Nýtt plakat úr World War Z

Kvikmyndaverið Paramount Pictures hefur birt nýtt kynningarplakat fyrir hasarmyndina World War Z.

Plakatið lofar góðu fyrir myndina, sem kemur út í júní í leikstjórn Marc Forster. Með aðalhlutverk fer Brad Pitt.

World War Z er byggð á skáldsögunni World War Z: An Oral History of the Zombie War eftir Max Brooks. Myndin fjallar um Gerry Lane, starfsmann Sameinuðu þjóðanna, sem reynir að stöðva uppvakningafaraldur sem breiðist út um allan heiminn og ógnar mannkyninu.

Marc Forster hefur leikstýrt myndum á borð við Quantum of Solace, The Kite Runner, Finding Neverland og Monster´s Ball.