Commando 1985
Somewhere... somehow... someone's going to pay
70% Critics Sérsveitarmaður sem hættur er störfum, John Matrix, fór fyrir úrvalssveit hermanna, en býr nú á afviknum stað til fjalla ásamt dóttur sinni Jenny. Núna neyðist hann til að koma aftur til starfa þegar dóttur hans er rænt af hópi glæpamanna sem eru í hefndarhug. Án þess að Matrix vissi af, þá hafa fyrrum liðsmenn sérsveitar hans verið myrtir kerfisbundið.... Lesa meira
Sérsveitarmaður sem hættur er störfum, John Matrix, fór fyrir úrvalssveit hermanna, en býr nú á afviknum stað til fjalla ásamt dóttur sinni Jenny. Núna neyðist hann til að koma aftur til starfa þegar dóttur hans er rænt af hópi glæpamanna sem eru í hefndarhug. Án þess að Matrix vissi af, þá hafa fyrrum liðsmenn sérsveitar hans verið myrtir kerfisbundið. Jafnvel þó að vinur Matrix, hershöfðinginn Franklin Kirby, láti Matrix hafa vopnaða lífverði, þá nær glæpahópurinn að ræna bæði Matrix og Jenny. Matrix áttar sig á að Bennett, sem er fyrrum liðsmaður sérsveitar hans, og var talinn af, er sá sem hefur skipulagt ránið á honum til að þvinga Matrix til að myrða stjórnmálamann fyrir mann sem kallast Arius, og kallar sjálfan sig El Presidente. Arius er fyrrum stríðsherra sem vill leiða byltingu í heimalandi sínu. Þar sem Arius mun drepa Jenny ef Matrix neitar að hjálpa, verður Matrix að láta undan og taka að sér verkefnið. ... minna
Aðalleikarar
Leikstjórn
Handrit
UMFJALLANIR AF ÖÐRUM MIÐLUM
Svipaðar myndir
Gagnrýni (4)
Mér finnst þetta vera klassa hasarmynd... alvöru 80's mynd. Hjá mér fellur hún í sama gæðaflokk og rambo myndirnar (sem eru awesome).
Hinn mjög ýkti Arnold Schwarzenegger kemur sterkur inn sem John Matrix. Dóttur Matrix er rænt á fyrstu tíu mínútunum og restin er Arnold að gera hard-core hluti (eins og að rífa upp símaklefa eða stökkva úr flugvél) til þess að bjarga henni. Og eins og í öllum góðum hasarmyndum virðist Arnold ver ódrepandi.
Það eina sem Arnold gerir að að berjast og koma með nokkra one-linera ("Don't disturb my friend, he's dead tired." við flugfreyju eftir að hafa drepið mann í flugvél).
Þessi mind er æði betri en Die Hard myndirnar og Rambo III. Ef þér finnst hasarmyndir góðar (sérstaklega þær sem maður fær rosalegan kjánahroll) horfið þá á þessa.
Commando er örugglega ein leiðinlegasta Schwarzenegger mynd, eða bíómynd öllu heldur, sem ég hef séð á minni littlu ævi. Hún er svo fáránlega augljós frá byrjun til enda. En eitt atriði er minnisstætt í myndinni. Það er þegar Arnold keyrir bílnum á ljósastaurinn og kemur svo að stelpunni og segir: Are you alright?, og svo í næsta skoti sést að bíllinn er í toppástandi. Þetta eru ein fyndnusta kvikmyndamistök sem hefur verið fest á filmu og get ég alltaf hlegið yfir þessu atriði. Og fyrir það hækkar hún í hálfa stjörnu í einkunn. Annars er hún algjört sorp sem er ekki þess virði að sjá.
Commando er ein af þeim myndum sem eru í þeim flokki sem Arnold Schwarzenegger leikur í sem er gaman að horfa á þótt þær séu ömurlegar. Í þeim flokki eru Conan The Barbarian, Conan The Destroyer, Commando, og Hercules In New York. Þótt að þessi mynd sé mjög illa gerð, ömurleg og rosalega óraunveru leg þá er hún samt skemmtileg. Það skemmtilega við þessar myndir er að þetta er svona alvöru Schwarzenegger fílingur að leika illa, hann Arnold er líka talinn vera einn af lélegustu leikurum allra tíma. Þá er ég ekki að meina að hann hafi leikið í lélegum myndum, það er bara að hann er enginn úrvals leikari, hann leikur bara eitthvað vöðvafjall sem gengur eins og vélmenni og talar skríngilega. Sylvester Stallone var valinn sem versti leikari tuttugustu aldarinnar, hann lék líka bara vöðvafjall í Rocky myndunum en mér finnst hann ekki jafn lélegur og hann Arnold. Það sem ég er að meina með óraunveruleg er það að Arnold er óraunverulega sterkur í myndinni, hann tekur upp símaklefa og rústar honum í myndinni, annað dæmi var það þegar John(Arnold) reif part úr stálröri og kastaði því gegnum einn mann og rörið fór í gegnum mannin og í annað rör sem var í veggnum þannig að það kom gufa úr rörinu. Og svo líka þegar hann John hoppaði úr flugvél þegar hún var að fara í loft hann hoppaði svona 20-30 metra niður í mýri og lifði það af. Myndin fjallar um mann sem heitir John Matrix sem er fyrrverandi hermaður og einn daginn er dóttur hans rænt og hann hefur aðeins nokkrar klukkustundir til þess að finna hana. Aðalhlutverk: Arnold Schwarzenegger(Terminator 2: Judgment Day), Ray Dawn Chong(The Color Purple), Dan Hedaya(Mulholland Drive) og Vernon Wells(Mad Max 2), ég gef þessari mynd hálfa stjörnu.
Hreint út sagt ömurleg mynd!! Leikurinn er fyrir neðan allar hellur, myndin er alltof ýkt og Arnold er týpískur fyrverandi hermaður sem snýr aftur, þap er hægt að hlægja svo mikið af ömurlegum leik Arnolds að það er ekki eðlilegt, hann er fínn sem Tortímandinn en allt annað á hann bara að láta eiga sig svo að hann geri sig ekki að fífli!