White Bird in a Blizzard (2014)

Þegar móðir hinnar 17 ára gömlu Kat hverfur bæði orða- og sporlaust sitja Kat og faðir hennar eftir með ótal spurningar sem fá eða engin svör eru til við. White Bird in a Blizzard er byggð á samnefndri skáldsögu Lauru Kasischke sem kom út árið 1999 og vakti mikla athygli. Shailene Woodley leikur hér hina 17 ára gömlu Kat sem er að fara í gegnum allt það sem 17 ára unglingar upplifa þegar þeir uppgötva ástina, kynlífið og þá staðreynd að þeir eru ekki lengur börn. Hjónaband foreldra Kat hefur staðið á hálfgerðum brauðfótum undanfarin ár og þegar móðir hennar lætur sig hverfa einn góðan veðurdag án þess að kveðja kóng eða prest reynir sem aldrei fyrr á samband Kat við föður sinn sem á erfitt með að höndla hinn nýja veruleika ...