Tökur á Bad Santa 2 hefjast í janúar næstkomandi, samkvæmt tilkynningu frá Miramax og Broad Green Pictures. Myndin verður frumsýnd um jólin 2016. 
Billy Bob Thornton verður sem fyrr í aðalhlutverkinu.
„Við höfum beðið í langan tíma eftir því að sjá Willie Soke, persónu Thornton, skemma jólin á sinn einstaka hátt,“ sagði, talsmaður Miramax.
Bad Santa kom út árið 2003. Þar lék Thornton áfengissjúkan svindlara sem kemur fram sem jólasveinn í verslunarmiðstöðum í þeim tilgangi að ræna verslanir. Þessi svarta kómedía hefur allar götur síðan verið uppáhaldi hjá mörgum og hefur framhaldsmynd verið í undirbúningi frá árinu 2009.
Bernie Mac og John Ritter léku á móti Thornton í Bad Santa en þeir eru báðir látnir.
