Gagnrýni eftir:
Avatar0 af 0 fannst gagnrýnin hjálpleg
Frábær kvikmynd og geðveik bíóupplifun ! 
Ég labbaði spenntur inn í TROÐfullan sal í Laugarásbíó á þessu fallega föstudagskvöldi. Spenningurinn var mikill og hef ég sjaldan á ævi minni fengið meira út úr kvikmynd sem ég er virkilega spenntur fyrir, en Avatar kemst í þann hóp(ásamt LOTR myndunum og The Dark Knight). Hún er á alla vegu fullkominn afþreying fyrir mér.
Ég vil byrja á að hrósa tæknibrellunum í myndinni en þær eru víst ný tækni í kvikmyndaheiminum. Þær eru nánast fullkomnar og gat ég engan veginn séð neinn gallla á þeim. Umhverfi plánetunnar Pandora er t.d. eitthvað það fallegasta sem ég hef séð í kvikmynd. Hönnunin á dýraríkinu sem ríkti þar var líka alveg frábær.
Leikararnir standa sig allir. Sam Worthington í aðalhlutverki er afar traustur ásamt Zoe Saldana sem leikur þessa undarlega myndarlegu geimveru. Einnig fannst mér mjög gaman að Sigourney Weaver, en hún hefur ekkert látið mikið á sér bera undanfarið. Stephen Lang fer vel með skíthæls-hlutverkið og langar mann virkilega sjá hann deyja sársaukafullum dauða.
Þó sagan í myndinni sé ekki endilega ný sér James Cameron til þess að troða í manni skemmtanagildi í staðinn og heldur manni uppteknum við eitthvað annað.
Myndin hentar líka öllum. Stelpurnar eiga eftir að dýrka ástarsöguna(örugglega sumir strákar líka, þar á meðal ég, hehe) og strákarnir fá sinn skammt af sprengingum og hasar. Allir fá síðan þessa frábæru upplifun af 3-D tækninni, glænýjum tæknibrellum og svo þessa geðveikt flottu framtíðarsýn.
Ég er hestánægður með Avatar og vill því skella á hana fullt hús. Cameron kann svo sannarlega að búa til alvöru bíóupplifun og hefur engu gleymt !
Paranormal Activity0 af 0 fannst gagnrýnin hjálpleg
Vægast sagt óhugnanleg. 
"Paranormal Activity" er ekki ein af þessum venjulegu hryllingsmyndum sem maður sér nú til dags. Hún nýtir sér einmitt það óhugnanlegasta í hryllingsmyndum þ.e.a.s að hræða mann með því sem maður sér ekki og fær hún því mann til að nota ímyndunaraflið. Hún er kannski ekki að fara nýjar leiðir með svona "shaky-cam" upptökustíl en er þó að mínu mati besta þannig mynd sem ég hef séð hingað til. Það er líka stór plús að myndavélin er frekar stöðug og lítið um hristing þannig að maður verður ekki hálfsjóveikur, sem á til að gerast. Myndin gefur sér góðan tíma í uppbyggingu og kynningu á aðalpersónunum og einnig fær maður að vita söguna á bakvið vandræði þeirra, sem er vægast sagt óhugnanleg lýsing(Guð hvað ég myndi ekki vilja lenda í þessu !). Atriðin þar sem fylgst er með þeim á nóttunum eru að mínu mati best og neyddist ég oft til að horfa á myndina í gegnum lófan. Leikurinn er að mínu mati góður, viss um að sumum eigi eftir að finnast hann ósannfærandi, en mér finnst þau einmitt mjög sannfærandi. Það var aðallega hvað gaurinn var mikil hetja sem var kannski ótrúlegt en ég í hans sporum myndi einfaldlega hverfa undir sængina eða hlaupa út í panic. Það sem mér finnst einna best við Paranormal Activity er líklega það að hugmyndin á bakvið hana er ekkert svo ólíkleg að geta verið sönn, maður veit svo lítið um hið yfirnáttúrulega. Einnig virkaði hún svo vel á mig þar sem ég hef ávallt verið mjög hræddur við svona hluti. Ég ætla að gefa henni 8/10, sterk meðmæli.
Harry Potter and the Half-Blood Prince0 af 0 fannst gagnrýnin hjálpleg
Fullorðinslegri Potter Ég vill byrja á að segja að ég var ekki alveg fullkomlega sáttur með Harry Potter and the order of phoenix. Ástæðan er að mér fannst hún fremur stutt og fara frekar hratt og ruglinslega yfir hlutina. Þess vegna hafði ég mínar væntingar fyrir þessari mynd um að hún gæti mögulega orðið fyrir sömu "mistökum" og mér fannst hin myndin verða fyrir. Ég get þó sagt að ég fór mjög sáttur útaf myndinni, bæði því að myndin var mjög góð og fyrir glæsilegt boð frá kvikmyndum.is á myndina sem ég vill þakka kærlega fyrir. Ég var ótrúlega sáttur með leikinn hjá flestum leikurunum og þá sérstaklega var ég ánægður með persónu Albus Dumbledore, sem mér fannst mun skemmtilegri en í fyrri myndum. Þá var myndatakan og tölvubrellur bæði til mikillar fyrirmyndar og þá sérstaklega myndatakan. Byrjunaratriðið þar sem flogið er í gegnum borgina er frábært. Það sem ég get kannski mest sagt út á hana er hvað mér finnst alltaf samtölin og hvernig allir haga sér í myndinni stundum soldið skrítinn en ætli það sé ekki bara hluti af því að horfa á Harry Potter mynd. Ég var þó eins og segji mjög sáttur með þessa mynd og bíð spenntur eftir framhaldi. Ég ætla að gefa myndinni sterka áttu.
Let The Right One In0 af 0 fannst gagnrýnin hjálpleg
Frábær sænsk hrollvekja Þegar ég steig inn í salinn bjóst ég alls ekki við því að myndin sem ég væri að fara að sjá væri svona góð. Jú, ég hafði kannski heyrt mjög góða hluti um hana en ég hafði alltaf þá tilfinningu að ég myndi ekki fýla hana, eitthverja ástæða vegna. Allavega kom myndin mér mikið á óvart, hún var frekar róleg og lágstemmd en átti sín atriði sem voru frekar ógeðfelld. Besta atriði myndarinnar er að mínu mati klárlega endaatriðið í sundlauginni en það er að mínu mati eitt það magnaðasta sem ég hef séð í kvikmynd. Mæli með henni fyrir þá sem vilja smá tilbreytingu frá Hollywood-formúlunni og þora að sjá alvöru mynd.
8/10
Observe and Report0 af 0 fannst gagnrýnin hjálpleg
ágætis ræma 
Observe And Report er að mínu mati alveg ágætis ræma svosem. Hún er rosalega súr og ljót grínmynd og gerir grín að hlutum sem ofbjóða manni en þó verður það bara soldið fyndið ef maður tekur þessu ekki alvarlega. Mér persónulega leið ekkert rosalega vel yfir sumum bröndurunum þar sem þeir fóru nokkrir yfir strikið. En Observe And Report er nokkurn veginn grínútgáfa af Taxi Driver eins og margir segja og eru tengslin þó bara milli aðalpersónanna í myndunum og í hvernig standi geðheilsa þeirra er. Ætla ekkert að fara yfir söguþráðinn en vill segja að endaatriði myndarinnar er alveg glæsilegt og vel valið að hafa þessa skemmtilegu útgáfu af "Where is my mind". Ef þú fýlar grófa brandara og súrar myndir þá er þessi alveg fyrir þig, en þeir sem eru viðkvæmir ættu að halda sig frá.
6/10
Crank: High Voltage0 af 0 fannst gagnrýnin hjálpleg
Eitthver sú klikkaðasta Ég verð að viðurkenna að mér fannst hugmyndin á að búa til framhald af Crank frekar asnaleg hugmynd(Þið vitið afhverju þið sem sáuð fyrri myndina) svo ég fór á Crank:High Voltage með mínar efasemdir. Mér til mikilla undrunar var hugmyndin af baki framhaldsins ennþá klikkaðri en ég bjóst við og kom það mér helvíti mikið á óvart. En þegar myndin var almennilega byrjuð sá ég að þarna var á ferðinni mjög svo klikkuð mynd. Leikstjórarnir hafa víst engin takmörk fyrir ofbeldi. Myndin er svoleiðist þéttsetinn brútal ofbeldi sem bæði getur farið illa í fólk og ekki, en ég er greinilega einn af þeim sem finnst helvíti gaman af svona hrikalegu ofbeldi því ég skemmti mér stórkostlega á henni. Jason Statham fer með hlutverk Chelios skemmtilega enda grjótharður sem steinn. Ég upplifði þessa mynd eins og "GTA" undir áhrifum ofskynjunarsveppa enda eitthver súrustu atriði sem ég hef séð í henni (skrímsla slagurinn hjá rafmagnsstaurunum, þúst wtf ?". En allt í allt skemmti ég mér konunglega yfir henni enda harðkjarna hasarmynd með frábærum húmor. Mæli með henni fyrir stráka helst enda nóg af allsberum skvísum sem skemmir ekkert, en þeir sem eru viðkvæmir fyrir ofbeldi og eitthverju sem tengist geirvörtum skulu hugsa sig tvisvar um.
7/10
Crank: High Voltage0 af 0 fannst gagnrýnin hjálpleg
Einhver sú klikkaðasta Ég verð að viðurkenna að mér fannst hugmyndin á að búa til framhald af Crank frekar asnaleg hugmynd(Þið vitið afhverju þið sem sáuð fyrri myndina) svo ég fór á Crank:High Voltage með mínar efasemdir. Mér til mikilla undrunar var hugmyndin af baki framhaldsins ennþá klikkaðri en ég bjóst við og kom það mér helvíti mikið á óvart. En þegar myndin var almennilega byrjuð sá ég að þarna var á ferðinni mjög svo klikkuð mynd. Leikstjórarnir hafa víst engin takmörk fyrir ofbeldi. Myndin er svoleiðist þéttsetinn brútal ofbeldi sem bæði getur farið illa í fólk og ekki, en ég er greinilega einn af þeim sem finnst helvíti gaman af svona hrikalegu ofbeldi því ég skemmti mér stórkostlega á henni. Jason Statham fer með hlutverk Chelios skemmtilega enda grjótharður sem steinn. Ég upplifði þessa mynd eins og "GTA" undir áhrifum ofskynjunarsveppa enda eitthver súrustu atriði sem ég hef séð í henni (skrímsla slagurinn hjá rafmagnsstaurunum, þúst wtf ?". En allt í allt skemmti ég mér konunglega yfir henni enda harðkjarna hasarmynd með frábærum húmor. Mæli með henni fyrir stráka helst enda nóg af allsberum skvísum sem skemmir ekkert, en þeir sem eru viðkvæmir fyrir ofbeldi og eitthverju sem tengist geirvörtum skulu hugsa sig tvisvar um.
7/10