Ferðalangar og áhugamenn um bíó sem eru á leið til Bandaríkjanna fá nú gullið tækifæri til að upplifa síðustu Star Trek mynd upp á nýtt, en hefja á sýningar á myndinni á föstudaginn næsta í 100 Imax bíóum um öll Bandaríkin. Imax eru risabíó og þarf að útbúa myndirnar sérstaklega til sýningar í Imax bíóum.
Við frumsýningu myndarinnar fyrr á þessu ári var myndin einungis sýnd í 2 vikur í Imax, en þurfti að víkja fyrir Night at the Museum: Battle of the Smithsonian.
Bíóin losnuðu svo ekki fyrr en Night at the Museum, Transformers: Revenge of the Fallen og Harry Potter and the Half Blood Prince, voru hætt í sýningum.
Myndir eru venjulega í fjórar vikur í Imax bíóum, og Star Trek verður nú sýnd í tvær vikur til viðbótar vikunum tveimur í vor.
