André 3000 er Jimi Hendrix

Alþjóðlega kvikmyndahátíðin í Toronto í Kanada, TIFF, hefst 5. september nk. og kynning á dagskránni er farin á fullt. Ein af þeim myndum sem sýndar verða á hátíðinni er ný ævisöguleg bíómynd um rokkgítarhetjuna Jimi Hendrix, All Is By My Side. Aðalhlutverkið, Hendrix sjálfan, leikur enginn annar en André Benjamin, en hann er þekktur sem André 3000 úr hljómsveitinni Outkast, en André hefur einnig getið sér gott orð sem leikari.

Í myndinni er sagt frá Jimmy James, óþekktum gítarleikara, sem fór frá New York borg til Lundúna í Englandi árið 1966. Ári síðar sneri hann aftur sem Jimi Hendrix.

Aðrir leikarar í myndinni eru Imogen Poots, Hayley Atwell, Ruth Negga og Adrian Leste.

Nú er komin ný mynd af André í hlutverki Hendrix og hann lítur mjög sannfærandi út eins og sjá má hér fyrir neðan.

andré 3000 hendrix