Tveir fangar, einn með persónutöfra en annar með sjúklega hræðslu við sjúkdóma, brjótast úr fangelsi og byrja strax að ræna banka. Þeir ræna bankastjórum, og eyða nóttinni með fjölskyldum þeirra, og fara svo með bankastjórunum um morguninn til að ræna bankana. Þeir nota frekar tregan félaga sinn sem ökumann og til að standa vörð, og þeir ná að framkvæma nokkur rán, og verða þekktir sem The Sleepover Bandits, eða Gisti-ræningjarnir. Allt gengur vel þar til bankastjórarnir átta sig á að ræningjarnir eru ekki ofbeldisfullir og því er engin ógn af þeim.
Virkilega góð mynd. Bruce Willis, Billy Bob Thornton og Cate Blanchett eru virkilega góð og mynda mjög gott teymi. Myndin er vel skrifuð, húmor fínn, leikstjórn ágæt og svo er endirinn mjö…
Virkilega góð mynd. Bruce Willis, Billy Bob Thornton og Cate Blanchett eru virkilega góð og mynda mjög gott teymi. Myndin er vel skrifuð, húmor fínn, leikstjórn ágæt og svo er endirinn mjög góður og skemmtilegur. Fínasta mynd sem ég mæli með að þið sjáið.
Barry Levinson hefur gert margar kvikmyndir. Margar þeirra hafa verið frábærar, Good Morning, Vietnam (1987), Rain Man (1988), Wag the Dog (1997) og margar hafa verið mjög lélegar, Toys (1992),…
Barry Levinson hefur gert margar kvikmyndir. Margar þeirra hafa verið frábærar, Good Morning, Vietnam (1987), Rain Man (1988), Wag the Dog (1997) og margar hafa verið mjög lélegar, Toys (1992), Jimmy Hollywood (1994). Það er aldrei hægt að vita hvað maður á von á. Nýjasta myndin hans, Bandits, fellur í hvorugan flokkinn sem ég nefndi hér fyrir ofan, hún er hvorki alslæm né mjög góð. Levinson er hér vopnaður þekktum nöfnum í aðalhlutverkunum, Bruce Willis, Billy Bob Thornton og Cate Blanchett, það er í raun þau sem halda myndinni hans uppi. Söguþráðurinn er frekar þunnur og reynir oft á greind áhorfandans.
Bandits segir sögu tveggja bófa sem hafa báðir lélegar hárkollur, Joe (Bruce Willis) og Terry (Billy Bob Thornton), þeir eru víst farsælustu bankaræningjar í sögu Bandaríkjanna! Joe og Terry kynntust í fangelsi þegar Terry hélt sig vera að fá botnlangakast, eða svo segir Joe. Einn daginn er verið að vinna eitthvað í fangelsinu og stór sement bíll er fyrir utan. Joe notar auðvitað tækifærið og sest undir stýrið á meðan að Terry heldur athygli allra með að tala um hljóðin í hausnum á sér. Þeir ná svo að keyra burt í rólegheitunum. En þeim vantar peninga og það er bara ein leið til þess, ræna banka. Joe á þann draum að opna skemmtistað í Mexíkó og til þess þarf mikinn pening svo þeir fara að skipuleggja banka rán. Terry fær þá hugmynd að fara til bankastjóranna á kvöldin, gista hjá þeim og fara svo með þá(og fjölskyldu þeirra) snemma næsta morgun til að tæma alla peninga úr bankanum. Allt gengur vel þar til að Kate (Cate Blanchett) keyrir óvart á Terry. Kate er leið húsmóðir og finnst það hin fínasta hugmynd að vera gísl hjá “the sleepover banditst” einsog Joe og Terry hafa verið kallaðir í fréttunum. Hún fer að hjálpa þeim í ránunum og endar svo í að eiga í sambandi við fyrst Joe og svo Terry.
Einsog ég sagði áðan halda leikararnir myndinni uppi. Bruce Willis er pottþéttur einsog alltaf. Cate Blachett er mjög góð en Billy Bob er aðalparturinn. Persónan hans er alveg mögnuð. Terry er taugasjúklingur með mjólkurónæmi, suð í eyranu og hefur óstjórnalega fælni við fornhúsgögn(þetta seinasta á reyndar við Billy Bob líka, hann fær taugaáfall þegar hann fer inní hús sem inniheldur fornhúsgögn). Hann á líka heiðurinn af þeim fáu atriðum sem virka vel í myndinni. Ég hló mjög í einu atriðinu, þá var hann og Joe heima hjá fyrsta bankastjóranum. Þeir, bankastjórinn og fjölskylda hans sitja saman yfir kvöldverð, allir að bíða með spennu eftir að kvöldið líði og morguninn kemur. Kona bankastjórans getur ekki haldið tilfinningunum aftur og grætur og grætur á meðan er Terry að reyna að finna út hvað hún setti eiginlega í sósuna, sem er mjög góð(tómatur, börkur af sítrónu og fleira). Þegar hann fattar það loksins gefur hann henni það ráð að setja pínu sykur útí, svona til að taka aðeins súra bragðið.
Þetta er svo sem fín hugmynd að sögu en Levinson getur ekki alveg ákveðið hvernig kvikmynd sagan á að verða. Hann reynir að koma gríni, dramatík, satíra og svo spennu. Hann reynir líka um og of að gera myndina ‘öðruvísi’. Það eru ótal endurhvörf fram og aftur í tímann. Við eigum að hafa vitað endirinn í byrjuninni en svo er reynt að flippa aðeins til og breyta öllu sem við höfum heyrt og séð. Endirinn reynist vera mjög útreiknanlegur þó að Barry hafi hent öllu á skjáinn sem hefði getað sagt okkur annað. Áhorfandinn er kannski aðeins skemmt en gleymir því fljótt því Bandits skilur lítið sem ekkert eftir sér.
Þetta er alveg stórkemmtileg mynd,sérstaklega kemur Billy Bob skemmtilega á óvart í henni,ég vissi ekki að hann gæti verið svona skemmtilegur leikari,allavega veit ég það núna.
En plo…
Þetta er alveg stórkemmtileg mynd,sérstaklega kemur Billy Bob skemmtilega á óvart í henni,ég vissi ekki að hann gæti verið svona skemmtilegur leikari,allavega veit ég það núna.
En plottið í myndinni er mjög gott.
Þessi mynd á alveg skilið að fá 3 stjörnur,ef ekki 3 og 1/2.
Hún missir þessa 1/2 vegna Bruce Willis,hann er ekki eins magnaður og hann hefur verið í fyrri myndum,en endilega kíkið á þessa mynd,ef ég mæli með henni,þá skuluð þið taka hana.
En þessi mynd er með magnaðann söguþráð sem gengur líka upp í endinn á myndinni,það er það sem gerir myndina skemmtilega.
Ég varð fyrir miklum vonbrigðum þegar eg tók Bandits út tækinu.
Hún var frekar sérstök og landregin. byrjunin var góð en þegar lengra var liðið á myndina hundleiddist mér. Bruce wi…
Ég varð fyrir miklum vonbrigðum þegar eg tók Bandits út tækinu.
Hún var frekar sérstök og landregin. byrjunin var góð en þegar lengra var liðið á myndina hundleiddist mér. Bruce willis (die hard myndir,sixth sense,armageddon og fleiri) og billy bob thornton ná vel saman þar sem bruce willis er svali, stóri,sterki gaurinn og billy bob sem er litli nördalegi gaurinn. Ágætis afþreying en ég var sammt sem áður fyrir miklum vonbrigðum
Ég gerði mér ekki miklar vonir með þessa mynd og fór því með það hugarfar á myndina að reyna að hafa eitthvað gaman af henni.
Eins og svo oft áður í myndum með Bruce Willis, þ…
Ég gerði mér ekki miklar vonir með þessa mynd og fór því með það hugarfar á myndina að reyna að hafa eitthvað gaman af henni.
Eins og svo oft áður í myndum með Bruce Willis, þá er annar leikari en hann sem heldur myndinni uppi og gerir myndina skemmtilega eða áhugaverða(sbr. Whole Nine Yards, Armageddon, 12 Monkeys). Bruce Willis selur manni miðann en annar sér um að skemmta manni. Hér er það Billy Bob Thornton sem fer á kostum, snilldarleikur hans hér varð til þess að hann var tilnefndur sem besti leikarinn í gamanmynd/söngvamynd á Golden Globe verðlaunahátíðinni í janúar 2002. Persónusköpun og túlkun hans er alveg frábær. Hann leikur Terry Lee sem þvælist með í stroki Joe Blake (Bruce Willis) úr fangelsi. Terry er haldinn öllum þeim fóbíum sem til eru, og telur sig haldinn ótrúlegustu sjúkdómum. Saman fara þeir að ræna banka og verða með tímanum vinsælir bankaræningar. Kate Wheeler (Cate Blanchett) slæst fljótlega í hópinn, en hún er á flótta undan leiðinlegu hjónabandi. Ágætis flétta verður úr þessu öllu saman og í endann þegar upp er staðið er hér um þrælskemmtilega afþreyingu að ræða, og þá er það ekki síst Billy Bob Thornton að þakka!
Bandits er eins konar hrærigrautur af glæpamynd, drama og grínmynd. Myndin segir frá tveimur náungum sem sleppa úr fangelsi og taka upp á því að ræna banka á frumlegan hátt til þess að …
Bandits er eins konar hrærigrautur af glæpamynd, drama og grínmynd. Myndin segir frá tveimur náungum sem sleppa úr fangelsi og taka upp á því að ræna banka á frumlegan hátt til þess að safna fé svo þeir geti lagst í helgan stein. Inn í þetta flækist síðan lífsleið húsmóðir og fyrr en varir hefur skapast flókinn ástarþríhyrningur. Það má með sanni segja að þetta sé undarleg kvikmynd, hún inniheldur vissulega nokkur góð atriði en yfir heildina fannst mér hún alltof löng og óáhugaverð. Ekki tekst að skapa samkennd með persónunum að neinu verulegu leyti og framsetning atburðarásarinnar er líka klaufaleg og þreytandi. Bruce Willis, Billy Bob Thornton og Cate Blanchett standa sig ágætlega í hlutverkum sínum, það vantar svosem ekki, en handritið er sárþjáð af margvíslegum vandamálum sem gjörsamlega sökkva myndinni. Ágæt skemmtun fyrir hlé en sekkur síðan út í þreytandi vitleysu.
Ég verð nú bara að segja að þessi mynd kom skemmtilega á óvart. Áður en ég fór á á myndina skellti ég mér hingað inn til að kynna mér myndina aðeins og les þessa líka mjög skýr…
Ég verð nú bara að segja að þessi mynd kom skemmtilega á óvart. Áður en ég fór á á myndina skellti ég mér hingað inn til að kynna mér myndina aðeins og les þessa líka mjög skýru lýsingu á tegund myndar. Ég vissi ekkert hvað ég var að fara að sjá en satt best að segja þá á þetta allt vel við. Myndin er samt mest megnis gamanmynd og bara frábær mynd í heildina. Sýningin byrjaði glæsilega, lasersjóvið og reykurinn. Þetta er í fyrsta skipti sem ég fer í Smárabíó og var búinn að heyra af þessu lasersjóvi en vissi ekki við hverju var að búast. Menn vissu ekki alveg hvernig átti að taka þessu, undrun og hláturskrampar sáust um allan salinn og heyrði maður suma tala um að skella sér í næsta sal til að ná öðru lasersjóvi. Aðalpersónurnar í myndinni Joe og Terry eru bara snilldar karakterar. Billy Bob Thornton tekst snilldarlega að túlka að Terry og er hann bara svo fyndinn að ég fer bara að hlæja við að hugsa um Terry. Joe er mjög líkur karakternum sem Bruce Willis lék í The whole nine yards. Svolítil steiktur í hausnum, algjör beygla. Cate er líka svolítið spes. Undir lokin var hún farin að pirra mig svolítið, ekkert fyndin í lokin og fer bara út í einhverja drama ástarvælu. Söguþráðurinn er mjög góður en hann dettur stundum niður í eitthvað væmniskjaftæði sérstaklega undir lokin og ég vill ekki sjá það í grínmynd. Ég er að vissu leyti óánægður með hvernig sagan er sögð, mér finnst að hluti af endinum eigi ekki að vera í upphafi myndarinnar alla vegan fannst mér það ekki passa í þessari mynd. Í heildina séð var myndin frábær skemmtun, mæli með henni.
Bandits er stórskemmtileg mynd sem blandar skemmtilega saman spennu, drama, rómantík og ágætis húmor. Bruce Willis og Billy Bob Thornton leika bankaræningja sem taka skyndiákvörðun og strjú…
Bandits er stórskemmtileg mynd sem blandar skemmtilega saman spennu, drama, rómantík og ágætis húmor. Bruce Willis og Billy Bob Thornton leika bankaræningja sem taka skyndiákvörðun og strjúka úr fangelsi, og til að útvega pening fara þeir frá einum banka til þess næsta og ræna þeim. Þeir nota mjög óhefðbundna aðferð og verða einhverja hluta vegna brátt frægir um allt land fyrir glæpaaðferðina sem þeir nota, og inn í málið blandast kona (Cate Blanchett) sem er mög örvæntingafull og frekar óvenjuleg í skapi og vill vera með þeim á þessari för þeirra, en lögreglan telur hana vera gísl og það gerir ástand glæpamannana erfiðara. Bruce og Billy eru báðir mjög skemmtilegir í þessari mynd og eru báðir með skemmtilegan húmor sem sjaldan hefur sést hjá þeim tveimur. Thornton hefur átt mörg mismunandi hlutverk í gegnum sína tíð, og alltaf nær hann að túlka hvert og einasta vel. Hann sýndi mikla og um leið sannfærandi töffarastæla í The Man Who Wasn´t There og hér er hlutverkið öðruvísi þar sem hann leikur taugaveiklaðan og áhyggjufullan mann, en alveg sama hvernig persónu hann leikur nær hann alltaf að vera nógu sannfærandi. Bruce Willis hefur ekki nýlega verið í neinni gamanmynd en sú seinasta sem mig minnir hlýtur að vera The Whole Nine Yards, en í þeirri mynd var frammistaða hans of slöpp til að geta verið fyndin. Cate er líka komin í frí frá sínum venjulegu dramatísku hlutverkum og á líka ýmsa góða brandara, og eins og margir eflaust vita lék hún á móti Thornton í Pushing Tin. Sagan er mjög vel sögð en mér fannst ekki klisjan ganga eins vel upp, þar sem tveir menn berjast um sömu konuna. Lengd myndarinnar fór líka í taugarnar á mér og mér finnst eins og að myndin hefði getað gengið betur upp ef hún væri í einn og hálfann klukkutíma í stað tæplega tvo. Gallinn við þessa lengd er sá að troðið eru inn margar tilgangslausar senur sem gera ekkert annað en að gera atburðarásina veikari. Endirinn var samt mjög skemmtilegur og var aðeins óvæntari en mátti búast við. Bandits er hin fínasta skemmtun sem ætti að koma sem flestum á óvart.
Þetta var nokkuð nett mynd, hún var með magnað plott og persónurnar voru bara þó nokkuð sniðugar. Billy Bob Thornton (Terry) og Bruce Willis (Joe) leika tvo fanga sem strjúka úr fangelsi…
Þetta var nokkuð nett mynd, hún var með magnað plott og persónurnar voru bara þó nokkuð sniðugar. Billy Bob Thornton (Terry) og Bruce Willis (Joe) leika tvo fanga sem strjúka úr fangelsi á undarlegan hátt og ræna banka til að ná sér í pening til að komast í burtu, svo fá þeir þessa snilldarlegu hugmynd um hvernig sé best að ræna banka og framkvæma hana. Síðan eignast þeir sameiginlegan draum sem þeir eru staðráðnir í að uppfylla. Inn í þessa sögu koma svo Cate Blanchett (Kate) sem leikur örvæntingafulla konu sem er orðin leið á lífinu og Troy Garity (Harvey) sem er frændi Joe´s. Þetta er vel gerð mynd, fyndin og fannst mér Terry vera sérstaklega skemmtilegur karakter. Eitt gat ég fundið að myndinni og það var að hún var dregin eilítið á langinn. Þrátt fyrir það þá verður maður sáttur því hún endar skemmtilega. Þannig get ég sagt að þessi mynd sé bara næstum því 800 króna virði (plús það að sætin í smárabíói eru alveg mögnuð).
Þessi kemur á óvart. Billy Bob Thornton og Bruce Willis leika 2 fanga sem að strjúka óvænt úr fangelsi. Þeir redda peningum fljótlega og taka upp þá yðju að ræna banka. Cate Blanchett l…
Þessi kemur á óvart. Billy Bob Thornton og Bruce Willis leika 2 fanga sem að strjúka óvænt úr fangelsi. Þeir redda peningum fljótlega og taka upp þá yðju að ræna banka. Cate Blanchett leikur eiginkonu manns sem hættur er að taka eftir henni. Hún endar með bófunum á ótrúlegan hátt og inní þetta blandast ástarþríhyrningur milli þeirra. Myndin fór að þynnast í restina og á tímabili stóð ég mig að því að bíða eftir því að hún væri búin. Þá snýr myndin uppá sig og skilur mann eftir með kjálkan á gólfinu. Mæli því eindregið með þessari. Billy Bob er frábær í hlutverki fóbíu bófans, hann er með ofnæmi fyrir öllu og með allar fóbíur sem að nöfn eru til yfir. Cate Blanchett er flott og sannfærandi sem örvæntingafulla konan. Sjáið þessa í bíó.
Þessi mynd kom mér þægilega á óvart en hún fjallar um tvo fanga sem strjúka á ótrúlegan hátt úr fangelsi og hvernig þeir vinna úr því að vera peningalausir fangar á flótta. Leikara…
Þessi mynd kom mér þægilega á óvart en hún fjallar um tvo fanga sem strjúka á ótrúlegan hátt úr fangelsi og hvernig þeir vinna úr því að vera peningalausir fangar á flótta. Leikararnir eru ekki af slakari endanum en þar má nefna Bruce Willis (Die Hard..., The whole nine yards, Unbreakable og svo The sixth sense) Billi Bob Thornton ( South Of Heaven, West Of Hell, Pushing Tin og einnig Sling blade sem reyndar ætti að vera skilduáhorf fyrir alla sem kunna að meta góðar kvikmyndir) og svo Cate Blanchett(The Gift og verður einnig í The Lord of the Rings: The Fellowship of the Ring). Sem sagt fínasta ræma!
Bönnuð innan 12 ára
Ofbeldi
