Frumsýning The Hunger Games Catching Fire er nú handan við hornið, og bíða margir spenntir eftir að sjá myndina, sem er framhald myndarinnar The Hunger Games frá því á síðasta ári.
Færri vita um myndina The Starving Games, eða Sultarleikarnir, sem einnig er væntanleg í bíó í Bandaríkjunum um næstu helgi, eða þann 8. nóvember nk., en þarna er um að ræða grínútgáfu af The Hunger Games myndunum.
Eins og sést í stiklunni hér fyrir neðan þá er snúið út úr efni myndanna á alla kanta, ásamt því sem gert er grín að öðrum stórmyndum, eins og The Avengers, Oz the Great and Powerful og fleiri myndum.
Kíktu á stikluna hér fyrir neðan:
Í þessari grínútgáfu af The Hunger Games myndunum, þá þarf Kantmiss Evershot að berjast fyrir lífi sínu í 75. árlegu Sultarleikunum, Starving Games, þar sem hún getur einnig unnið gamla skinku, inneignarmiða fyrir stóra langloku og hálfétna súra gúrku.
