Leikarinn vinalegi úr Friends þáttunum, David Schwimmer, á nú von á sínu fyrsta barni. Eiginkona hans Zoe Buckman er ófrísk og eru hjónin í skýjunum.
Fjölskylda Davids hefur vitað um þungunina í nokkrar vikur, en hjónakornin voru ákveðin í að halda fréttunum leyndum þangað til nú.
Heimildarmaður Bang Showbiz fréttaveitunnar segir: „Það eru allir svo ánægðir fyrir þeirra hönd. Þau eru frábær saman og hafa verið að hugleiða barneignir síðan þau giftu sig sl. sumar. Þau verða frábærir foreldrar og þetta er rétti tíminn fyrir þau að stofna fjölskyldu. Þetta er punkturinn yfir i-ið á frábæru ári fyrir þau bæði.“
David og Zoe, sem er bresk og starfar sem ljósmyndari, hittust árið 2007 þegar David, sem er 44 ára, var að leikstýra gamanmyndinni Run, Fatboy, Run með Simon Pegg í aðalhlutverkinu, og Zoe var að vinna sem þjónn á Cuckoo Club.
Þau tilkynntu um trúlofun sína í mars á þessu ári og giftu í byrjun júní.