Will Smith of dýr

willsmithLeikstjóri Independence Day, Roland Emmerich, hefur staðfest að leikarinn Will Smith muni ekki snúa aftur í hlutverk sitt í framhaldsmyndinni Independence Day 2. Smith lék flugmanninn Steven Hiller í fyrstu myndinni og skaust hátt á stjörnuhimininn í kjölfarið.

„Will Smith mun ekki endurtaka hlutverk sitt vegna þess að hann er einfaldlega of dýr.“ segir Emmerich og í framhaldi af því ræddi Emmerich um leikaraval í myndinni. „Það munu nokkrir snúa aftur í hlutverkin sín og svo verða einnig ný nöfn.“

Bill Pullman og Jeff Goldblum hafa báðir staðfest að þeir munu snúa aftur í framhaldsmyndinni þó að kvikmyndaverið hafi ekki staðfest það.

Framhaldsmyndin mun fjalla um hefnd geimveranna. Emmerich lofar því að framhaldsmyndin muni skilja menn eftir í lausu lofti, svo alla muni hungra í meira framhald.

Independence Day 2 verður frumsýnd 13. júlí, 2015.