Oz: The Great and Powerful
Bönnuð innan 12 áraMyndin getur valdið ótta hjá eða er ógnvekjandi fyrir ung börn
SpennumyndÆvintýramyndFjölskyldumynd

Oz: The Great and Powerful 2013

Frumsýnd: 8. mars 2013

The land you know. The story you don't.

6.3 193988 atkv.Rotten tomatoes einkunn 59% Critics 6/10
130 MÍN

Myndin er fjallar um uppruna Galdrakarlsins í Oz og er forsaga hinnar sígildu sögu um Galdrakarlinn í Oz. Þegar Oscar Diggs, sem er lítt þekktur sirkus töframaður með annarlegt siðgæði, er sviptur á brott frá Kansas og til landsins Oz, þá heldur hann að hann hafi dottið í lukkupottinn, eða þar til hann hittir þrjár nornir, Theodora, Evanora og Glinda, sem... Lesa meira

Myndin er fjallar um uppruna Galdrakarlsins í Oz og er forsaga hinnar sígildu sögu um Galdrakarlinn í Oz. Þegar Oscar Diggs, sem er lítt þekktur sirkus töframaður með annarlegt siðgæði, er sviptur á brott frá Kansas og til landsins Oz, þá heldur hann að hann hafi dottið í lukkupottinn, eða þar til hann hittir þrjár nornir, Theodora, Evanora og Glinda, sem eru ekki vissar um að hann sé sá mikli töframaður sem allir hafa verið að bíða eftir. Oscar dregst nú óviljandi inn í gríðarleg vandamál sem steðja að Oz og íbúum þess, og Oscar þarf að finna út úr því hver er góður og hver er illur, áður en það verður um seinan. Hann þróast út í að verða hinn mikli Töframaður í Oz, en breytist einnig um leið í betri manneskju. ... minna

Aðalleikarar

Mila Kunis

Theodora

Rachel Weisz

Evanora

Michelle Williams

Annie / Glinda

Zach Braff

Frank / Finley

Bill Cobbs

Master Tinker

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (1)

The Magical world of Oz!!!
Hver man ekki eftir 1939 klassíkinni The Wizard of Oz, og ævintýrum Dorothy og hennar eftirminnilegu karakterum Fuglahræðunni, Stálmanninum og Ljóninu í leit þeirra að heila, hjarta og hugrekki? Og ferð þeirra til að losa Emerald City við Vondu Nornina í Vestrinu? Upprunalega myndin hefur veitt gleði meðal miljóna manna víða yfir allan heim, og er enn þann dag í dag ein af eftirminnilegustu ævintýra/söngmyndum sem hafa verið gerðar með sínu magnaða sjónarspili, ímyndarríkum heimi og ógleymanlegum og skemmtilegum lögum.

Og nú, 74 árum seinna, er kominn forsagan að þessari mögnuðu ævintýramynd, Oz: The Great & Powerful.

Nú er það Sam Raimi, sem er hvað þekktastur fyrir Evil Dead og Spider-Man, sem heldur um taumana á þessum magnaða heimi. Og verð ég að segja að valið á honum fyrir þessa mynd er nánast perfect, þar sem hann er svo mikill visual director og alveg tilvalinn til að leikstýra þessari mynd.

Nær hann að heilla mann jafn mikið og upprunalega meistaraverkið gerði? Að vissu leyti, já.

Heimurinn í þessari mynd er eins stór og magnaður og hann getur orðið. Og það hjálpar vel að brellurnar, 3D tæknin (sem er virkilega flott hér) og sviðsmyndirnar eru eins magnaðar og þær eru því þær eru það sem gerir gæfumuninn, og fær mann til að verða jafn dáleiddur yfir þessum magnaða heimi eins og í upprunalegu myndinni. Manni líður eins og að verða krakki aftur við að horfa á þessa mynd, og sú tilfinning er alltaf jafn æðisleg.

En eru karakterarnir jafn eftirminnilegir? Því miður er svarið við því nei. Þó eru sumir af þeim nokkuð góðir. China Girl, sem er lítil stelpa sem Oz hittir á leið sinni að stoppa Vondu Nornina, er algjört krútt sem er talsett af Joey King. Michelle Williams er ágæt í hlutverki Glindu en nær ekki þessu magical touch sem Billie Burke gerði í upprunalegu myndinni. Rachel Weisz og Mila Kunis í hlutverkum nornanna Evanora og Theodora voru versti parturinn í myndinni. Þetta eru karakterarnir sem eiga að hræða mann, en þær bara hafa ekki þennan scare factor sem á að einkenna karaktera þeirra. Og Zach Braff er so-so í talsetningu sinni á fylgisveini Oz. En fljúgandi aparnir voru nokkuð creepy.

En hvernig er sagan? Fyrir mynd sem er forsaga, þá virkar hún mjög vel. Hún útskýrir hvernig Oscar verður að galdrakarlinum, og hvernig Vonda Nornin í Vestrinu verður til og það sést mjög vel að Raimi lagði mikið upp úr því að ná að tengja þessa mynd við upprunalegu klassíkina og gerir það nokkuð vel og sannfærandi.

Og þá er það tónlistin: Hvernig er hún? Það er nú ekki mikið um söngatriði í þessari mynd, eiginlega bara eitt atriði. Og það nær aldrei þeim hæðum sem lögin í upprunalegu myndinni gerðu. En þó er alltaf jafn gaman að heyra tónlistina frá Danny Elfman. Það er alveg sama hvað maðurinn gerir: Maðurinn er snillingur í að búa til tónlist fyrir myndir og ekki breytist það hér.

Lokaniðurstaða: Þrátt fyrir að karakterarnir ná ekki að heilla mann jafn mikið hér og í upprunalegu myndinni, þá bætir Oz The Great & Powerful það upp með frábærri sjónrænni veislu fyrir augun og góðri sögu. Þessi mynd er verðug forsaga fyrir upprunalegu myndina.

7 af 10.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn