There Will Be Blood (2007)
Sýnd 9. maí kl: 21:00
Bíó Paradís
Salur 1
Paul Thomas Anderson leikstýrir þessari margverðlaunuðu kvikmynd sem segir sögu olíufrömuðar í byrjun 20. aldar og hvernig valdabarátta og græðgi móta líf hans og samfélagið í kring. Daniel Day-Lewis fer með aðalhlutverkið og hlaut mikið lof fyrir túlkun sína. Myndin er rómuð m.a. fyrir söguþráð, myndatöku og leik, og hefur unnið sér sess sem ein af eftirtektarverðari kvikmyndum samtímans.
Commando (1985)
Sýnd 12. maí kl: 20:00
Sambíóin Egilshöll
Salur 1
Arnold Schwarzenegger í essinu sínu sem fyrrverandi sérsveitarmaður sem þarf að bjarga dóttur sinni úr klóm óvinarins. Hrikalega skemmtileg hasarmynd sem sló í gegn á sínum tíma og stendur enn fyrir sínu sem klassísk 80’s kvikmynd. Fullkomin kvöldskemmtun fyrir þá sem elska hasar, sprengingar og óstöðvandi hetjur!
Willow (1988)
Sýnd 14. maí kl: 19:00
Sambíóin Kringlunni
Salur 1
Ævintýraheimur fullur af töfrum, óvættum og hetjudáðum! Willow eftir Ron Howard og framleidd af George Lucas hefur glatt kvikmyndaáhugamenn í áratugi. Komdu og njóttu þessa ævintýris á stóra tjaldinu þar sem þetta meistaraverk nýtur sín best.
The Shawshank Redemption (1994)
Sýnd 14. maí kl: 19:10 (MAX) & 20:30 (Lúxussal)
Smárabíó
Tim Robbins og Morgan Freeman fara með aðalhlutverk í þessari stórgóðu kvikmynd sem fjallar um vináttu, von og lífsbaráttu innan veggja Shawshank-fangelsisins. Myndin hefur hlotið mikla viðurkenningu fyrir leik, handrit og söguna sjálfa og er reglulega á lista yfir ástsælustu kvikmyndir heims. Nú gefst tækifæri til að sjá hana aftur eða upplifa í fyrsta sinn á stóra tjaldinu.
The Room (2003)
Sýnd 16. maí kl: 21:00
Bíó Paradís
Salur 1
„Oh hi Mark!“ Einstök költmynd sem hefur öðlast heimsfrægð fyrir sérkennilegan stíl og furðulegt handrit. Tommy Wiseau leikstýrir og leikur aðalhlutverkið í þessari mynd sem er bæði óvart fyndin og ólík öllu öðru. Sýningarnar skapa einstaka stemningu, oftast með miklum hlátri og góðu stuði. Fullkomið tækifæri til að upplifa þetta kvikmyndafyrirbæri með vinum á hvíta tjaldinu.
The Thing (1982)
Sýnd 19. maí kl: 20:00
Sambíóin Egilshöll
Salur 1
John Carpenter býður upp á kaldan hrylling í þessari meistaraklassík þar sem hópur vísindamanna í afskekktri rannsóknarstöð á Suðurskautinu stendur frammi fyrir ógnvekjandi og dulafullri veru sem getur tekið á sig mynd annarra lífvera. Spennan magnast þegar traustið innan hópsins rofnar og enginn veit hverjum er treystandi. Með Kurt Russell í fararbroddi, mögnuðu andrúmslofti og ógleymanlegum hljóð- og myndbrellum hefur The Thing átt fastan sess sem ein áhrifamesta hryllingsmynd allra tíma.
The Doors (1991)
Sýnd 21. maí kl: 19:00
Sambíóin Kringlunni
Salur 1
Oliver Stone kafar djúpt í líf og sögu hins dularfulla Jim Morrison og hljómsveitarinnar The Doors. Val Kilmer leikur Morrison af krafti og myndin fangar bæði töfra og ringulreið þessa tímabils. Fullkomin mynd fyrir tónlistarunnendur og kvikmyndaáhugafólk!