Aðdáandi sjarmatröllsins og kvikmyndaleikarans George Clooney tók sig til og fór úr öllum fötunum nema nærbuxunum fyrir framan leikarann, í Feneyjum um helgina. Standandi á nærbuxunum fyrir framan leikarannn spurði vinurinn George, hvort hann gæti kysst hann, bara einu sinni.
„Ég er hommi, George,“ sagði aðdáandinn, en atburðuinn átti sér stað á fréttamannafundi í Feneyjum þar sem Clooney er að kynna nýjustu mynd sína The Men Who Stare At Goats, eða Menn sem glápa á geitur.
„Veldu mig George, gerðu það. Má ég kyssa þig, bara einu sinni,“ endurtók maðurinn.
Clooney brosti bara, en leyfði ekkert kossaflens.