The Starving Games (2013)

Í þessari grínútgáfu af The Hunger Games myndunum, þá þarf Kantmiss Evershot að berjast fyrir lífi sínu í 75. árlegu Sultarleikunum, Starving Games, þar sem hún getur einnig unnið gamla skinku, inneignarmiða fyrir stóra langloku og hálfétna súra gúrku. Kantmiss Evershot er ung kona sem býr með yngri systur sinni og móður í tólftu sýslu framtíðarríkis þar sem Snjóbolti konungur ræður ríkjum. Framundan er hinn árlegi Hungursneyðarleikur, sem gengur út á það að hverri sýslu er gert að senda tvo þátttakendur í banvænan eltingarleik sem aðeins einn mun lifa af. Að þessu sinni kemur það í hlut systur Kantmissar að taka þátt í leikunum, þeim báðum til skelfingar. Af einskæru hugrekki ákveður Kantmiss að bjóða sjálfa sig fram í stað systur sinnar en í hlutverk hins þáttakandans verður fyrir valinu strákur sem hún hefur augastað á, Peter Malarky. Hann reynist þó ekki við eina fjölina felldur þegar ástarmálin eru annars vegar. En hvað með það, leikurinn hefst og þeir sem lifa fyrstu fimm mínúturnar af eiga langa leið fyrir höndum ...