Wrecked (2010)

Undir háu klettabelti, í ískulda, rankar maður einn við sér í bílflaki. Hann er illa slasaður og þótt hann skilji í fyrstu ekkert í því hvað hafi komið fyrir og hafi ekki hugmynd um hvar hann er þá verður honum fljótlega ljóst að hann er þarna einn og sennilega langt úr alfaraleið. Smám saman skýrist hugsun hans, en þungt höfuðhögg sem hann hefur hlotið hefur rænt hann minninu svo hann veit ekki einu sinni sitt eigið nafn. Sjálfsbjargarhvötin er samt enn til staðar og það fyrsta sem hann þarf að gera er að koma sér út úr flakinu. Þá uppgötvar hann að útvarpið virkar enn og í því heyrir hann skelfilegar fréttir ...