Froskurinn Kermit og vinir hans eru á hraðri leið á hvíta tjaldið á ný, en fyrsta plakatið úr nýrri Prúðuleikaramynd hefur lent á netinu. Myndin, sem skrifuð er af Jason Segel og Nicholas Stoller, fjallar um einn allra harðasta aðdáanda Prúðuleikaranna, Walter.
Walter kemst að því að olíujöfurinn Tex Richman ætlar sér að jafna gamla leikhúsið, sem Prúðuleikararnir kölluðu heimili sitt, við jörðu. Walter tekur það ekki í mál og fer, ásamt vinum sínum Gary og Mary, í ferðalag til að finna gömlu Prúðuleikarana sem hafa misst samband við hvort annað og safna peningnum sem þarf til að bjarga leikhúsinu.
Góðkunnir leikarar deila hvíta tjaldinu með brúðunum síglöðu, en þeirra á meðal eru Jason Segel, Chris Cooper og Amy Adams. The Muppets verður frumsýnd í lok nóvember.
