Liam Neeson segist hafa hafnað því að taka að sér hlutverk James Bond vegna eiginkonunnar sinnar sálugu.
Framleiðendur Bond höfðu samband við Neeson vegna hlutverksins en hann hafnaði því eftir að Natasha Richardson hótaði því að giftast honum ekki. Þau voru gift í fimmtán ár þangað til hún fórst í skíðaslysi í mars 2009.
Það var mikill þrýstingur á mér að taka að mér hlutverkið og ég er viss um að einhverjir aðrir leikarar hafi líka verið undir þrýstingi,“ sagði hinn 61 árs Neeson við Hull Daily Mail. Nýjasta mynd hans er flugvélahasarinn Non-Stop.
„Þetta var fyrir 18 eða 19 árum og tilvonandi eiginkona mín sagði: „Ef þú leikur James Bond erum við ekki að fara að giftast“. Ég þurfti að taka það til greina vegna þess að mig langaði að kvænast henni.“
