Í nýjasta blaði Entertainment Weekly eru nokkrar stillur úr lokahlutanum í Twilight seríunni. Þar fáum við að sjá barn þeirra Cullen hjóna, Renesmee, sem leikin er af hinni 11 ára gömlu Mackenzie Foy. Sú hefur aðallega verið í því að leika gestahlutverk í sjónvarpsþáttum og því er þetta hlutverk stórt tækifæri fyrir hana.
Þeir sem hafa lesið bækurnar ættu að kannast við þetta, þarna er Renesmee að tjá sig við móður sína Bellu (Kristen Stewart).
Jacob (Taylor Lautner) og Renesmee eiga sérstakt samband eins og flestir vita.
Skemmtilegt atriði beint upp úr bókinni þar sem Emmett (Kellan Lutz) og Bella fara í sjómann.
Volturi tvíburarnir Jane (Dakota Fanning) og Alec (Cameron Bright).
Bella og Renesmee slappa af saman.
Svona lítur forsíðan út, ég verð að segja að bara útlitslega þá er Mackenzie Foy að smellpassa í hlutverkið, hún er þokkalega lík Robert Pattinson og er með það besta frá Kristen Stewart, síða brúna hárið. Þið getið kíkt hér til að sjá fleiri stillur og aðra forsíðu.
The Twilight Saga: Breaking Dawn – Part 2 fylgir áfram ævintýrum Isabellu Swan sem nú þarf að aðlagast nýju lífi sem vampíra og móðir á meðan Volturi vampírurnar fá að heyra af tilvist Renesmee og halda að hún sé allt annað en hún er. Frumsýningardagur er 16. nóvember 2012.
