Þótt meira en ár sé í frumsýningu The Amazing Spider-Man hefur Columbia Pictures gefið framhaldinu grænt ljós. Mikill spenningur er sagður ríkja hjá kvikmyndaverinu en þeir hafa fengið James Vanderbilt, sem skrifaði handritið að The Amazing Spider-Man, til að hefja vinnu á framhaldinu.
Áður en ákveðið var að endurræsa seríuna um Köngulóarmanninn skrifaði Vanderbilt handritið að fjórðu Spider-Man myndinni sem hefði skartað Tobey Maguire í búningnum víðfræga. Síðan þá hefur Andrew Garfield tekið við hlutverkinu og er þá bara að bíða og sjá afraksturinn.
