Nýtt á Netflix Íslandi

James Bond fær það verkefni að finna út úr því afhverju konunglegur Polaris kafbátur með sextán kjarnaodda innanborðs, hverfur eins og dögg fyrir sólu á eftirlitssiglingu. Bond vinnur að málinu með Majór Anya Amasova og tekst á við hinn slóttuga Karl Stromberg, og aðstoðarmann hans Jaw, sem er með stáltennur. Bond verður nú að finna út úr því hvar kafbáturinn er staðsettur áður en kjarnorkuflaugarnar verða sendar af stað, og ný heimsstyrjöld brýst út.

Fyrir utan það að vera í sama bekk í Shermer miðskólanum í Shermer, Illinois, þá eiga þau Claire Standish, Andrew Clark, John Bender, Brian Johnson og Allison Reynolds fátt sameiginlegt, en einnig eru þarna þau Claire og Andrew, sem eiga engin samskipti við aðra nemendur. Claire er prinsessan og Andrew er íþróttagaurinn, John er glæpamaðurinn, Brian er heilinn, og Allison er skrýtna stelpan. En það eina sem sameinar þau núna er að þau þurfa að sitja eftir í níu klukkustundir í bókasafni skólans laugardaginn 24. mars, 1984, undir stjórn Hr. Vernon, sem stjórnar þeim frá skrifstofunni hinum megin við ganginn. Hvert þeirra á að skrifa ritgerð sem á að vera að lágmarki eitt þúsund orð um hver þau halda að þau séu. Í fyrstu, ef þau skrifa þá nokkuð, mætti ætla að þau skrifuðu um það hvernig heimurinn sæi þau, og hvað þau hafa verið heilaþvegin í að trúa um sjálf sig. En byggt á þeim ævintýrum sem þau lenda í þessa níu tíma, þá munu þau sjá sjálf sig í algjörlega nýju ljósi.

Hópur bandarískra sérfræðinga á vegum ríkisins er sendur á vettvang til að rannsaka sprenguárás á bandaríska stofnun í Mið-Austurlöndum. Hópurinn lendir í margvíslegum erfiðleikum þegar hann kemur á staðinn, en fær aðstoð hjá liðþjálfanum Faris Al Ghazi, sem leiðbeinir þeim um hvernig á að bera sig að í ógnandi umhverfi.

Tónleikamynd sem fléttar saman tónleikum bresku hljómsveitarinnar Depeche Mode í Mexíkóborg árið 2023 og köflum sem fjalla um tónlist, forgengileika og mexíkóskar dauðahefðir.

Max er fyrrum fangi, sem hefur verið að safna peningum til að opna bílaþvottastöð í Pittsburgh. Lionel er heimilislaus sjómaður sem er að snúa heim til mið-vesturríkjanna til að sjá barn sitt sem fæddist á meðan hann var úti á sjó. Þeir eru ólíkir félagar saman á ferðalagi austur á bóginn: hinn hávaðasami Max lærir ýmislegt á því að umgangast Lionel: Lionel trúir því að fuglahræður hræði ekki fugla, heldur skemmti þeim - fuglum finnist fuglahræður fyndnar.

Billie Frank er ung og feimin stúlka af blönduðum kynþætti, sem er send að heiman af móður sinni sem er alkóhólisti, þegar hún er ung. Á munaðarleysingjahælinu þá kynnist hún Louise og Roxanne. Nú er stokkið fram til ársins 1983. Billie og vinir hennar ná athygli hljómplötuframleiðanda, Timothy Walker, sem vill fá þær til að syngja bakraddir á plötu. En þegar plötusnúðurinn Julian Dice heyrir ótrúlega söngrödd Billie, þá semur hann við Walker. Ekki líður á löngu þar til Billie og Dice eru byrjuð að semja flott lög, og renna hýru auga hvort til annars. En fljótlega fer pressan að aukast vegna nýfenginnar frægðar.

Girðingin í kringum verndarsvæði villidýra hefur rofnað og Bear er fenginn til að hjálpa til við að bjarga bavíana, elta hungrað ljón og gera við girðinguna áður en fleiri dýr sleppa út.

Fjórum mánuðum fyrir Jól, þá lenda þau Sarah og Matthieu Scarangelo í bílslysi, þar sem einungis Sarah og ófætt barn hennar lifa af. Á aðfangadag þá er Sarah ein heima, þar sem hún syrgir eiginmann sinn og býr sig undir að fara á spítalann daginn eftir til að fæða barnið. Seint um kvöld, þá knýr kona dyra hjá Sarah, og biður um að fá að hringja. Þegar hún neitar, þá segist konan þekkja Sarah og reynir að troða sér inn. Sarah hringir á lögregluna; hún kemur og rannsakar húsið og segir að konan sé farin, en lofar að fylgjast með Sarah um nóttina. Konan snýr aftur og reynir að taka ófætt barn Sarah, en Sarah lokar sig inni á baðherbergi. Konan skrítna hrellir Sarah alla nóttina og drepur alla sem reyna að hjálpa henni.

Eftir fráfall ástkærrar móður sinnar leggur maður allt í sölurnar til að heiðra hana með því að opna ítalskan veitingastað þar sem raunverulegar ömmur sjá um alla matseld.

Mafíuforingi og fjölskylda hans eru flutt til rólegs bæjar í Frakklandi í vitnavernd, eftir að hafa gefið yfirvöldum upplýsingar um mafíuna. Þrátt fyrir að leyniþjónustumaðurinn Stansfield geri sitt besta til að láta þau halda sig á mottunni, þá er erfitt fyrir þau Fred Manzoni, eiginkonu hans Maggie og börn þeirra þau Belle og Warren, að snúa aftur til fyrri hátta og koma upp um sig með því að leysa málin með sínum eigin aðferðum, sem verður til þess að fyrrum félagar þeirra í mafíunni komast á snoðir um felustað þeirra. Ringulreið upphefst og nú þarf að jafna metin.

David reynir hvað hann getur að búa fjölskyldu sinni gott líf, og kaupir af rælni bát á uppboði, og trúir að hann verði lykillinn að hamingju og velsæld fjölskyldunnar. En fljótlega eftir að þau leggja úr höfn í jómfrúarsiglinguna, fara skrítnir og skelfilegir hlutir að gerast, og þau fara að efast um eigin geðheilsu. Eftir því sem spennan magnast, þá rekur skipið af leið, og smátt og smátt átta þau sig á því að eitthvað verulega illt bíður þeirra handan sjóndeildarhringsins.

Þegar farsæl hljómplötuútgáfa David Smallbone verður gjaldþrota flytur hann með fjölskylduna frá Ástralíu til Bandaríkjanna í leit að betri framtíð. Með ekkert annað í farteskinu en sex börn sín, ferðatöskur og ást sína á tónlist byrja þau David og ófrísk eiginkona hans Helen að byggja lífið aftur upp frá byrjun.

Traustið brestur þegar lögregluteymi í Miami í Flórída í Bandaríkjunum finnur milljónir í reiðufé í niðurníddri dópmiðstöð, sem veldur því að allir – og allt – er dregið í efa.

Dauði Shivaji hrindir af stað Maratha-Mughal átökunum. Sonur hans Sambhaji leiðir andspyrnuna gegn herjum Aurangzeb. Milli bardaga og átaka mæta báðar fylkingar áskorunum í valdataflinu.

Eftir að hafa barist fyrir því að ástin nái að lifa af aðskilnað, alheimsfaraldur og útgöngubann sem hélt þeim fjarri hvoru öðru, þá hittast Joy og Ethan á ný í Kanada, en komast að því að þau hafa bæði breyst mikið.

Simon er uppburðarlítill maður, og það fer lítið fyrir honum. Enginn tekur sérstaklega eftir honum í vinnunni, móðir hans fyrirlítur hann, og konan sem hann elskar virðir hann ekki viðlits. Hann sér enga von um að geta breytt þessu til betri vegar. Þá kemur til sögunnar nýr samstarfsfélagi, James, sem veldur róti á líf Simons. James er bæði nákvæmlega eins í úliti og Simon, en á sama tíma er hann algjör andstæða hans, sjálfsöruggur, hefur persónutöfra og á gott með að laða að sér konur. Simon til mikils hryllings, þá byrjar James smátt og smátt að yfirtaka líf hans.

Í suðurhluta Flórída í Bandaríkjunum, er ráðgjafi í menntaskóla sakaður um nauðgun af stjórnsamri ríkri stúlku, og hjóhýsahyskis-vinkonu hennar. Lögrelgan sem rannsakar málið byrjar að gruna þær um samsæri og fer að kanna flókinn og kræklóttan vef grægði og svika, til að komast að sannleikanum.

Íbúar Parísar höfuðborgar Frakklands svelta, en konungurinn er áhugasamari um peninga og konur, en þegnana. Þegar ungur hermaður deyr fyrir litlar sakir, fara skytturnar þrjár, Aramis, Athos og Porthos að skjóta saman nefjum og kokka upp áætlun til að skipta kónginum út fyrir annan. Fáir vissu að til var annar konungur, tvíburabróðir konungsins, sem var tekinn í burtu við fæðingu og falinn uppi í sveit, og svo fangelsaður og falinn bakvið járngrímu í 6 ár. Nú er allt komið undir D´Artagnan, mun hann standa gegn vinum sínum, eða gera það sem er landi hans fyrir bestu?

Þegar ung grænmetisæta, Justine, gengst undir blóðuga busavígslu í dýralæknaskóla, þá fer löngun eftir kjöti að vaxa innra með henni.