stanford þar sem Skinner kennir. En fyrir mistök sendir námsráðgjafinn hans vitlaust einkunnablað með umsókn hans. Það verður til þess að hann fær synjun frá Stanford. Hann er þó ekki til í að gefa drauminn upp í bátinn svo hann er reiðubúinn að gera hvað sem er til að komast inn. Þar á meðal að biðja föður sinn (John Lithglow) að gefa dágóða upphæð til Stanford, reyna að heilla einn úr stjórn skólans. Þar sem þetta tvennt virðist ekki ganga er bara eitt til ráða, að fara til Stanford og sannfæra fólk þar að hann eigi erindi í skólann. Með í þessa ferð fara svo kærasta hans Ashley (Schuyler Fisk, dóttir Sissy Spacek) og bróðir hans Lance (Jack Black)........ Black komst einna best frá þessari mynd, enda kannski ekki við öðru að búast en að hann skili sínu. Þessi mynd olli mér samt nokkrum vonbrigðum, þar sem hún nær aldrei að hrista af sér meðalmennskuna.
Fannst þér gagnrýnin hjálpleg? Nei
Max Keeble's Big Move
0 af 0 fannst gagnrýnin hjálpleg

Alex D. Linz leikur Max Keeble sem er að byrja í gaggó, það byrjar ekki vel þar sem hann er tekinn í gegn og hent í ruslagám, svo virðist sem skólastjórinn kunni ekkert of vel við hann. Eins og að þetta sé ekki nóg þá ákveða foreldrar hans að flytja og Max á aðeins eftir að vera með vinum sínum í nokkra daga. Max ákveður að þar sem hann sé að fara að flytja ætli hann að hefna sín á þeim sem eitthvað hafa gert á hans hlut. Myndin er greinilega hugsuð fyrir yngri áhorfendur þar sem hún gengur út á frekar ódýrt grín. Ef þú ert ekki yngri en 12 ára þá skaltu sleppa þessari.
Fannst þér gagnrýnin hjálpleg? Nei
Session 9
0 af 0 fannst gagnrýnin hjálpleg

Þetta verður að teljast með lélegustu myndum síðasta árs. Myndin fjallar um verktaka sem taka að sér verkefni í yfirgefnu geðsjúkrahúsi og hafa þeir viku til að ljúka því. Á yfirborðinu virðist allt vera í lagi en undir niðri er eitthvað að gerast sem..... Það er svolítið skondið að í þessari mynd þar sem hópur manna hefur eina viku til að vinna verk sem á að taka 3. vikur virðast þeir aldrei vera að vinna, heldur frekar að skoða sig um í þessu stóra húsi.
Fannst þér gagnrýnin hjálpleg? Nei
Not Another Teen Movie
0 af 0 fannst gagnrýnin hjálpleg

Það getur ekki boðað gott þegar myndir eins og Not Another Teen Movie sem gerir grín að öllum þessum unglingamyndum sem gerðar hafa verið síðusta áratuginn er ófyndnari en þær. En í myndinni má sjá skírskotun í myndir eins og She´s all that, Never been kissed, American pie og svo Breakfast Club. En þó eru nokkur atriði í myndinni sem eru fyndin en ekki nógu fyndin til að borga sig inn í bíó. Því miður þá gengur þetta alls ekki upp og myndin verður því lítið annað en þunnur búðingur með alltof mörgum bragðtegundum.
Fannst þér gagnrýnin hjálpleg? Nei
Don't Say a Word
0 af 0 fannst gagnrýnin hjálpleg

Það er varla að það taki því að skrifa um þessa dellu sem Don´t say a word er. En hún fjallar í stórum dráttum um glæpamenn sem ræna ungri dóttur þekkts sálfræðings og gefa honum svo átta tíma til að fá unga geðtruflaða stúlku til að gefa honum upp talnaröð sem hún ein veit. Myndin er lítt spennandi og söguþráðurinn ekki upp á marga fiska. Það mætti halda að sumar persónur myndarinnar séu þarna bara til að fylla upp í gloppótt og illa skrifað handrit. Þessar persónur gera ekkert fyrir myndina annað en að gera hana enn heimskulegri.
Fannst þér gagnrýnin hjálpleg? Nei
Out Cold
0 af 0 fannst gagnrýnin hjálpleg

Myndin Out Cold verður því miður að teljast með lélegu myndum ársins. Þrátt fyrir að hún innihaldi nokkra góða punkta þá er það engan veginn nóg til að gera hana að einhverju sem þú vilt sjá fyrir 800 kall. Myndin gæti í besta falli verið fyrir þá sem bíða þess að komast í brekkurnar en fyrir hina þeir ættu að geyma 800 kallinn og nota hann í eitthvað annað. Myndin byggir á gamalli rullu það er hópur sí-djammandi félaga sem vinna á skíðastaðnum Bull Mountain. Þegar svo eigandinn ætlar svo að selja fjallið virðist sem djammið sé á enda, þeir missi vinnuna en þá taka þeir til sinna ráða.
Fannst þér gagnrýnin hjálpleg? Nei
The Wash
0 af 0 fannst gagnrýnin hjálpleg

Hér er á ferðinni leiðinlega heimskuleg mynd með röppurunum Dr. Dre og Snoop Doggy Dogg og svei mér þá er Eminem þarna líka. M yndin fjallar um vinina D (Snoop Doggy Dog) og Sean (DR. Dre) sem legja saman. Sean hefur nýverið sagt upp vinnunni og á ekki bót fyrir b. Runa á sér. Það verður til þess að hann sækir um yfirmannsstöðu á bílaþvottastöðinni sem D vinnur á. Þetta kemur niður á D þar sem hann þarf allt í einu að vinna og getur ekki lengur gefið sér tíma að selja gras, fengið sér eins og eina jónu. Þetta verður til þess að það verður frekar stirrt þeirra á milli bla bla bla.......Æi þetta er bara heimskuleg mynd.
Fannst þér gagnrýnin hjálpleg? Nei
The Forsaken
0 af 0 fannst gagnrýnin hjálpleg

Myndin fjallar Sean (Kerr Smith sem einhver gæti hafa séð sem homman í Dawson´s creek) ungan mann sem vinnur við að klippa saman trailera fyrir kvikmyndafyrirtæki. Hann ákveður að taka sér viku frí úr vinnu til að vera við brúðkaup systur sinnar í Miami. Til að komast þangað á sem ódýrastan hátt tekur hann að sér að ferja bíl þangað. Á leiðinni tekur hann svo upp farþega sem er reiðubúinn að borga bensín gegn því að hann fái far. Skömmu síðar verður á vegi þeirra ung stúlka sem ekki virðist vera alveg með sjálfri sér....... Ágætis mynd sem í raun betri en margt af því sem tekið er til sýninga í kvikmyndahúsum hérlendis eins og td. Jeepers Creepers. Það sakar kannski ekki þar sem það er fínt að eiga þessa inni þegar hún kemur út á vídeo.


Fannst þér gagnrýnin hjálpleg? Nei
The Wash
0 af 0 fannst gagnrýnin hjálpleg

Varúð passaðu þig á þessari. Þetta er eitt mesta rusl sem ég hef séð og sannar enn betur að rapparar geta upp til hópa ekki leikið, en hérna er það ekki bara leikurinn sem er ömurlegur heldur líka arfa slakt handrit. Það hlítur eitthvað að vera að þegar maður eins og Snoop Doggy Dogg er farinn að leika í 3. myndum sama árið. Ég segi bara látum leikara um að leika og þessa rappara um það sem þeir gera best og fyrir þá er það vonandi ekki að leika.
Fannst þér gagnrýnin hjálpleg? Nei
American Outlaws
0 af 0 fannst gagnrýnin hjálpleg

Myndin segir sögu Jesse James og félaga hans sem koma heim eftir að borgarastyjöldinni líkur árið 1865. Þegar heim er komið er útlitið ekki gott þar sem bændur eru hraknir af býlum af eigendum lestarfélagsins. Þessi átök harðna sífellt þar til þeir enda á að drepa móður Jesse(Kathy Bates). Þá upphefst röð rána sem gerð eru í þeim tilgangi að stöðva framgang járnbrautarfélagsins. Þessi mynd segir í raun sögu Jesse í Robin Hood útgáfu sem er víst ekki svo fjarri lagi miðað við sögubækur. í myndinni eru nokkrir af svona semi þekktum leikurum sem þú kannast líklega við eins og td. Timothy Dalton...... Myndin alls ekki svo slæm, það gæti reyndar verið að manni finnist hún betri en hún í raunninni þar sem nokkuð langt er síðan maður sá vestra síðast. En þeir sem vilja sjá gamla góða vestra er bent á Fistfull of Dollars(Clint Eastwood 1964)Good, The Bad And The Ugly(Clint Eastwood 1966)og svo mun nýrri myndir en þó ekki það nýjar Young Guns myndirnar (1998 0g 1990)
Fannst þér gagnrýnin hjálpleg? Nei
Ghost World
0 af 0 fannst gagnrýnin hjálpleg

Myndin byrjar þegar vinkonurnar Enid (Thora Birch) og Rebecca (Scarlett Johanson) útskrifast úr high school og lífið blasir við. Hvorug þeirra ætlar sér í framhaldsnám heldur ætla þær að fara út á vinnumarkaðinn og leigja svo saman íbúð. Þó svo að þær hafi verið óaðskiljanlegar í skólanum byrja þær að þroskast í sitt hvora áttina. Rebecca fer hina hefðbundnu leið, fær sér vinnu og vinnur markvisst að flytja út úr foreldrahúsum. Enid á hinn bóginn virðist ráðvillt og lendir hún í einskonar sambandi við sér eldri mann. Þessi maður er hinn óframfærni, jassáhugamaður Seymour (Steve Buscemi). Enid gengur illa að halda vinnu, fer í kvöldskóla að læra myndlist og heldur áfram að búa í föðurhúsum. Og eftir því sem Enid og Rebecca fjarlægjast hvor aðra minnka möguleikarnir að þær nái saman aftur.... Það er eitthvað öðruvísi en samt heillandi við þessa mynd sem gerir hana að því sem hún er, með öðrum orðum sjáðu þessa!
Fannst þér gagnrýnin hjálpleg? Nei
Behind Enemy Lines
0 af 0 fannst gagnrýnin hjálpleg

Ég verð að segja að svona andsk.... vellu hef ég vart augum litið. Myndin fjallar í stórum dráttum um flugmann sem er skotinn niður í eftirlitsflugi í Bosníu eftir að hafa tekið myndir af fjöldagröfum. Eftir þetta upphefst svo ein heimskulegasta atburðarás sem ég man eftir en verður ekki rakin hér. Hér er á ferðinni mynd um John McClane (karakterinn í Die hard) Bandaríska hersins, maðurinn sem tekur á móti heilum her og munar ekkert um það. Sé minnst á eitt af þessum fáránlegu atriðum er eitt sem ég ældi næstum yfir en það er þegar flugmaðurinn biður um vatn á einum stað í myndinni, þá var ekkert til að drekka nema KÓK. Hvað er að þessu liði ekki að myndin hafi ekki verið nógu andsk... heimskuleg fyrir. Forðastu þessa sem heitan eldinn, ef þú aftur á móti ákveður að fara á þessa í bíó skaltu taka með þér Bandaríska fánann og vera tilbúinn að syngja þjóðsöng Bandríkjanna með tárin í augunum í lok myndarinnar. Myndin fær því einungis hálfa stjörnu fyrir Kók auglýsinguna sem ein sér hefði verið betri.
Fannst þér gagnrýnin hjálpleg? Nei
Spy Game
0 af 0 fannst gagnrýnin hjálpleg

Spy Game fjallar um samband milli Nathan Muir (Robert Redford)sem er gamall jálkur innan CIA sem er að hætta störfum og Tom Bishop (Brad Pitt) sem Muir fékk til að ganga í raðir CIA til að leysa viðkvæm verkefni. Bishop er handtekinn af Kínverskum yfirvöldum í leyniaðgerð í Bejing og verður hann tekinn af lífi innan 24 stunda. CIA reynir að blanda sér ekki í málið svo að þetta komi ekki til með að skaða samskipti ríkjanna. En Muir á hinn bóginn líst ekki á þá hugmynd að skilja Bishop eftir og bíða eftir að vera tekinn af lífi. Hann fer að vinna að því að frelsa Bishop úr prísundinni. Þetta er hreint frábær thriller sem menn ættu ekki að láta fram hjá sér fara.
Fannst þér gagnrýnin hjálpleg? Nei
Shallow Hal
0 af 0 fannst gagnrýnin hjálpleg

Ég var búinn að heyra að þessi væri eitthvað voða fyndin. En ef þetta var grínmynd þá GUÐ MINN GÓÐUR ég get ekki munað eftir að hlæja 1. sinni hvað þá oftar. En sem sagt, Hal (Jack Black) en hann er einn af þessum sem eltast við þær konur sem eru hreinlega klassa fyrir ofan sig. En dag einn festist hann í lyftu ásamt manni sem telur sig geta hjálpað honum. Hann dáleiðir hann svo hann fer að sjá innri fegurð frekan en ytri, stuttu eftir þetta kynnist hann svo Rosemary (Gwyneth Paltrow) sem er akfeit en Al sér hana fyrir sér sem gullfallega ljósku..... Einkennilega léleg mynd sem ég mæli ekki með að fólk borgi fyrir að sjá.
Fannst þér gagnrýnin hjálpleg? Nei
Donnie Darko
0 af 0 fannst gagnrýnin hjálpleg

Vááá þessi kom mér þokkalega á óvart og er langt síðan að mynd eins og þessi gerir það. Það skemmtilega við þessa mynd að hún er ekki lík neinni mynd sem ég hef séð, allt við hana er ferskt og maður getur ekki annað en hrifist af henni. Myndin sjálf fjallar um Donnie Darko (Jake Gyllenhaal)sem á við geðræn vandamál að stríða. Þetta lýsir sér svo að hann sér ofsjónir og þá gjarnan fyrirbæri sem ekki eru til. Kvöld eitt eltir hann eitt af þessum fyrirbærum en það er risa kanínan Frank. Það verður til þess að bjarga lífi hans þar sem þotuhreyfill lendir í herbergið hans og gjöreyðileggur það...... Meðal leikara í myndinni eru Drew Barrymore, Patrick Swayze og Mary McDonnel. Myndin er kannski ekki fyrir alla en fyrir þá sem vilja sjá eitthvað öðruvísi en samt einstaklega vel heppnað þá er þessi mynd algjört möst.
Fannst þér gagnrýnin hjálpleg? Nei
Life as a House
0 af 0 fannst gagnrýnin hjálpleg

Hlutirnir ganga ekkert of vel fyrir George (Kevin Kline). Skilinn við konuna Robin(Kristin Scott Thomas) og þekkir vart hinn uppreisnargjarna son sinn Sam(Hayden Christensen). Hann býr í niðurníddum skúr við sjávarsíðuna. Ekki bætir það úr skák að í ofanálag missir hann einnig vinnuna og kemst að því að hann er með ólæknandi krabbamein. Vitandi að hann gæti einungis átt 4. mánuði eftri ólifað ákveður hann að eyða síðasta sumrinu með syninum að rífa skúrinn og byggja draumahúsið. Hinn 16 ára gamli sonur er ekkert alltof hrifinn af þessari hugmynd að hjálpa pabba sínum frekar en að eyða sumrinu í drykkju og dópneyslu. Þegar hann svo flytur til pabba sins er það fyrsta sem honum dettur í hug er að strjúka, en sæta stelpan í næsta húsi Alyssa (Jena Malone) verður til þess að hann ákveður að staldra við. Þegar á sumarið líður og gamli skúrinn hverfur smám saman fer Robin að líta til hans og það verður til þess að þau endurnýja vinskap sinn.... Þessi mynd er hreint út sagt frábær og það kæmi ekkert á óvart að Kevin Kline yrði tilnefndur til óskarsins fyrir leik sinn í þessari mynd.
Fannst þér gagnrýnin hjálpleg? Nei
On the Line
0 af 0 fannst gagnrýnin hjálpleg

Myndin fjallar um Kevin sem vinnur á auglýsingastofu en hann á afar erfitt með að tjá sig þegar kvenfólk kemur við sögu. Dag einn í lestinni á leið í vinnuna hittir hann fyrir draumadísina. Eftir að tala við hana um stund skilja leiðir, Þar sem hann veit ekkert um hana verður erfitt fyrir hann að hafa upp á henni aftur ..... Ef einhver hefði sagt við mig að ég gæti haft gaman af þessari mynd hefði ég farið að hlæja, vegna þess að hérna eru 2. meðlima N´Sync í aðalhluverkum. En þessi mynd er bara alls ekki svo vond heldur hreint ágæt skemmtun.
Fannst þér gagnrýnin hjálpleg? Nei
The Lost Boys
0 af 0 fannst gagnrýnin hjálpleg

Ágætis mynd fyrir þá sem vilja endunýja kynni sín við leikara sem ekki hefur mikið borið á á liðnum árum eins og Corey Haim,Corey Feldman og svo Kiefer Sutherland. Einnig má sjá menn eins og Jason Patric sem virðist halda sér betur í þessum bransa en hinir 3. Það er fínt að eiga þessa inni ef menn eru búnir að sjá allt það nýjasta á leigunni.
Fannst þér gagnrýnin hjálpleg? Nei
Iron Monkey
0 af 0 fannst gagnrýnin hjálpleg

Þessi minnir óneitanlega á gömlu döbbuðu kung fu myndirnar sem maður horfði á í gamla daga. Hér er þyngdarlögmálið þverbrotið og menn svífa um án nokkurra erfiðleika. Myndin sjálf fjallar um þetta klassíska, maður sem stelur frá hinum ríku og spilltu til gefa þeim sem minna mega sín. Ég hafði lúmskt gaman af þessari þar sem hún er málsett á ensku fær maður netta gæsahúð og hugsar til gömlu kung fu myndanna. Bardagasenurnar í myndinni eru vel útfærðar og viljir þú sjá eina eftir gömlu uppskriftinni sjáðu þá þessa.
Fannst þér gagnrýnin hjálpleg? Nei
Hearts in Atlantis
0 af 0 fannst gagnrýnin hjálpleg

Skemmtilega sögð saga manns sem kemur aftur eftir margra ára fjarveru til síns gamla heimabæjar. Minningarnar hellast yfir hann og hann rifjar upp vinskap sinn við eldri mann og þann tíma sem þeir eyddu saman. Hopkins er fínn að vanda og aðrir leikarar skila sínu ágætlega. Fín mynd í alla staði fyrir þá sem vilja fína afþreyingu sem ekki inniheldur sprengingar og dráp heldur er á mannlegum nótum.
Fannst þér gagnrýnin hjálpleg? Nei
Christmas Vacation
0 af 0 fannst gagnrýnin hjálpleg

Þessi mynd er skylduáhorf fyrir hver einustu jól enda ekki oft sem svona grín jólamyndir heppnast jafn vel. Myndin er bráðfyndin og þeir sem vilja að eins slappa af og losa smá jóla stress ættu að skella þessari í tækið og láta fara vel um sig.
Fannst þér gagnrýnin hjálpleg? Nei
Bubble Boy
0 af 0 fannst gagnrýnin hjálpleg

Ég hélt að hér væri á ferðinni fínasta afþreying. En öðru nær þá er þetta slöpp mynd með óáhugaverðum karakterum. Myndin sem fjallar um dreng með ónýtt ónæmiskerfi og ferð sem hann fer til að stöðva brúðkaup konunnar sem hann elskar. Á þessari ferð sinni kemst hann í kynni við ýmiskonar fólk.... Ekki sjá þessa nema í neyð eða þú fáir frítt í bíó.
Fannst þér gagnrýnin hjálpleg? Nei
Bones
0 af 0 fannst gagnrýnin hjálpleg

Þvílík endemis þvæla maður á vart til orð, það hlítur að þurfa mikið til að menn geti einfaldlega gert svona rusl. Það er ekki ástæða til að segja frá um hvað myndin fjallar, en myndin fær þessa 1/2 stjörnu fyrir að leikstjóri myndarinnar hefur greinilega fengið Snoop Doggy Dogg til að halda að hann gæti leikið.
Fannst þér gagnrýnin hjálpleg? Nei
Domestic Disturbance
0 af 0 fannst gagnrýnin hjálpleg

Ég verð að segja að ég bjóst við miklu meiru af Þessari mynd. Myndin er um ungan strák sem býr hjá mömmu sinni og verðandi manni hennar. Hann er ekkert alltof hrifinn af þeim manni og stuttu eftir að þau giftast kemur hann með ótrúlega sögu sem að pabbi hans og aðrir taka ekkert alltof trúanlega. En hver er að segja satt og hver er að ljúga. Meðal leikara eru gamli diskó boltinn John Travolta og svo snillingurinn Steve Buscemi, þrátt fyrir það er þetta bara ein af þessum slöppu fjöldaframleiddu lummum sem skilja ekkert eftir sig.
Fannst þér gagnrýnin hjálpleg? Nei
AntiTrust
0 af 0 fannst gagnrýnin hjálpleg

Þessi kom mér skemmtilega á óvart enda bjóst ég ekki við miklu af þessari. Myndin fjallar í stórum dráttum um Gary Winston sem örugglega er byggður á Bill Gates og því hversu langt hann gengur til að verja sig gegn samkeppni. Meðal leikara eru Ryan Phillippe ( Var frábær í Cruel Intentions) og Tim Robbins (Shawshank Redemption og Arlington Road). Fín ræma, rennur vel í gegn sem gerir hana álitlegan kost þegar hún kemur á leigurnar.
Fannst þér gagnrýnin hjálpleg? Nei
K-PAX
0 af 0 fannst gagnrýnin hjálpleg

Góð mynd sem hefur það fram yfir aðrar myndir að hún fellur ekki beint í þann haug mynda sem gerður er, heldur er hún ein af þessum sem þú manst eftir. Samleikur Kevin Spacey og Jeff Briges kemur vel út og svo og leikur annara. Þessi mynd er dæmi um vel heppnaða mynd sem lætur þó ekki of mikið fara fyrir sér heldur er hérna perla sem leynist inn á milli í öllu ruslinu sem Hollywood mokar yfir okkur.
Fannst þér gagnrýnin hjálpleg? Nei
Thir13en Ghosts
0 af 0 fannst gagnrýnin hjálpleg

Þetta er ágætis ræma sem kemur kanski ekki á óvart en ágætis skemmtun þó. Hún er ekki ein af þessum langlokum sem framleiddar hafa verið undanfarið, heldur rennur hún þægilega áfram án vandkvæða. Ágætis mynd sem minnir á köflum á myndir eins og the Cube og Hellraiser. Og fyrir þá sem þyrstir í hrollvekjur ætti þessi að vekja áhuga.
Fannst þér gagnrýnin hjálpleg? Nei
The Others
0 af 0 fannst gagnrýnin hjálpleg

Það verður bara að segjast að þessi mynd er bara helv... góð. Myndin fjallar um einstæða móðir sem býr ein ásamt börnum sínum á stóru sveitasetri. Dag einn kemur þar fólk í leit að vinnu sem kemur sér vel enda mikil vinna að halda stórt heimili...... Myndin er líklega ein sú besta sem ég hef séð á árinu, en hún hefði fengið 4 stjörnur hefði maður ekki verið búinn að sjá svipaða hluti í annari mynd sem kemur að svipuðu efni. Engu að síður algjört möst að sjá þessa enda á ferðinni frábær mynd.
Fannst þér gagnrýnin hjálpleg? Nei
The Goonies
0 af 0 fannst gagnrýnin hjálpleg

Ég verð að segja að þegar ég horfði á Goonies aftur eftir öll þessi ár bjóst ég við því að þarna væri enn ein myndin sem maður hefur ekki séð lengi en sér hana samt í einhverjum dýrðarljóma. En svo er ekki með The Goonies sem þrátt fyrir að 16 ár séu liðin frá því hún var sýnd fyrst stendur hún enn þá fyrir sínu sem frábær ævintýramynd. Myndin fjallar um hóp krakka sem fyrir tilviljun finna fjársjóðskort sem vísa á fjársjóð eineigða Villa. Það að finna þennan fjársjóð gæti verið það eina sem gæti komið í veg fyrir að þau þurfi að flytja, þar sem rífa á húsið þeirra og annara til að opna þar golfvöll. Þó svo að þau hafi kortið er ekki þar með sagt að þau finni fjársjóðinn þar sem margar gildrur eru á leiðinni og þau eru ekki ein um að vilja finna hann...... The Goonies er hreinlega ein besta ævintýra mynd sem gerð hefur verið, það væri ekki úr vegi fyrir þá sem eiga eftir að sjá hana og þá sem vilja sjá hana aftur að reyna að nálgast þessa á DVD. Þar sem spólan er örugglega orðin vel slitin ef hún er yfir höfuð til á leigunu, en ef þú ferð á leiguna væri óvitlaust að kippa með fyrstu Indiana Jones myndinni Raiders of the Lost Ark.
Fannst þér gagnrýnin hjálpleg? Nei
Joy Ride
0 af 0 fannst gagnrýnin hjálpleg

Myndin er um bræður sem lenda í því sem þeir alls ekki bjuggust við eftir barnalegan hrekk sem gekk of langt. Myndin minnir kannski einna mest á The Hitcher (1986) þar sem Rutger Hauer er í essinu sínu. En hvað um það góð mynd fínir leikarar svo sem Leelee Sobieski(Eyes wide shut, The Glass house), Paul Walker sem virðist vera að stimpla sig rækilega inn í kvikmyndaheiminn(The fast and the furious) og síðast en ekki síst Steve Zahn(That thing you do, Evil woman einnig þekkt sem Saving Sileverman) þessi er hreinlega of góð til að missa af.
Fannst þér gagnrýnin hjálpleg? Nei
Training Day
0 af 0 fannst gagnrýnin hjálpleg

Myndin fjallar um fyrsta dag nýliða í fíkniefnalögreglu Los Angeles (Ethan Hawk) sem hittir fyrir hinn spillta yfirmann sinn (Denzel Washington). Þetta er þessi týpíska vonda lögga, góða lögga mynd svo þú skalt ekki fara í bíó haldandi að hér sé eitthvað nýtt að sjá. En fín mynd engu að síður.
Fannst þér gagnrýnin hjálpleg? Nei
Bandits
0 af 0 fannst gagnrýnin hjálpleg

Þessi mynd kom mér þægilega á óvart en hún fjallar um tvo fanga sem strjúka á ótrúlegan hátt úr fangelsi og hvernig þeir vinna úr því að vera peningalausir fangar á flótta. Leikararnir eru ekki af slakari endanum en þar má nefna Bruce Willis (Die Hard..., The whole nine yards, Unbreakable og svo The sixth sense) Billi Bob Thornton ( South Of Heaven, West Of Hell, Pushing Tin og einnig Sling blade sem reyndar ætti að vera skilduáhorf fyrir alla sem kunna að meta góðar kvikmyndir) og svo Cate Blanchett(The Gift og verður einnig í The Lord of the Rings: The Fellowship of the Ring). Sem sagt fínasta ræma!
Fannst þér gagnrýnin hjálpleg? Nei
Driven
0 af 0 fannst gagnrýnin hjálpleg

Hvað gerir maður ef maður rekur kappaksturslið og nýliðinn er að missa tökin á akstrinum, jú auðvitað kallar maður til gamla jaxlinn til að bjarga málunum. En í þessari er það Stallone nokkur, sem kannski er ekki svo vitlaust val í þetta hlutverk Þessi mynd kemur alls ekkert á óvart að neinu leiti enda kannski ekki við því að búast. Brellurnar í henni eru oftar en ekki klaufalega útfærðar, það mætti halda að tölvu unnar brellur væru nýjung þar sem þær eru notaðar við hvert tækifæri í þessari mynd. Myndin hefði að mínu viti verið betri ef þeir hefðu hreinlega hætt við þennan brellu eltingaleik. En hvað um það ef þú hefur gaman að kappakstri og öllu sem því fylgir þá gæti þessi mynd jafnvel fengið að rúlla á milli tímabila í formúlunni í tækinu þínu. En sjálfur myndi ég velja Days of thunder (1990) Þar sem fyrrum hjónakorn Tom Cruise og Nicole Kidman fara með aðalhluverk.
Fannst þér gagnrýnin hjálpleg? Nei
The Musketeer
0 af 0 fannst gagnrýnin hjálpleg

Ég verð að segja að ég hélt að hér væri komin ágætis mynd sem kannski ætti til eitthvað sem heitir frumlegheit. En nei hér er á ferðinni ömurleg mynd í alla staði og heimskuleg bardagaatriði. Ég veit ekki hvort þeir hjá Universal viti að það er búið að blóðmjólka þessa formúlu. Svo ég nefni dæmi má nefna The three musketeers 1993 (framleidd af Disney) sem var hin besta skemmtun og svo The man in the iron mask 1998 (United Artists). Ef þú ætlar að sjá þessa mynd þá vil ég benda þér á að fara frekar á leiguna og taka ofan nefndar myndir, þar sem formúlan gengur upp en verður ekki að vatnsþynntri klisju.
Fannst þér gagnrýnin hjálpleg? Nei
The Score
0 af 0 fannst gagnrýnin hjálpleg

Ágætis mynd en handritið greinilega verið fengið beint úr endurvinnslunni. Þrátt fyrir fína leikara sem reyndar fengu ekki mikið til að moða úr er þetta bara svona meðalmynd. Meðal leikara eru menn eins og Edward Norton sem mér finnst komast einna best frá þessari mynd, Robert De Niro, Angela Basset og svo Marlon Brando sem sannarlega má muna sinn fífil fegurri. Þetta er ekta klisjumynd, hvað hefur maður ekki séð margar svona SÍÐASTA eitthvað myndir þar sem menn eru að fara að hætta í hinu og þessu. En þetta er einmitt þannig mynd, en þessi fjallar um innbrotsþjóf sem ætlar að leggjast í helgan stein eftir síðasta stóra ránið. Þetta rán sem í fyrstu virkar sem leikur einn verður flóknara sem nær dregur ráninu........ Eins og ég sagði áður ekkert nýtt í þessari en í sjálfu sér ágætis ræma.
Fannst þér gagnrýnin hjálpleg? Nei
What's the Worst That Could Happen?
0 af 0 fannst gagnrýnin hjálpleg

Ekkert um þessa mynd að segja nema að hún er flöt og alveg VOND
Fannst þér gagnrýnin hjálpleg? Nei
Rock Star
0 af 0 fannst gagnrýnin hjálpleg

Ég verða að segja að ég hafði lúmskt gaman að þessari mynd. Myndin segir sögu stráks (Mark Wahlberg) sem er upptekinn að því að lifa lífi rokkarans. Hann tileinkar sig málstaðnum þar sem sítt hár og farði er aðeins hluti af þeirri ímynd. Til að fullkomna þennan pakka þá syngur hann í cover bandi sem flytur lög þeirrar sveitar sem hann dáir mest. En þegar svo hann er rekinn úr sveitinni virðist sem hans draumur um að verða alvöru rokkari séu úr sögunni................ Í myndinni má einnig sjá Jennifer Aniston sem fer með hlutverk kærustu hans en satt að segja eru ekki unnir neinir leiksigrar í þessari mynd. Tónlistin í henni er frá þessum tíma sem hljómsveitir eins og Europe og fleiri voru upp á sitt besta. Myndin er alls ekki alslæm þó svo ég kannski mæli ekki sterklega með henni en þú gætir lent á verri mynd.
Fannst þér gagnrýnin hjálpleg? Nei
The Glass House
0 af 0 fannst gagnrýnin hjálpleg

Hér er á ferðinni alveg ágætis spennumynd með leikkonunni ungu Leelee Sobieski (Eyes wide shut og Never been kissed) Myndin er um krakka sem missa foreldra sína í hörmulegu bílslysi. Eftir slysið eru þau tekin í fóstur af vinafólki foreldra sinna. Allt virðist vera í stakasta lagi en undir yfirborðinu er eitthvað ekki eins og það á að vera. Í myndinni er kannski ekkert nýtt að gerast heldur frekar verið að vinna með gamlum klisjur, en þetta gengur ágætlega upp og þess vegna fær hún 2 1/2 stjörnu.
Fannst þér gagnrýnin hjálpleg? Nei
Ghosts of Mars
0 af 0 fannst gagnrýnin hjálpleg

Hér kemur enn ein John Carpenter ræman. Miðað við þá leikara sem í myndinni var kannski ekki við miklu að búast s. s. Natasha Henstridge (Species, Bounce,The Whole nine yards) Pam Grier (Jackie Brown) og svo rapparinn Ice Cube (Friday, Anaconda, Three kings). Svo virðist sem að Carpenter ætli ekki að takast að endurtaka snilldina sem hann náði fram í The Thing, kannski hefur hann einfaldlega gleymt því sem hann gerði þá enda komin rúm 20 ár síðan. Myndin eins og titillinn gefur til kynna gerist á mars, hún byrjar á því að nokkrir verðir laganna eru sendir í námaþorp til að flytja þaðan hættulegan fanga (leikinn af Ice Cube). Eitthvað er svo öðruvísi en það á að vera þegar þangað kemur, götur auðar og ekki sála á ferli. Svo fer ýmislegt að koma í ljós sem skýrir þetta............... Ekki meira um það en myndin sjálf er ALVEG VOND það er hreinlega ekkert gott við þessa mynd, brellurnar lélegar o. s. frv. Ef þú ert ekki hard core Carpenter fan sittu þá frekar heima og horfðu á endursýningar á skjá einum. Stjörnuna fær Carpenter fyrir viðleitni að halda áfram að reyna.
Fannst þér gagnrýnin hjálpleg? Nei
Jeepers Creepers
0 af 0 fannst gagnrýnin hjálpleg

Það er nú ekki mikið um þessa mynd að segja. Hún er um systkyni sem eru á leið heim í frí úr skólanum, á leiðinni fara svo undarlegir hlutir að gerast. Þetta byrjar svona sem nett Stephen King mynd en ræður ekki við það sem henni er ætlað. Slepptu frekar bíóferðinni og bíddu eftir að þessi verði sýnd á sýn. Algjört flopp!
Fannst þér gagnrýnin hjálpleg? Nei
Dracula 2001
0 af 0 fannst gagnrýnin hjálpleg

Ég verð að segja að ég bjóst ekki við miklu þegar ég ákvað að horfa á þessa mynd. Hélt að þetta væri enn ein blóðsugu myndin sem fetaði í fótspor mynda eins From dusk till dawn frekar en snilldar myndarinnar interview with the vampire. Þessi mynd er kannski ekki í gæðaflokki þeirrar síðarnefndu en frábær skemmtun engu að síður. Mæli sterklega með þessari.
Fannst þér gagnrýnin hjálpleg? Nei
Hard Ball
0 af 0 fannst gagnrýnin hjálpleg

Myndin byrjar á því að O´neil (Keanu Reeves) er að tapa miklu af peningum sem hann á í raun ekki til í veðmálum um úrslit leikja í NBA. Hann vantar þá pening í hvelli og leitar til kunningja síns með þau mál. Þessi kunningi hans er ekki tilbúinn að lána honum pening heldur er hann tilbúinn að borga honum fyrir að þjálfa hafnarboltalið. Hann tekur þetta að sér án þess að vita hvernig liðið er skipað. Þegar hann svo kemur á fyrstu æfinguna kemur í ljós að mikil vinna er fyrir höndum ef þetta lið á yfirleitt að geta spilað hafnarbolta....... Þessi mynd er í anda The mighty ducks með Emilio Estevez í aðalhlutverki. Þessar myndir byggja á sama grunni með mjög litlum breytingum. Ef þú hefur haft gaman af The mighty ducks gætir þú haft gaman af þessari en ef ekki er þetta bara ágætis ræma. Hér er ekki verið að finna eitthvað nýtt heldur eitthvað sem hefur virkað áður. Góða skemmtun
Fannst þér gagnrýnin hjálpleg? Nei
Jay and Silent Bob Strike Back
0 af 0 fannst gagnrýnin hjálpleg

Þetta er ekta aulahúmorsmynd, það er í rauninni bara spurning hvernig þú ert upplagður þegar þú horfir á þessa mynd. Myndin byrjar á því að við sjáum hvernig leiðir Jay og Silent Bob liggja saman og síðan sjáum við hvað verður úr þeim. Þeir eru að vanda reykjandi gras og ekki gerandi rassgat annað. Þegar þeir komast svo að því að það á að fara gera bíómynd eftir karakterum sem byggðir eru á þeim sjálfum þá byrjar þetta fyrir alvöru. Þeir fara inn á síðu á netinu þar sem (þeir)Karektarnir í eru rakkaðir niður, það verður til þess að þeir storma til Hollywood að stöðva þessa mynd.......... Í myndinni bregður fyrir atriðum úr myndum eins og The fugitive og svo star wars þar sem Mark Hamill(Luke Skywalker) kemur fyrir. Þarna eru aðrir þekktir leikarar sem verið hafa í myndum Kevins Smith þar er helst að nefna Ben Affleck, Matt Damon þó að sjálfsögðu séu fleiri. Þessi mynd er fín afþreying ef maður fílar svona aulahúmor en fyrir þá sem gera það ekki VINSAMLEGAST ekki sjá þessa mynd og fara að tala um hvað hún er vitlaus. Ekki standa sjálfan þig að því að reyna finna út boðskapinn hann er enginn bara kæruleysi og kanabis.
Fannst þér gagnrýnin hjálpleg? Nei
Cats and Dogs
0 af 0 fannst gagnrýnin hjálpleg

Ég verð að segja að sjáldan séð jafn lélega mynd eins og þessa, þvílík vonbrigði. Þetta var í fyrsta skipti sem ég hef farið í hléi. En fyrir þá sem vantar barnamynd í afmæli eða þess háttar gætu væntanlega sloppið með þessa mynd. Myndin ætti hreinlega að vera bönnuð fólki eldra en 10 ára.
Fannst þér gagnrýnin hjálpleg? Nei
Final Fantasy: The Spirits Within
0 af 0 fannst gagnrýnin hjálpleg

Þessi mynd er alveg ótrúlega vel gerð, mann hefði aldrei órað fyrir því að þetta væri hægt. En það er reyndar ekki nóg að myndin sé flott þar sem mér fannst hún allt of langdreginn og maður þarf virkilega þolinmæði til að horfa á hana alla. En ef þú ætlar að sjá þessa mynd þá verður þú að sjá hana í bíó.
Fannst þér gagnrýnin hjálpleg? Nei
Joe Dirt
0 af 0 fannst gagnrýnin hjálpleg

Í þessari mynd rekur Joe nokkur Dirt(David Spade) ævi sína frá því að hann er skilinn eftir við Grand Canyon þegar hann er 8 ára gamall. Mér fannst myndin bara virka ágætlega sem svona týpísk Spade mynd og hún verðskuldar þessar 2. stjörnur fyllilega. Þessi mynd er nú samt ekki svona must see í bíó heldur er fínt að eiga hana inni þegar hún kemur út á vídeó.
Fannst þér gagnrýnin hjálpleg? Nei
Saving Silverman
0 af 0 fannst gagnrýnin hjálpleg

Hreint ágæt ræma með Jason Biggs (American Pie, American Pie 2 og Loser) sem virðist vera hreint fæddur í hlutverk þessara misheppnuðu gaura sem hann virðist alltaf leika. Myndin sjálf er um tilraunir vina Darrens(Jason Biggs), Wayne(Steve Zahn) og J. D(Jack Black)til að reyna að ná vini sínum aftur úr klóm Judithar sem virðist vera kærasta sem enginn á skilið að eiga. Ýmislegt gengur á í þeim efnum sem ekki verður rakið hér. Ef þú hefur haft gaman af American Pie og Loser er þessi einfaldlega málið. Allir í bíó.
Fannst þér gagnrýnin hjálpleg? Nei
Freddy Got Fingered
0 af 0 fannst gagnrýnin hjálpleg

Þessi mynd Tom Green gengur út á að sjokkera fólk, enda eru þarna nokkur mjög ósmekkleg og ófyndin atriði sem ekki er með nokkru móti hægt að hlæja að. Tom Green veit greinilega sjálfur að hann er ekki mikill leikari eða handritshöfundur. Þess vegna reynir hann að bæta fyrir það með ósmekklegum atriðum sem vekja umfjöllun og viðbjóð (hjá mér að minnsta kosti). Einstaklega léleg mynd, þó svo að hún eigi einhverja punkta en þessir punktar eru bara ekki nóg til þess að gera myndina að einhverju sem gæti kallast skemmmtun.
Fannst þér gagnrýnin hjálpleg? Nei
Requiem for a Dream
0 af 0 fannst gagnrýnin hjálpleg

Þegar ég horfði á þessa mynd hafði ég lesið dómana sem voru á þessari síðu. Ég bjóst hérna við meistaraverki, en raunin varð önnur. Jú myndin er skemmtilega klippt en þessar klippingar gera myndina of sundurlausa. Reyndar held ég að hún hefði komið betur út sem stuttmynd, en það er bara mín skoðun. En fyrir þá sem vilja sjá góða mynd sem kemur að sama málefni vil ég benda á Sid and Nancy (1986) þar erum við að tala saman.
Fannst þér gagnrýnin hjálpleg? Nei