Sjónvarpsáhorfendur í Bismarck í Norður Dakota í Bandaríkjunum fengu óvæntan glaðning í gær þegar enginn annar er flottasti sjónvarpsþulur í sjónvarpssögunni, Ron Burgundy, úr kvikmyndinni Anchorman 2, las alvöru fréttir ásamt fréttaþul stöðvarinnar.
Atvikið átti sér stað á KXMB sjónvarpsstöðinni á laugardagskvöldið en Ferrell gerir nú víðreist til að kynna Anchorman 2: The Legend Continues, framhald myndarinnar Anchorman: The Legend of Ron Burgundy frá árinu 2004, en sú mynd fjallaði um viðbrögð fréttateymis við því þegar kvenkyns þulur er ráðinn til sjónvarpsstöðvarinnar, en viðbrögðin eru lituð fordómum í garð kvenna, svo vægt sé til orða tekið.
Anchorman 2: The Legend Continues verður frumsýnd í Bandaríkjunum þann 18. desember nk.
Sjáðu Ferrell lesa fréttirnar hér fyrir neðan:
Eins og sést í myndbandinu er Burgundy í einkennisklæðnaði sínum, rústrauðum jakkafötum. Burgundy gat ekki setið á sér að skjalla fréttaþulinn Amber Schatz og sagði m.a.: „Amber, þú lítur vel út í kvöld,“ og spurði svo hvort hún væri gift.
