Ofurhetjumyndin The Batman átti risastóra frumsýningarhelgi um síðustu helgi þegar meira en tíu þúsund manns mættu í bíó til að upplifa nýjustu ævintýri leðurblökumannsins. Aðsóknin þýðir að myndin er sú vinsælasta á frumsýningarhelgi á þessu ári!
Beðið hefur verið eftir myndinni, sem kemur úr smiðju bandaríska kvikmyndaframleiðandans Warner Bros., með mikilli eftirvæntingu og rétt eins og Íslendingar gerðu þá flykktist fólk í bíó í Bandaríkjunum til að sjá myndina. Samtals komu 248,5 milljónir dala í kassann um nýliðna helgi í Bandaríkjunum.
Tekjur á Íslandi námu hinsvegar 17,3 milljónum króna, sem er mjög góður árangur.
Gestir klæddu sig í viðeigandi klæðnað á Nexus forsýningunni.
Þessi var í búningi Gátumannsins.
Hér fyrir neðan má sjá bíóaðsóknarlista síðustu helgar í heild sinni:
