Bad Santa (2003)

Þessi mynd er öðruvísi jólamynd en þær sem við erum vön að sjá um hver jól, þetta er svona jólamynd fyrir okkur fullorðna fólkið. Ég var mjög sáttur með þessa mynd þó svo að það húmorinn hafi ekki alltaf virkað en það er samt nóg af fyndnum bröndurum í þessari mynd og er Billy Bob Thornton sniðinn í þetta hlutverk. Ég sá þessa mynd reyndar fyrir ári en ég ætla mér að sjá hana aftur. Þetta er skemmtileg mynd með svörtum húmor og flottum söguþræði sem er meira og minna rugl en samt mjög hlægilegur. Ég er mjög sammála gagnrýnanda hér á undan mér og get því ekki mikið meira sagt annað en það að endilega farið á þessa mynd ef þið viljið komast í jólaskap með örðuvísi hætt.

Ef þú ert búinn að fá nóg af hlýjum, hjartnæmum og kátulegum jólamyndum, þá er Bad Santa mynd fyrir þig. Þetta er bleksvört en um leið stórskemmtileg gamanmynd sem er dásamleg nýjung fyrir jólamyndageirann. Í stuttu máli er þetta eins og The Grinch, nema bara fyrir fullorðna. Billy Bob Thornton er hreint út sagt frábær í hlutverki svindlarans í jólasveinabúningi sem drekkur, blótar, rífur kjaft og hvað annað. Karakter hans er svo kaldhjartaður og örugglega fimm sinnum meiri fílupúki heldur en Trölli og jafnvel Scrooge samanlagðir. Það er þó akkúrat útaf þessum karakter sem ég mæli með myndinni. Og þar sem að þetta er ætluð að vera svört gamanmynd, þá er ljóst að henni var ætluð að vera svona ósmekkleg og andstyggileg. Sumir eru eflaust viðkvæmir við að sjá ölvaðan jólasvein blóta gagnvart smákrökkum - en gleymið ekki - þetta er allt gert í gríni. Sumt er vissulega út úr kú og virkar ekki húmorinn alltaf, en í mörgum tilfellum er myndin alveg óborganlega fyndin. Mér fannst samt eins og persónudýpt hefði mátt vera meiri (já, ótrúlegt en satt þá hefði ég viljað getað eytt meiri tíma með fíflinu), og þá sérstaklega fyrst að leikstjórinn sé sá sami og sá um hina persónudrifnu Ghost World (sem var mjög góð mynd by the way). En eins og ég tók fram, ef þú vilt ekki sjá fleiri væmnar eða fullhlýjar jólamyndir lengur, þá er víst skylda fyrir þig að tékka á þessari.7/10