Leikarinn og grínistinn Andy Samberg sagði nýverið skilið við Saturday Night Live og hefur skrifað undir samning þess efnis að hann muni leika aðalhlutverkið í gamanþáttunum Cuckoo sem verða sýndir á BBC 3 í haust.
Samberg mun leika kanann Cuckoo (það er s.s. nafnið hans) sem giftist bresku kærustunni sinni í ónáð foreldra hennar. Cuckoo er hippatýpan sem planar ekki meira en fimm mínútur fram í tímann á meðan að tengdaforeldrarnir eru andstæðan. Þættirnir verða sex talsins og skarta Greg Davies (The Inbetweeners) og Helen Baxendale (Emily úr Friends!) í hlutverkum tengdaforeldranna.
Samberg hefur greinilega ekki sagt algerlega skilið við sjónvarpið, en hann mun þó birtast í kvikmyndum á næsta ári, meðal annars The To Do list og Grown Ups 2.